كواكب امي

البارت السابع عشر

مساء الورد احبتي 🖤
بما ان الرواية عبرت اول ١٠٠ الف مشاهدة
فأكيد تطلبوني بارت هدية لان هذا وعدي الكم ،
وان شاء الله للصبح ينزل البارت الهدية وتتدللون

#كواكب_امي
للكاتبة روشان

البارت السابع عشر

هذا انـه
بعدنـي انـحب
وبـعــدنــــــــــــي
شما عتگ لوني ارد مـن اول اتـرتب
يالماتدري الذهب مرغوب لاينمل ولاينذب
.
.
.
شمس : لا والله اني اصلا استحي
بس ربج سطرني من شفته انثولت وبقيت فاكة حلكي
هاي انتي مكيفه عيونج ملونه
وج شفتي لون السمى بعيووونه ؟!!!
منين هذا ابو عيون زركة

بعدني احاجيها واجت بت خالتي
اول ما وصلت يمنا كالت

-ها اتأخرت عليكم
اسفه والله بس رحت اشوف رائد اخويه
عبالي يريد غدة

شمس: دغتني قمر بفخذي بسكوت وهي تضحك
واني بلعت ريك ورمشت بسرعه ورديتلها،

ها يعني هذا الفات اخوج ؟!

وفاء: اي هذا رائد اخوية
ثالث واحد هذا ،وبعد خمس اخوان عندي
واحنا البنات بس ٢ اني وسناء اختي الجبيرة الشفتوها جوة

شمس: اي ماشاء الله ادري بيكم بس لان ما شايفينكم قبل فما عرفته،

ماطولنه بره ،شويه ورجعنا للصاله يم امي
وخالتها والبنات
وبعد ابد ما اتحركنا من يم امي
فاتت ساعتين ورجع ابويه اخذنا من الباب

اول ما وصلنا للبيت جانت الدنيا غروب
بدلنا بسرعه ورحنا نساعد امي بالمطبخ جانت
تريد تبلش تسوي العشى
وسهى كامت تبجي جان عمرها شهرين تقريباً
كلنالها روحي رضعيها احنا نكمل

ليلى : مو تكب العيطة ورايه !!!
ترى وروح امي الچفچير جاهز يريد يتعوج عليجن

قمر: وچ يمه كافي عوفي الچفچير كبرنا ،،

ليلى: اعوف الچفچير اكو نعال بداله ،،،

قمر: شوف حظي ومصايبه !!!
هههههه يمه اكلج كبرنا عالكفخات بروح امج عيب بعد

ليلى : بيجن حظ بطلن كفش
ذاك الوكت كولن كبرنا ...

قمر : حجت وهي تمشي وطلعت من المطبخ
ما معبرتنا
انداريت لنجمة وشمس واكفات يضحكن

شمس: لو راضيه بعماد جان هسه هناك عالية
مدللتج اخر دلال
لا جفجير ولا نعال

نجمة: صفكولهاااا لشميسه
كامت تلقي شعر بوزن وقافية بت برهم افندي

وچ غير لو هناك جان بس تجر نفس زايد ،
عاليه تهد عليها الثور
هذا الجانو يربطو بالزاويه مال حضيرة والكل تخاف منه
تكول اسطورة بروس لي مو حولي ..

قمر : كااافي ولجن ..خل نكمل حتجي امي
امشي نجمة جيبي الكبه من الفريز وانتي ثريا
كشري بتيته
وسويها درگ(دوائر) مو شياف