مساء الورد حبايبي اعذروا اخطائي الاملائية لان ممراجعة البارت
وقراءة ممتعة المن ورداتي🖤
#كواكب_امي
للكاتبة روشان
الجزء الثاني_البارت الواحد والعشرون
ليلى : روحي لابوج كوليلة امي صار يومين مماكلة شي ومجاي يثبت ببطنها شي خل ياخذني للدكتور
سديم :مصدكت هي نطقت وطلبت بلسانها عفتهم وطلعت اركض على ابويه الي جان عازل روحه بغرفته وعالمه الخاص اول ما دكيت الباب عليه ودخلت بقى صافن مستغرب لان بس وكت الاكل جنه نصيحة
ابراهيم : شتردين !
سديم : امي مريضة فد مرة وصارلها يومين كلشي ميثبت ببطنها
كام من مكانة بسرعة
ابراهيم: وينها هي
سديم : بغرفتنا غير ..راح توديها للدكتور!!
ابراهيم : اي طبعاً خل تلبس هسه اني راح ابدل واشغل السيارة استعجلو شويه
سديم : رجعت بسرعة على امي كلت الها يلا نروح للدكتور
ليلى: تجين ويايا؟
سديم : اي ماما ما اعوفج يلا حبيبتي كومي ،سندتها شمس وريا بسرعة حابتلها ملابس غيرتلها ولبسناها وطلعت تمشي بالكوة واحنا وياها لكيناه مشغل السيارة
كعدتها بالصدر لان كالت عيب احد يشوفنا من الجوارين كاعده ليورة شيكول !! وصلنا للدكتور بينما وصلنا السرة ودخلناها بقى يفحص بيها ويستفسر ووصفناله الي صار وياها فبسرعة كال عدها قرحة بالمعدة قوية
ووصفلها علاج اكثر من شكل وكال اكلها لازم بدون دهن وبهارات لان مو زين عليها .اخذنا العلاج ورجعنا وسجللها مغذي خلينا الها وكملته بالبيت لان صارلها يومين مماكله جسمها كلش تعبان بقت بفراشها 3 ايام مابيها حيل تتحرك
واحنا شلنا البيت شمس تطبخ للبيت واني عليه اكل ماما بيدي اسوي الها واوكلها لحد ما ورى اسبوع بدت تتحسن والالم هم كلش خف وبدى يروح والعلاج مالتها اكثره خلص بس مستمرة عالشراب الي سجله الها الدكتور وقبل جم شهر هم جانت تستعملة وكلش زين اتذكر حتى اني مرة صارت حركة بمعدتي واخذت منه كلش ارتاحيت ...
رجعت امي على رجليها الحمد لله تتحرك وحيلها رجع الها وشمس متخليها تسوي كلشي واني وريا هم من نرجع من دوامنا نحاول قدر الامكان نسوي كم شغلة بالبيت حتى ليصير الضغط كله على شمس
من جهة ثانية بقت امي متحجي ويا ريا شكد ما حاولت تراضيها وشكد مرت ايام وامي ما منطيتها وجه ابد ،جنت اشوفها شكد تتعذب وتريد بس تنال رضى امي بس بنفس الوقت اشوف امي شلون تضغط على روحها حتى لتسامحها بسهولة هالمرة
.
.
ريا: جنت احاول بكل طاقتي اتودد واتقرب لامي بس اول مرة اعرف بگلبها هيج يكدر يصد احد بينا ،مرات اصفن واكول ادري بروحي اني ضوجتها وقهرتها وهالشي جاي يعذبني هواي ،واعرف امي لو سامحت مرة وحدة مو اكثر ...بس ارجع واكول باجر عكبة من تعرف ياسر وسعادتي وياه هي الي راح تصف ويايه وتفهمني وتفهم وتعذر الي سويته
بس رغم هذا بقيت اني وراها مر شهر عالمشكلة الصار وهي اني الحمد لله صحت من مرضها وبدت تلاحظ شلون اني ادور رضاها بس كل الي انطته الي هو ردها على كلامي وجوابها في حال سألتها عن شي بس مارجعت وياي مثل الاول ابد ..
سديم ما عافتني ابد ،كل جم يوم وتفتح الموضوع وياي وشكد احاول افهمها الموضوع من وجهة نظري بس مجانت تقتنع ابد ..
خلص الشهر بدون ما ارجع اجيب موبايل جديد،وياسر جنت كل جم يوم اكتبلة رسالة بتلفون امي وادزها لمريم واحذفها من يمي وهي الي ادزها اله وهيج جنازمصبرين روحنا
رغم هو محضرلي جهاز مثل كل مرة بس هالمرة اني اجلت الموضوع وردت الامور ترجع تهدى يلا اخذه
YOU ARE READING
كواكب امي
General Fictionامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..
