كواكب امي

البارت الخامس

مساء الورد حبايبي اعذروني عالتأخير وهذا بارت طويل لعيونكم
واعذرو اخطائي الاملائية لان ما مراجعة البارت 🙈

#كواكب_امي
الجزء الثاني_البارت الخامس

وتبقى الوساده هي من تعرف لمن تذرف هذه الدموع وما سببها وكم من حكاية تعلم وكم من ألم تحمل
.
.

ليلى : عافتنا الممرضة ومشت واني گلبي مو گلب اخت ،جان گلب والدة اجه كاظم وهمام هم للمستشفى كالو دينتظرون جوة
بس احنا جنا قريبين عالصالة
فاتت النص ساعة وماكو خبر منهم ،احس الوكت كام ياكل بيه اكل
ومحد منهم طلع ابد
ورى ساعة كاملة من الخوف والقلق والدموع طلعت الدكتوره وجها ما يتفسر وكالت

الدكتورة: المريضه دخلت بغيبوبة ومجاي تصحى
ليلى : شنووو يعني شنووو متصحى !! كعدووها دخلوني يمها انييي اصحيها شبيها هي دخلت تمشي على رجليها مثل الورد شنو هسه تكولين غيبوبة ،،فقدت كمت اصيح واحاجي الدكتورة بصوت عالي وبلا وعي
اخذوووني يمها فدوه لراسج دكتورة وديني يمها بس تحس بيه راح تكعد اني امها اني الربيتها اني الشلتها بحضني وداريتها بيدي هاي ولج عيني بس تلزم ايدي ترد لوعيها بس تحس بنار گلبي وكسرته عليها اااخ يبعد اختج بيييه ولا بيييج
احجي ودموعي تنزل مثل المطر ابراهيم ساندني من ورى ويحاول يهدي بيه واني احس روحي حتى مجاي اسمعه

الدكتورة: ادعولها فدوه بدل هالبجي ان شاء الله مابيها شي ويمكن ورى ساعه وتصحى ويمكن اكثر الله اعلم بس لا تفاولون عليها

ليلى: طبطبت على كتفي الدكتورة وراحت
بقت عيوني ضلمة ما اشوف بيها من كثر الدمع من كثر الوجع
صور بناتها تجي كبالي ،المن تردين تعوفيهن جميلة والله يضيعن بلاج لا عدهن اب ادمي ولا احد يكدر يلمهن مثل امهن
ماريد اني المهن جميلة اريدج انتي تبقين على راسهن انتي تربيهن وتكبريهن مثل ما اني ربيتكم ،يا ربي بجاة امير المؤمنين لا تفجعني بأختي وبنتي لا تهدلي الباقي من كلبي واني جرح امينه لهسه ياكل بگلبي اكل ..

المواقف صارت تنعاد عليه ،فاتحه امينة وفاتحة امي وشلون بقينا بلى ام ،يربي ما اكدر اتحمل بعد فقدان العزاز اخذ من روحي وانطيها فدوه لاسمك ربي ،،ماعرف شكد فات وكت واني بمكاني كاعده ماكدرت اكوم حتى رجلي تخيطت وكلما يريد يكومني ابراهيم ادفعه واغطي وجهي بعباتي وتبقى دموعي تجري
ابراهيم : كافي يگلبي ترى بعدهي تتنفس بعدهي ويانا والله ،ادعيلها بدل هالنواح والبجي المابي فايده بس جاي تأذين نفسج ..

ليلى : گلبي ناغزني ابراهيييم والله گلبي يكلي مو زينة ،لو مابيها شي ليش ما كعدت ليش ما وعت
اوووف يا گلبي وناره عساااااك يسليم احتركت بنار اكبر من نار گلبي ،حسبييي الله ونعم الوكيل عليك عسى ربي ياخذ حوبه هاليتيمة المظلومة منك ويكسر گلبك مثل ما كسرت گلبي على اختي