Under A Rest | ☁️

Chapter 33

Sa isang fast food restaurant lang kami kumain kaya naman afford ko iyon kahit papano. Nag uusap sila tungkol sa ibang bagay at hindi ako halos makasabay. Hindi ako makarelate sa pinag uusapan nila, masyadong malayo ang pamumuhay nila kumpara sa akin.

"Nakakainis! Naubusan ako ng stock noong paborito kong libro"

Sila ay iyon lamang ang inaalala samantalang ako namomroblema kung paano makakapag tapos ng pag aaral.

Napansin ng mga kasama ko na tahimik ako, kaya napunta sa akin ang atensyon nila.

"Ikaw Meisha? May paborito ka bang K-pop group or Wattpad author? Or anything?"

"Ah. Wala akong alam sa ganiyan e." napakagat ako sa ibabang labi dahil nahihiya ako. Hindi ko naman kasalanan na wala akong oras para doon .

"Are you even serious? Come on! That's what we called living nowadays" hindi ko alam kung anong isasagot ko doon. Pilit na lamang akong ngumiti sa kaniya. Nakita ko namang bahagyang napaismid at natatawa ang ibang kasama namin.

Nagpaalam akong pupunta ng banyo pero si Maui lang ang may pakealam na aalis ako.

Habang naglalakad ay nagtext ako kay Uno, at tinanong kung anong ginagawa niya. Wala akong ibang masabi sa kaniya, ayaw ko namang magpasundo sa kaniya dahil baka mag alala pa siya.

Pumasok ako sa isang cubicle habang iniintay ang reply niya pero wala. Baka busy?

Pagkalabas ko ay ang nag aalalang mukha ni Maui ang sumalubong sa akin.

"Ayos ka lang ba? Pasensya ka na sa kanila"

Wala naman siyang kasalanan at wala rin siyang dapat ihingi ng tawad. Wala rin naman ginawa o sinabing masama iyong mga kagrupo namin. Ako ang may problema, dahil nararamdaman ko nanaman na hindi ako kabilang sa kanila.

"Ayos lang" nginitian ko siya para hindi na siya makonsensya.

"Bumalik na tayo doon. May naghihintay sayo"

"Sino?"

Nagkibit balikat lamang siya at naunang lumabas. Nagtataka akong sumunod sa kaniya.

Nang makalapit sa pwesto namin ay napaawang ang labi ko nang makita roon si Uno. Anong ginagawa niya rito?

"Oh! Anjan na pala sila"

Sinalubong ko ang seryosong mata ni Uno, pero agad na lumambot iyon nang makita niya ako.

"Let's go home?"

Tumango ako at nagpaalam sa mga kasama ko, kahit hindi naman kawalan na umuwi ako. Pero nagulat ako nang nagpaalam na rin si Maui na mauuna na.

Naalala kong transferee nga pala siya kaya siguro hindi niya kilala si Uno.

Sabay sabay kaming tatlong kumabas doon. Nagpaalam sa amin si Maui na mauuna na siya.

"Mauna na ako Meisha! Kita kits sa school" ngumiti siya sa akin at tumango sa lalaking nasa likuran ko.

Naglakad kami ni Uno papunta sa sasakyan niya. Sumandal siya doon at parang may iniintay na sabihin ako.

"Anong tinitingin mo jan?"

"What happened to your dinner?"

Napasimangot ako at naalala nanaman kung paanong na out of place ako kanina.

"May kilala ka bang K-pop group? O author ng Wattpad?" Tanong ko sa kaniya na ikinakunot ng noo niya.

"Ha?" parang naguluhan siya sa tanong ko. "Ah! Naalala ko na, ayun yung kinaaadikan ni Michelle at Aryana. Bakit?"