كواكب امي

البارت الرابع عشر

مرحبا حبايبي
اعذروا اخطائي الاملائية لان ممراجعه البارت😘

#كواكب_امي
للكاتبة روشان
الجزء الثاني -البارت الرابع عشر

‏كل چلمة منك نبعة الريحان بالدلال ما تحمل ثكل
‏وصفولى عنك وردة القداح ريش جناح
‏زاهي بالسحر وصفولي عنك شال منك غيض بستان الورد
‏.
.
.
ليلى : بعد يومين جايين خطابة على ثريا
ثريا : طفرن خواتي من يمهن يصيحن منوو منوو!
بالوقت الي اني بي اتجمدت بمكاني

ليلى: عيال نجمة يردوها لزين ابن اخو حمزة
ثريا: بقت عيوني ثابته بمحاجرها وكانما اتجمدت للحظه ،بس گلبي يدك مثل الطبل ماعرف من فرحتي الجنت انتظرها لمدة 3 سنوات لو من التوتر والصدمة الما جنت متوقعتها ، اباوع لامي كبالي مبتسمه وعينها عليه مبينه عاجبيها هالناس كلش

ليلى: شنو رايج انتي ماما ،شايفته للولد مو ؟
ثريا: كتمت الضحكة لدرجة حسيتها تريد تطلع من خشمي من امي كالت شايفته ،،گلبي من جوه يرد ويكول
غير هو معشعش بأركان گلبي المادري شكد عددهن ،رديت بهدوء ميشبه العاصفة وكم المشاعر الي بداخلي
اي يمه شايفته

ليلى : خوش ولد هو والله اني شايفه اخلاقه من نروحلهم كلش محترم وحباب واهله خوش ناس هاي اختج معاشرتهم وكاعده يمهم حايط على حايط ولا يوم اشتكت منهم لو سمعت صوت لامه واخته وهم خوش شهادة عنده وشغله الحمد لله زين ،اني بالنسبة الي فد نوب عجبني زين لو الامر بيدي اكله كبع واخذ بس الراي الاول والاخير الج انتي ،حتى اذا انتي تقبلين بي ،افتح الموضوع ويا ابوج

ثريا : من جابت طاري ابويه حجت بتذمر ،لان من يوم الصارت اخر مشكله والحجي الي بينهم بس على احتياجات البيت او احتياجاتنا فقط
وحتى المصرف يدزه بيدنا احنا ننطي لامي لان ما منطيته وجه هي ..بقيت صافنه بوجه امي ماعرف شرد واحس اي كلمة اكولها راح تفضح الحفلة الي جاي تصير جوايه ..
ليلى: ها ماما شبيج صافنه اسم الله !! دكولي شرايح انتي بي ؟

ريا: اووي عفيه شنو شرايها هو شلونه ترى ابد مو حلو، يعني ملايكلها ابببد
ثريا: انداريت لريا خزرتها وحجيت بدون ما انتبه لنفسي ،ليش شكو بييي؟!!ما يتعيب
بعدين الرجال من شوكت صار ينقاس بشكله ! انتي ميعجبج العجب هو بقى احد الا وعيبتي عليه

ريا: ولج بابا مفهمتي قصدي ،اني اقصد الفرق بينكم كلش جبير ،يعني انتي احلى منه بهواي..
اووي هسه اني هم صوجي جاي اعترف واكلج انتي حلوة اول تالي !!! (حجت وهزت ايدها )
بعدين شبيج هلكد حميتي علينا ،هيج عاجبج عريس الغفله واحنا مندري !!

ثريا: انجببي لج ،لا والله اكوملج انعنع عظامج كلها مالج دخل انتي
ليلى: بنفسي فد يوم افتح موضوع بنصكم الا والكه ثنين منجن صارن كفش ،شوكت تعقلن ترى مو صغار وحده عمرها 24 وحده 19 يعني مو مزعطة انتن