كواكب امي

البارت الثاني والعشرون

مساء الورد عليكم حبايبي ،ممعدلة البارت عذروني
وقراءة ممتعة الكم 🖤

#كواكب_امي
للكاتبة روشان
الجزء الثاني-البارت الثاني والعشرون

ريا: بقيت انتظر واترقب الصور تنفتح او الرسالة مالته او مالتها توصلني
الفضول كتلني لحد ما انفتحت الصور كلها وحده ورى الخ
من شدة الصدمة الجنت بيها حسيت ايدي خدرت وماعرف من يا صورة ابدي

بقيت اعقج بوجهي واغمض وافتح بعيوني اريد اصحى اريد اطلع من هالكابوس بس طلع مو كابوس حقيقة وبعدني بيها
وصور ياسر كدام عيني هو و وياه بنية ماعرف منو هي ،صورهم سيلفيات وصور بمكان عام ولازم ايدها واحد طاكلهم الصور
وصور محادثات والكلام البينهم يمكن حتى باحلامي ما اتجرأ احجي هيج كلام وياه ،
ايدي الي ترجف صعدت بحركة سريعة على حلكي حتى تلحك تكتم شهكاتي ،دموعي صارت تتسابق وياعين تنزل دمع اكثر
كعدت بالكاع ماعندي اي حيل اوكف بعد كلبي كام يحركني واني ابجي بحرگة
كلبببي يوجعني والله گلبي يوجعني ليييش هيج تسوي بييييه لييش !! واني الي واثقة بيك ثقة عمية اني الي اجذب الكل واصدك بيييك هيج اتجازة !الللللله ينتقم منننننك الله ينتقم منك يااااسر

سديم : سمعت صوت ريا واصل ليجوة يمنا همزين مجان اكو احد بس اني وشمس انتبهنا عليها كمت اركض صعدت يمها
لكيتها واكعة بالكاع، الموبايل مشمور يم رجلها وهي حاضنه روحها ودافنه راسها بحضنها وجاي تشهك ببجيتها رحت اركض ناحيتها احاول اجرها واشوف وجها وهي تدفع بيه وتصيح عوفيني

ريا: عووفيييني عوفيني وج وجهي اتصخخخم وگلبي راح ينفججججر ،شنووو ذنبي لان حبيتتته ووثقت بييي!!! ولج عيشني بوهم صار سنننة وشهور واني مثل الزماااالة فاكة حلكي على جذبه وما مصدكة غيرررة وتالي يطلع هيج قذذذر ونذل ماااكو منه لييش !

لعد اذا يدور كحاااب ليش اجاااني ليش اندك بيه ليش خلاني اتعلق بي واحبه الله يحركك ياسر بنار گلبي الجاي احسهااا هسه الللله يحرككك

سديم : كااافي اشششش لحد يسمع ،بس رفعي راسج راح تختنكين
تحجي وهي دافنه راسها بالكوة كدرت اجر ايدها وافك حضنها الجانت لامته وبين وجها وصوت بجيها الجان ناصي بدى يعله

كافي بجي ميستاهل ؟
ريا: ولج وجع الگلب مينحمل واللله مينحممممل ،اللله يساعد گلبج يمه الله يساعدج شلون عااايشه شلون مواجهة خيبة املج بسنين عمرج كلهاااا
ولج والله جاي اتحسف على كل يوم حجيت وياه بيه جاي اكره روحي اتمنى لو ما عرفتتته اتمنى ما شفت وجه وشكووولة القذرررة
جاي اكره روحي الجانت تمشي ورااااه وتصدكة بكلشييي ،شلون ما صدكت البنية الدزتلي محادثاته شلون جذبتها وصدكت بجذباته هو!!
شنوووو من بشر شلون يكدر يعيشوهو يكسر بگلوب البنات هنا وهناك مخااافة اللله ويييين