مساء الورد على حبايب قلبي ،صديقاتي وخواتي وامهاتي اهلي وناسي الي هم انتم🖤 مشتاقتلكم حيل والله شاهد على كل الظروف المريت بيها وجنت من افتح حسابي العائلي اشوف كلام ماراح اكلكم يقهرني لان مهما بدر من احد منكم اني مراح ازعل، وبنفس الوقت اشكر الله الي خله محبتي بقلوب هواي منكم والي حبكم نابع بشكل نقي ونظيف مو على حساب ان اني مجرد كاتبة لا والله شفت حبكم ما اله دخل بالشي الي اقدمه وانما بشخصي اني وعلاقتي بيكم 🖤
مثل ما كلت قبل هالفترة اني عائلتي متعرف بيه اكتب قصص ،،خاصة امي واخواني وهالشي سببلي مشكلة وياهم بالاخص واحد من اخواني عدنا يتخبل من سالفة القصص فالشي الصار وياي واهم شي هو ان اخوية شك بسالفه الكتابة واضطريت اغلق حسابات الكتابة فترة وخلال هالفترة صادفني مرض اختي ومرضي اني الي ما جاي اعرفله سبب وحالياً اقسم بالله احاجيكم والم راسي دمار وماينحمل جاي يصير عندي ارتفاع بالضغط بدون سبب💔
حتى مصيري بالكتابة ما جاي اعرفة بالنسبة للي كالو راح تخسرينه وتخسرين متابعيج ،،احب اكلهم اني اذا كسبت فكسبت حبكم مو متابعتكم واكيد القصص ما واكفه علية والي اعرفه جاي تتابعون هواي قصص لكاتبات مبدعات فماعرف ليش التجريح بالحجي واني والله حتى لو ردت متابعتكم فمو علمودي وانما حتى توصل قصة ابطالي ومعاناتهم لاكبر عدد لان تعرفون اني ما طالعة بشي من هالتعب غير حبكم 🖤
اني ما اكلكم اتوقف وانما بس تتعدل ظروفي ومرضي راجعه اكمل وياكم لان والله مو مجرد قصة وانما قصص عندي وكل قصة اقوى من الثانية
بس بالنسبة لحساباتي راح ابقيهن مفتوحات وابقى على تواصل وياكم بس ككتابه مرضي ابداً ما يسمحلي وغلاتكم عندي😔وانتو تعرفون ان البارت الواحد يرادله ٦ ساعات بالقليلة ،زين شلون واني ضغطي بحالة ارتفاع بشكل دائم وعيوني بالكوة افتحهن 💔
واخر شي اكولة الكم اني كسبت خوات وصديقات مو مجرد متابعين ،والي متابعتني علمود القصص وما عاجبها فترة غيابي تكدر تمحيني من قائمتها ،لان انتو تعرفوني من جنت بصحة زينة وظروفي عدلة شلون جنت ملتزمة وياكم ،بس احنا بشر ومنعرف شنو المضموم النا وهسه منا لساعة واحدنا ميعرف شنو الراح يصير وياه ...واحنا الكاتبات حالنا من حالكم والله . واذا جاي اعتذر منكم فورايه اعتذار اقوى لابطال قصتي لان حتتوقف قصتهم لفترة غير معلومة ..
وهسه بعد كل هالحجي اريد تدعولي انتو يا احب الناس على قلبي 🖤
احبكم
#روشان
هذا حساب كاتبة مبتدئة تابعوها حبايبي
Oops! This image does not follow our content guidelines. To continue publishing, please remove it or upload a different image.
