مساء الفل والياسمين حبايبي 🖤
ممعدلة البارت 🙈
#كواكب_امي
للكاتبة روشان
البارت السادس عشر
ما كان حُبًا من النظره الأولى
بقدر كونه طمأنينه من الدرجه الأولى،
مثل أن ينظر المرء إلى شيء ويستريح بهِ.♥️
.
.
قمر: بعد ما انطيت جوابي ورفضي لامي
طلعت وعافتنا
هنا فرغتلي الساحة
بعز هذا السكوت والهدوء الي صار بداخل شمس تجاهي
صار لازم استغل الفرصة
بقيت صافنة عليها
وهي تحاول تتهرب بعيونها مني
وعلامات الدهشة تارسة كل وجها ،
احسها هالمرة هي تريد تسال وهي الي
تنطيني الاذن الصاغية بكامل رضاها ،،
اتقربت بكعدتي
يمها،،جنا كاعدين على جودلية بالكاع
وصلت بصفها وهمست لان نجمة وثريا يمنا بالغرفة
وجانو امير وريا يلعبون بره وسدين نايمة ،
همست
اريد احجي وياج ،،
هزتلي براسها بسكوت بمعنى اي
واني رديت
تعاي للمطبخ نسولف ..
ما حجت كلشي شالت الهدوم الجانت بيدها
وخلتهن بالدولاب
وكامت وكفت ومشت كدامي طلعت من الغرفة
واني لحكتها بسرعة
جنا متطمنين امي بغرفتها متجي
هسه للمطبخ
اول ما وصلت يمها حجت
شمس: ليش رفضتي ؟!! صدمتيني
قمر: ابتسمت ابتسامة خفيفة ورديت
وليش اوافق اصلاً ؟!!
عبالج اني اريده ؟!
شمس: جريت نفس ورديت
هذا الي شفته مو عبالي ..
قمر: مو كلشي نشوفه من بعيد يعني هو الصح ،
اكو شغلات اذا منحط روحنا بعمقها مراح نفهمها ،
مثلاً ما سألتي نفسج ليشكل هالفترة
اني حالي حالج اتهرب من عماد ؟!
لو اني رايدته جان لزكت يم بيت خالي كلما نروح
مو ابقى بعيده عنهم ،
شمس: حجيت ببرود
اي انتبهت لهالشي ..
قمر: وليش ما سالتيني ؟!
اني عن نفسي ما كدرت اتقرب منج ولا احجيلج
اي شي
لان شكد ما احجي وابرر ادري بيج راح تكذبيني
لان جنتي بحالة غضب
بس جنت متمنيه انتي تسأليني
او عالاقل گلبج يوجعج عليه وتخافين من الموقف الشفتي بيومها وتجين تكوليلي شصار وياج ؟!!
شسوالج ؟! وشراد منج
شمس: بقيت ثواني ساكته كلشي ما حجيت
ورا شويه رديت
ضحكتج وياه جانت تحجي غير شي
جانت تكول انتي راضيه وكلشي ديصير بمزاجج
شريد اسأل واكول بعد ؟!!
وفوك هذا جانت كمية النار المشتعلة بداخلي اول فترة
تخليني حتى ما اريد اباوع بوجهج ،
قمر : هاي اول فترة...
زين بعدين شنوو الصار !!!
شمس: صار برود وعدم اهتمام
صرتو عدم ومتهموني بعد ،،
بس اليوم استغربت ردج لامي ،
BẠN ĐANG ĐỌC
كواكب امي
Tiểu Thuyết Chungامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..
