مساء الحب
وهاي رجعت وياكم يا اغلى الحبايب واحلى متابعين
روايتنا بعدها مجرد مقبلات والجاي اقوى وابدع بعون الله تعالى
اني تعرفوني مو من النوع الي اجي اكلكم اتفاعلو حتى انزل بارت لان هذا مو اسلوبي ولا ادور هيج شي وياكم
بس اني اريدكم من ذاتكم تتفاعلون حتى بس محرد تنطوني دافع اقوى للاستمرايه والابداع الي تستاهلونه 🖤
متابعة ممتعة حبايبي#كواكب_امي
للكاتبة روشانالبارت السادس
مستعجلين اعلة اللچم !
هوة اني هم بية الغلط دليتكم بصوابي💔🥀
.
.
ليلى: كاعد ابراهيم بصف كاظم فدار وجهه عليه وهمس بصوت ناصي يم اذن كاظم
الي فهمته منه جان قصده سد الموضوع بعد ..
ورجع عدل كعدته وباوع لامي وكالابراهيم: عمة لمو غراضكم حتى ناخذكم ويانا ،متبقون هنا بعد..
صبيحة: لا ييمة على بختك شجاي تحجي !!! انا ما اكدر اعوفن بيتي وكاعي شلون اجي وياكم ؟!
كاظم: عمة والله ميصير تبقون هيج وحدكم ،واحنا بعيدين عليكم ،هسه لو قريبين جان نكول ميخالف نروح ونجي وميضل بالنا
،بس شلون تضلن وحدجن والبيت مابي رجال يلزمة ويدير باله عليجن ..هيج راح يبقى بالنا يمكم ليل ونهار ؟!صبيحة: يمة والعباس اعرفكم ما تقصرون وليداتي انتم ،،بس انا شعندي قابل ،هاي لامه فريخاتي وكاعده ،والدنيا بخير شكو علينا ،وهذا جعفر وياي زلمة امه وسندها وهو يدير باله علينا ،شنهو ما واكف بعينك جعفر(حجتها وطبطبت على جتاف جعفر الجان كاعد يمها)
كاظم: والنعم منه رجال ابن رجال ،،بس هم بعده صغير ومو كلش يكدر يسوي
هاي دنيا وكلشي يصير بيها لا سامح الله صارلكم شي ،صارلكم قدر بنص ليل شتسوون وين تنطون وجهكم
جعفر على عيني وراسي بس ميكدر يسد كلشي ..صبيحة:ماعلينا شي ان شاء الله لا تظلموها علي ..انا طلعة من بيتي ما اطلع ولا اتبهذل وابهذل فروخي وياي ..
ابراهيم : خلف الله عليج عمة ،يعني جيتج ويانا بهذلة؟
صبيحة: لا ييمة مو هيج القصد اعرفكم انتم شنو واعرف اصلكم وطيبكم والله شاهد لو بيوم فكرت اروحن عند احد فبكتها رح اجيكم وماروحن لخواني وخواتي .. بس مهما يكون انا عندي بيت وبمكان الكاع كياعين
شلون تريدني اعيفن كل خير رجلي وحگ هالوليدات لوحده عصت ابني علي ،لو لابني بچري الصاير خرگة بيدها ..
انا ما طلع منا وافهمو علي ييمه بدون زعل فدوه لطولكم الحلو ..
وانتم لا يضل بالكم علينا هذا هينه قريب علينا سعد واذا احتاجينا شي بدقايق يروحله جعفر يصيحة ويجي ..ترا مو بعيد بيته ..
YOU ARE READING
كواكب امي
General Fictionامٌ حنون لاخوانها ،وقلبٌ فاح منه الحب والعطاء لذاك الذي فتحت رمق عينيها عليهِ، وسماءٌ دافية احاطت ببناتها السبعة..... من سيأخذ بيدها ،ومن سيعبر من فوقها ... تابعو معي..