ကိန်းကြီးခန်းကြီးမနိုင်ဘဲ အညိုနုရောင် မိုးကာသားအင်္ကျီကို ခပ်ရိုးရိုးလေးသာ
ဝတ်ဆင်ထားတဲ့လူတစ်ယောက်က မှန်ကောင်တာနားမှာ ရပ်နေတယ် ။ ထိုလူက သူ့ဆံပင်တစ်ဝက်ကို နားရွက်အောက်နားလေးမှာ စုစည်းထားတယ် ။
သူက ကိတ်မုန့်သွားယူနေတဲ့ ဝိတ်တာလေးကို ရပ်စောင့်နေတာ ။
"လူကြီးမင်းမှာထားတဲ့ Red velvet heart cake ရပါပြီ "
"ကျေးဇူးတင်ပါတယ် "
ထျန်းလုအန်း ခေါင်းညိတ်ပြပြီး အနီရောင်ရှေးခေတ်စက္ကူနဲ့ လှပသေသပ်စွာ ထုပ်ပိုးထားသော ကိတ်ဘူးလေးကို ယူလိုက်တယ် ။
"ယွမ်ဂရုရဲ့ ပြောရေးဆိုခွင့်ရှိသူက သူတို့ Yun Group နဲ့ MY Studio တို့ တရားဝင် လတ်မှတ်ရေးထိုးပြီးကြောင်း ဆိုလာပါတယ်... ယွမ်ဂရုရဲ့ စီအီးအို ယွမ်ရှောင် နဲ့ F City ရဲ့ စူပါမော်ဒယ် လုမင်းထန်တို့က လတ်မှတ်ရေးထိုးပွဲကို တက်ရောက်လာကြပါတယ် "
ထျန်းလုအန်းမျက်လုံးက အသံထွက်ပေါ်လာတဲ့ နံရံထက်က တီဗွီကို တန်းရောက်သွားတယ် ။ တီဗွီထဲမှာ ယွမ်ရှောင်တို့နှစ်ယောက် လက်ဆွဲနှုတ်ဆက်နေကြပြီး ယွမ်ရှောက်ရဲ့လက်က လုမင်းထန် ခါးပေါ် လျောဆင်းသွားတယ် ။ နှစ်ယောက်သားရဲ့ လက်ကောက်ဝတ်မှာ ဆင်တူဝတ်ထားတဲ့ စုံတွဲနာရီကိုလည်း မသိမသာ လှစ်ဟပြရင်းပေါ့ ။
MY Studio ?!
(လုမင်းထန်က Min နဲ့ ယွမ်ရှောင်က Yun)
သံသယတွေဖြစ်နေစရာမလိုပါဘူး ။ သူတွေးထားတဲ့အတိုင်းပါပဲ ။ သူတို့နှစ်ယောက်က ဒီစတူဒီယိုကိုအတူတည်ထောင်ပြီး ပို၍သာရင်းနှီးနီးကပ်နေနှင့်ပြီးကြပြီပေါ့ ။
ထျန်းလုအန်း သူ့အင်္ကျီလက်ကို သူ့လက်ကောက်ဝတ်က နာရီဖုံးတဲ့အထိ ဆွဲချလိုက်တယ် ။ ဒီနာရီက မနှစ်ကတုန်းက
နှစ်နှစ်ပြည့်မင်္ဂလာ လက်ဆောင်အဖြစ် ယွမ်ရှောင်ပေးထားတာ ။
တိတိကျကျဆိုရရင်တော့....ယွမ်ရှောင်ပေးတဲ့ ကဒ်နဲ့ ထျန်းလုအန်းဘာသာ ဝယ်ထားတဲ့နာရီ ။ သူ့ အခန်းထဲမှာ ဒါနဲ့ဆင်တူ နောက်တစ်လုံးတောင်ရှိသေးတယ် ။
ဆင်တူဝတ်ချင်လို့ စုံတွဲနာရီလေး ဝယ်မိပါရဲ့ ။ ဒါပေမယ့် ရှီအန်ချန်းက တားတယ်လေ ။ ယွမ်ရှောင်က မလိုချင်တာမို့ သွားမပေးလိုက်ပါနဲ့တဲ့ ။
YOU ARE READING
စတန့်ထွင်လွန်းတဲ့ ခင်ပွန်းဟောင်း(စတန့္ထြင္လြန္းတဲ့ ခင္ပြန္းေဟာင္း)
FantasyCHAPTERS 148 (completed) ကွကိုဖတ်ချင်လို့ ဘာသာပြန်တာပါ..ဘယ်သူ့ဆီမှ ခွင့်ပြုချက် မတောင်းထားပါဘူး..တခြားလူပြန်ထားတာတွေ့ရင် ပြောပါ..ချက်ချင်းပြန်ဖျက်ပေးပါ့မယ်.. ကြကိုဖတ္ခ်င္လို႔ ဘာသာျပန္တာပါ..ဘယ္သူ႕ဆီမွ ခြင့္ျပဳခ်က္ မေတာင္းထားပါဘူး..တျခားလူျပန္ထားတာေတြ...
