ကျိုးနိုင်က အဝတ်အစားအသစ်တစ်စုံကို ရေချိုးခန်းတံခါးဝမှာထားပေးပြီး ဝတ်စုံ
ရောက်ပြီဖြစ်ကြောင်း တံခါးခေါက်ကာ အချက်ပေးလိုက်တယ် ။ ထျန်းလီအန်းမှာတဲ့အတိုင်း နေ့လည်စာရော အမျိုးသမီးဝတ်စုံနှစ်စုံပါ ဝယ်လာခဲ့တယ် ။သူလည်း အခြေအနေအရပ်ရပ်ကို နားလည်ပါတယ် ။ ထျန်းလေးက အရာရာတိုင်းကို ဂရုတစိုက်ရှိလွန်းပေမယ့် ယွမ်ရှောင့်တုံ့ပြန်မှုတွေတော့ သူ မမြင်ခဲ့ဖူးဘူး ။
အချိန်တစ်ခုကြာပြီးနောက် ရေချိုးခန်းထဲမှ ထျန်းလီအန်းထွက်လာတယ် ။ သူ့ကိုယ်နဲ့အနီးတဝိုက်မှာ လာဗင်ဒါ ရေချိုးဆပ်ပြာနံ့လေး သင်းပျံ့နေတယ် ။
ရေစိုနေတဲ့ ဆံစ,ပျော့ပျော့လေးတွေက သူ့နဖူးထက်မှာ ခပ်ရှုပ်ရှုပ် ခွေဝဲကျနေပြီး အဲ့ဒီကရေစက်လေးတွေက ပါးပြင်ကိုဖြတ်ပြီး ကော်လာထဲထိ တစ်စက်စက်ကျဆင်းနေတယ် ။
ကျိုးနိုင်က ဆိုဖာတစ်လုံးထက်မှာထိုင်နေပြီး အဝေးကိုငေးနေတယ် ။
ငါ့ကောက နုပျိုနေသေးတာပဲ !
ထျန်းလီအန်းက အတွေးနဲ့အတူ သဘောတကျရယ်လိုက်တယ် ။ သူ တရုတ်ပြည်ပြန်ရောက်ပြီးတည်းက ခုလိုမျိုး ရယ်ခဲလှတယ် ။ တိတိပပပြောရရင် မရယ်မပြုံးသလောက်ပါပဲ ။
" ဒီမှာ "
ကျိုးနိုင်က သူ့ဝတ်စုံရဲ့အတွင်းအိတ်ကပ်ထဲက ဘရိုကိတ်သားနဲ့လုပ်ထားတဲ့ အပြာရောင်သေတ္တာငယ်လေးကိုထုတ်ပြီး ထျန်းလီအန်းကို ပေးလိုက်တယ် ။
" မင်း စိတ်ကြိုက်ရွေးပြီး အော်ဒါမှာထားတဲ့ လက်ကြယ်သီးလေးတွေ .. ငါ လာရင်းနဲ့ ဝင်ယူလာခဲ့တာ "
ထျန်းလီအန်းခေါင်းညိတ်ပြီး ဘရိုကိတ်သားသေတ္တာလေးကို ဖွင့်လိုက်တယ် ။ အထဲမှာ ရွှေရောင်လက်ကြယ်သီးလေးနှစ်လုံး ရှိနေတယ်။ ကြယ်သီးလေးတွေမှာ ကျူးလစ်ပန်းပုံကို အနုစိတ်ကျကျ လက်ရာမြောက်စွာ ထွင်းထုထားပြီး ကြည့်လိုက်ရုံနဲ့ တန်ဖိုးကြီးပြီး အထက်တန်းကျမှန်း သိသာလှတယ် ။
" ကျေးဇူးတင်ပါတယ် ကော "
ထျန်းလီအန်း ပျော်ရွှင်စွာ ဆိုလိုက်တယ် ။
YOU ARE READING
စတန့်ထွင်လွန်းတဲ့ ခင်ပွန်းဟောင်း(စတန့္ထြင္လြန္းတဲ့ ခင္ပြန္းေဟာင္း)
FantasyCHAPTERS 148 (completed) ကွကိုဖတ်ချင်လို့ ဘာသာပြန်တာပါ..ဘယ်သူ့ဆီမှ ခွင့်ပြုချက် မတောင်းထားပါဘူး..တခြားလူပြန်ထားတာတွေ့ရင် ပြောပါ..ချက်ချင်းပြန်ဖျက်ပေးပါ့မယ်.. ကြကိုဖတ္ခ်င္လို႔ ဘာသာျပန္တာပါ..ဘယ္သူ႕ဆီမွ ခြင့္ျပဳခ်က္ မေတာင္းထားပါဘူး..တျခားလူျပန္ထားတာေတြ...