كواكب امي

البارت الثامن والعشرون

#كواكب_امي
للكاتبة روشان
الجزء الثاني -البارت الثامن والعشرون

ابراهيم : شنوووو مسوي منية عليييية !! كلشي ما اريد منك لا تحترم ولا تقدددر ،مالك دخل بيه وبلي اسووويه
اني حر بقراري وبحياااتي كلها لا انت ولا بنااااتي الي خرطنلك كل الحجي تكدرون تتحمكون بيه ،ولا عبالك تلزمني من ايدي التوجعني بشغل لو غيره
اليوم گبل بااااجر افصل حصتي عنك بالمعرض حتى الشراكككة ما اريدهااااا

كاظم: استغفر الله العظيم واتوب اليه ،كمت تخوط بصف الاستكان ياخوية
ابراهيم : لا اخوط بصف الاستكان ولا غيرها كتلك اريد افصل الشراكة مال معرض
كاظم : ميخالف ميخالف يجرالك ،بس اكعد هسه خل نحجي بالموضوع الاهم
ابراهيم : ماعندي حجي بعد ،كل الحجي كلته وما اغيره لاتعب نفسك عالخالي بلاش
كاظم :زين ميخالف اني وياك شتريد تسوي سوي بس انتظر واخذ مهلة منا لشهر وخل بناتك يكملون امتحاناتهم وخل الاجواء بالبيت ترجع تركد بمكانها وذاك الوكت روح سوي الي تريده

سديم : اني وريا وحده تباوع عالخ بصدمة من سمعنا عمي ..يعني شنو هذااا هو ؟!عمي ميكدر يمنعه؟
ريا: اشش خل نسمع باقي الحجي
سديم : ياحجي يمعودة اصلا بعد سكتو ،،وصدك مطول عمي وسلم وخرنا احنا منريم الباب بسرعه رحنا للمطبخ ،طلع عمي واجه من يمنا فات شاف وجوهنا مكلوبه عرف بينا سمعنا كلشي

ابتسم وحجى بهمس لان ابويه بقى بالصالة كاعد يدخن
كاظم: معليكم بالحجي السالفة يمي (حجي ودك صدره ) انتو بس كملو امتحاناتكم ومعليكم بالباقي
سديم : سلم بعدها وطلع وخلانا بحيره ،مندري شنو نصدك بس سوينا مثل ما هو كال وخلينا تركيزنا كله على امتحاناتنا ومنتظرين الباقي منه ...
.
.
ثريا : كلشي اتراكم عليه من وفاة امي الجانت بالنسبة النا الحضن الدافي الي يلمنا من برد وصقيع الدنيا كلها ،الضهر الي نحتمي بي لو احد داسلنا على طرف، الكلمة الطيبة الي تداوي جروحنا وتنسينا وجعنا ...بس راحت وراح كلشي وياها لا بقالنا سند ولا لسان حلو يطيب خاطرنا وجروحنا ولا حضن دافي يلمنا ،صفينا مشردين بروحتها مثل الماعنده لا بيت ولا احد يلمه

ومن بعدها اتوارت علينا الازمات وبداعا ابويه بأكبر ازمة وصدمة ممكن تمر على بشر ،لدرجة ماكدرت اباوع بوجهة بعد ولا ابقى وياه بنفس البيت دقيقة وحدة ،بيوم الي حجى ويانا خابرت على زين وطلبت منه يجي ياخذني من وكت اذا كدر

زين : خيرج حبيبي بيج شي ! شو مستعجلة مو اتفقنا بالليل امرلج خوما صاير شي
ثريا : ماكو شي بس اني تعبانة اريد ارجع لغرفتي ارتاح صار اسبوع ما نايمة عدل (شريد اكله تعال اخذني قبل لا يرجع ابويه واشوفه !)
زين : هذا هو مثل ما تردين ،فد نص ساعة واني يمج اتحضري
ثريا : سديته منه وكمت لميت جنطتي اني وابني ،وبقيت انتظره لحد ما اجه جانن بقية خواتي بعدهن موجودات بالليل يرجعن
باوعت بكل ركن بالبيت واني احس روح امي بعدها بي
باوعت لكل ذكرى منها لكل صوره حلوه انزرعت بعيوني الها بهالبيت واني الحسرات تاخذ اوسع مكان من صدري ...
وترجع عيوني على خواتي الصغار وگلبي ينمرد ،شلون يكدرون يتحملون غيابها وهم مكابلين ذكرياتها ومكانها وكاعدين !
شلون يكدرون ويتحملون يكعدون ويا ابويا بنفس البيت بعد القهر والضيم الي حجاه !! اني اعتبرهم اقوى منا احنا الكبار كلنا