كواكب امي

البارت الثالث عشر

صباح الخير احبتي 🖤
بعدني ما معدلة البارت
طبعاً من بعد الخطار وتعبهم سهرت من ال١٢ لل٥ الفجر كتبتلكم ونزلته😘
واعذروني من التقصير وان شاءالله اعوضكم عن ايام التأخير والظروف
واستمتعو بشقاوة الخوات من هالبارت 🙈

#كواكب_امي
للكاتبة روشان

البارت الثالث عشر

ابراهيم : الحمد لله على سلامتج ام شموسة

ليلى : الله يسلمك حبيبي ،حجيتها بصوت ناصي

فرحة : يمه ما تردين تعرفين شنو جبتي
والله شلون گلب بارد عليج

ابراهيم : يمه شنو السالفه اول وتالي تعرف ،دخل تفك بالاول

ليلى : لا اوككف ابرا هيم صدك شجبت ؟! حجيتها الكلمات بثكل

ابراهيم : جبتيلنا امير والاميرة الوياه انتي تختارين اسمها

ليلى: حسيت حلكي انشك من الابتسامة
و اول شي اجه ببالي هو بناتي ....يعني صار عدهن اخ ؟! يعني فرحتهن
اتمنيت بلحظتها اشوف عيونهن وفرحتهن
واشوف نجمة تكمز مكيفة بي

شردت بتفكيري بيهن ثواني ،ورجعت لواقعي
ولعيون ابراهيم الي جاي تشع فرح
ووجه عمتي الي بس يتبسم عكس باقي ولاداتي الاخيرة

بقت عيني على ابراهيم ،وهو كالعادة يقراني من عيوني بس شافني اباوعله اتقرب يمي وابتسامته على وجهه

مد ايده لايدي ولزمها برقة ،
عمتي طلعت كالت اروح اشوف الجهال
وهو لازم ايدي ،ثنى رجله وكعد يم راسي ،

وسحب ايدي لشفته وكام يبوسها بهدوء،
حجيت بالكوة بس جنت مبتسمه بثكل
لان الوجع تعبني حيل ،

ها حبيبي هسه ارتاحيت و مراح تتزوج عليه ،
صفن بوجهي ورفع تك حاجب وبابتسامة خبيثه حجى

ابراهيم : ما ادري افكر ..

ليلى : جريت ايدي منه بغضب وخزرته
لا والله ؟!!
حتى اموتك بليلة كشرة ،،

ابراهيم: هههههه والله وطلع لسانج ليلتي ،هاي هيج العملية تسوي ،

ليلى : والله روحي صايرة بخشمي ،مو زين ساكتة لحد الان
اصلاً اريد هسه اموتك ما انتظر للزواج
ضحك بصوت عالي ورجع حجى

ابراهيم : ولج اني شعلية يا ظالمة ،

ليلى : اوف منك كله منك
مسويني ارنب يوميه حبلانه وجايبة،شوكت تشبع من الخلفة ماعرف

ابراهيم : ايباااه لعد وين الكالت يرخصلك التعب هاا يابه ؟!!

ليلى : حجاها وغمز
رديت عليه بضحكه
لا عيني اسحب حجايتي ،لان انوب صارت توامه وفتح بطن والله كمت اخاف منك

ضحك ودنك على راسي باسه وكال اروح اجيب الجهال ويا امي

راح وشويه ورجع هو وعمتي وعمي وياهم
جابو الجهال
شكدوت الواحد جانو اول مرة اجيب هيج جاهل ناعم