كواكب امي

البارت الخامس والعشرون

مساء الورد احبتي
بعدني ممعدلة البارت لان كتبته رغم الظروف العندي
بس حتى لا اتأخر عليكم
واعذروني اذا قصير وان شاء الله باجر انزللكم بارت باذن الله تعالى

#كواكب_امي
للكاتبة روشان

البارت الخامس والعشرون‏

انه چذاب وغلاتك
صح اكابر بس اريدك
‏ اي وحگ ذن العيون
الما بچن بس اعله ايدك.
.
.
شمس:رفع عينه خلاها عليه من دون الكل
وجهه باهت مابي لون وعيونه مفتوحات بقوه وحاجبه صاير مثل السيف ،،

رفع ايده بتعب واشر عليه
رجفت شفافي بخوف واني اباوع لمنظره وهو حجى كلمة كلمة من بين سنونه ..

رائد : وخرووووها من وجهيييي
ترى لو اكتلهاااا لو اكتل روحييي....

شمس: خالة نجية متربعة وكاعدة يمه بالكاع ،
باوعتلي وكامت تصيح وتأشر بيدها تكلي صعدي صعددي فوك الولد حيموت من وراج ..

شمس: بقيت متيبسة بمكاني بس الحيل البية
صفّر ومنتظرة اي نسمة هوى تجي
تكفخني حتى اوكع بالكاع

عيني بعينه وهو مقابيلي كاعد
بدون كلمات بدون اي حاجه لاي حركه
من لساني
جانت عيوني تحجي وياه وتسرد رواية
مو بس كلام عادي
تسرد رواية حبنا وجنوني وتعلقي بي
وعشقي اله الي فاق الحدود ...

كمت احس روحي ما اسمع شي
بس اشوفهم ملتمين يمه وماعرف شيحجون وياه
لحد ما ايد انمدت من الدرج ورايه وسحبتني

انداريت اباوع بعيون مغرغرة بالدمعة
شفتها نور
تأشرلي بوجها بتوسل وتكلي تعاي صعدي ،،

مشيت وياها درجة درجة
جسمي صعد للغرفة بس روحي وعقلي وگلبي
بقن يمه جوة

بقيت كاعدة ومحاوطة جهالي بخوف ونور عافتنا ونزلت وبقت كلساع تروح وترجع علينا وتحذر بيه
تكلي لتنزلين ابد ،،

لليل واحنا وحدنا فوك ومحمد شبع نوم عالكتلة الاكلها ذب روحه بالفراش مثل الجبير الراجع من شغل وتعب نهار كامل ،هو هيج غط بنومته ..

اجنت نور جابت صينيه بيها عشى
ما قبلت اكل كلشي

نور: اكلي علمود جهالج خطية من يشوفوج بهالحالة راح يخافون بالزايد وهم همين مياكلون ،ولتنسين الي ببطنج هم ،

شمس: ما اشتهي شي وما اكدر اكل
اذا جعت عود انزل واكل اي شي
بس كوليلي وينه رائد هسه ؟!
وشلونه وضعه ؟! تعبان !! وشنو يوجعه
احجيلي نور فدوه ..حجيتها بتوسل

نور: لتخافين والله مابي شي حتى كاللهم كلشي ميوجعني ،وهسه هو جوة راح ينام بغرفة انور
ليضل بالج عليه حتى عادل باقي يمه ،،

شمس: ادري واني لشوكت ابقى بغرفتي وليش هيج متخبل مني
راح اتخبل نور گلبي جاي يتكطع
وراسي احسه صار حاااار من كد التفكير بوضعه شبي !!وليش هيج صار فجأة وحالته هيج تغيرت !!