اعذروا اغلاطي البارت بدون مراجعة كالعادة🙈
#كواكب_امي
للكاتبة روشان
الجزء الثاني-البارت الحادي عشر
أشبدلاك..؟
يالذيذ الطبع يالگلبي اشتهاك
سامع احجايه حجيت انه وراك..!!
لو عرض شامت ابدربك
لوفرد واحد نهاك ..!
لو جزع كلبك عشرتي
وهذا كل حد مشتهاك ..!!
.
.
ثريا : اني قريت اخر جملة منها وحسيت راسي كله خدر من الصدمة
الدمعة نزلت من عيني بدون بجية يمكن من الحسرة حتى خواتي الوكفات يمي نسيتهن
بقيت مركزة وانتظر واشوف الي اسمه ابويه شلون راح ينطي بأمي كدام بت الشارع الي غلطت عليها منظرة اشوف تعب ليلى ووكفاتها وسنين عمرها برسالة وحدة من ابراهيم
وهو رد
ابراهيم :سدي الموضوع ترى ما اقبل تتجاوزين عليها ،هاي مرتي وام جهالي وعشرة عمر ،
المهم باجر خل اخلص المرافعة العندي وانتي اخذي اجازة زمنية حتى نطلع برة نتغدة على شط الكوفة
ثريا: انداريت لخواتي جانت شفتي بلا وعي معقوجة للاسفل من البرطمة والدموع تجري اباوع عليهن الي عيونها تتجادح والي روحها شايطه بس السكوت والهدوء جان سيد الموقف
عفتهن ومشيت وهن دخلن ورايه بدون صوت
صعدنا نركض لغرفتنا فوك دخلنا وريا ركعت الباب بكل قوتها
ريا: انيييي شكللللت مو كلت الكم خل نحجي لامييي ولج شفتي وين وصللل !!
ليش ليييش خليتيني اسكت من يوووومها ولج وحق الله الخلقني ما اسكت بعد ولا اضمله السالفة ،
ثريا : والله امي متستاهل ،امي ...اريد اكمل الكلمة مكدرت غصيت بدموعي بلعت ريك وكملت
امي من تعرف شنو يصير بيها!! اذا احنا بناته وهذا حالنا ،جاي تشوفون وجهكم والنار التطلع من عينكم ! بس فهموني امي شراح تحس؟؟
ريا: تدرين شنو اليقهر ،اليقهر ان امي شايلته من عالكاع شيل ولج تخاف يطلع صوتنا من ينام حتى لا تقلق راحته
ولج تخاف عليه متخلي ياكل من بره تسوي بيدها ونطي
قاطعتها سديم وهي تحجي بحرگة
سديم : واليقههههر ان ياخذ تعب امي ووكفتها عالطباخ من الفجر حتى تسويله لكمة نظيفة وطيبة وهو ياخذها ويروح يوكل هاي الي ماعرف شسمها
ريا: اسمها بتتتتت شارع ،اسمها بواكة الزلم من نسوانهم اسمها العااار والرخيصة
تحتاجون بعد اسماء الها هااااا؟
ثريا: اششش نصي صوتج لحد يسمع ،
ريا : عسااااهم كلهم سمعووو ،ولج هذا الي شاتلنا بالبييييت الي منكدر نحجي حجاية بوجودة تالي عمرة يكوم يراهق ؟ وعلى منووو على ليلى ! اخاف هم تردينا نسكت بعد ؟
ثريا: حجتها وباوعتلي بخزرة ،هزيت راسي بتعب
لا منسكت بس خل يطلع الصبح الساعة حتصير 12 والكل نايمين لا تخبلون الكل بهالليل
سديم: كرهت ابويه حيل
ثريا: كرهناه او حبيناه المشكلة مو هنا ،المشكلة احنا منعرف شنو مضمون علاقتهم ماعدنا معلومات عنها منين هي ومن شوكت يعرفها ووين واصله علاقتهم ..احتمال متزوجها بس الله لا يكولها
تعرفون يعني شنو متزوجها معناها كسر امي بالزايد معناها امي تنتهي
يعني من ينكشف انوب يخلينا امام الامر الواقع واحتمال حتى يجيبها ويعيشها ويانا ويخليها على گلب امييي..
سديم: وليش امي بذاك الوكت راح تبقى بخلقته اصلا!!
ثريا: مادري احس راسي ثكل من الافكار ،ماريد نسبق الاحداث خل يروح لدوامه باجر ونشوف ..
كومو انتو نامو يلا بس غسلو وجهكم بمي بارد واهدوا شوفو وجهكم صاير دم من الاعصاب
ESTÁS LEYENDO
كواكب امي
Ficción Generalامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..
