#كواكب_امي
للكاتبة روشان
الجزء الثاني _البارت الواحد والثااثون
سديم :دخلت للماسنجر شفت هذا حساب مهند ابن عمي هو الي دازلي
فتحتهن جان سلام بالاول بعدين كاتب
مهند: اذا موجودة اريد احجي وياج بموضوع وخل نتفق من هسه اريدج تكونين صريحة ويايه عالاخر
سديم : عقجت حواجبي مستغربه شيريد مني وطبعا هاي اول مرة يراسلني بيها ...رديت
اي طبعاً ليش يايوم كذبت عليك اني
احجي مهند وكعت گلبي ترى ...
مهند : شوفي اني ما ردت اجي احجي وياج واسألج طك بطك بس من اكعد افكر بالحجي السمعته اكول احسن شي اتأكد منج حتى كل واحد بينا يعرف راسه من رجليه
سديم : شلون بسالفة المقدمات اني احس رجلي راحت واني انتظر حضرة جنابه يكلي شنو السالفة
مهند: شو ساكته
سديم : لان شليتني وجلطتني من الانتظار غير تحجي عاد وتفضني
مهند: من الاخير سديم ...انتي صدك تحبيني ؟
سديم : لو جاي نحجي صوت جان كلت جاي اسمع غلط بس المشكلة هاي رسالة ومكتوبة ىمدام عيني عدتها 3 مرات حتى استوعب الكلمة وبعدها ضحكت ودزيتله سمايل يضحك وحجيت
جاي تتشاقه مو ..زين لحظة انت قصدك احبك لو اكرهك ترى اكيد انت غالي عليه مثل امير وهمام قابل جديدة عليك لو متعرف بهالشي
مهند: لا تسوين روحج غبية اني قصدي حب حبببب يعني مثل اي ثنين يحبون بعض وراها احتمال يتزوجون وهيج
سديم :لا هوووب هوب منين جبت هالحجي ؟!
مهند: هو صدك لو جذب
سديم : ترى صرت عصبية والله وكلش ضجت ،طبعااااً جذب انت منيلك هالحجي
مهند: سمعت من ناس
سديم : متكلي منو ذولي حتى ابتلي بيهم والللله ،مهند ترى اصلاً ميحتاج تجي وتسألني ،انت اكثر شخص تعرف العلاقة الي بينا الشقى والميانة والضحكة كلها لان احنا اخوان حتى لو مو من ام واب واحد ..
مهند : اني هم استغربت من سمعت متشوفين جيت اتاكد منج حتى اقطع الشك باليقين لان انصدمت من سمعت وعبالي صدك انتي كايلتها
سديم: وااله عيب عليك ليش ششايف مني حتى تصدك هالحجي
مهند : مشايف صح ،وهمزين جيت كتلج حتى الواحد يعرف الصدك وين والجذب وين ....
سديم : مهند منو كلك ؟
مهند: معليج انسي السالفة
سديم: لا ما انسى ،الي طلع عليه هالحجاية يمك باجر عكبة يطلعها لو يحجيها يم غيرك ،كلي منو كلك اذا صدك تعتبرني اختك ومخلي اعتبار لخوتنا احجي على شنو تتستر عليهم
مهند:سديييم كافي سدي الموووضوع ولتخافين الي حجى مراح يحجي بعد ولا يعيد السالفة
سديم : ترى اني مخايفة ،بس اني ماريد واحد لو وحده ميسوون يجيبون طاريي على لسانهم وابقى ساكته ويتمادون
يلا گلي منو وصلك هالحجي
ما رد عليه اني هم فارت اعصابي كتبتله...راح احجي لقمر وهي تعرف منك بطريقتها وطلعت من المحادثة جنت عصبية كلش
اتخيل لو الحجاية وصلت لامير لو لابوية مو راح يكولون اكيد عدها شي وياه !! انوب يخلوني بحلك سعاد وتضل تاكل وتشرب بيه وبأمي الله يرحمها
أنت تقرأ
كواكب امي
General Fictionامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..
