ရဲ့ရိဟန် မရပ်မဖြစ် ထရပ်လိုက်ရပြီး တည်ငြိမ်ချင်ယောင်ဆောင်ကာ ဖြေလိုက်တယ် ။
" ကိုယ့်ကိုယ်ကိုယ် ယုံကြည်မှုရှိခြင်းပါ ဆရာလု "
ဖြေပြီးနောက် အတန်းထဲ ဝေ့ကြည့်တော့ ဘယ်ကျောင်းသားမှ သူ့အဖြေကို မေးခွန်းထုတ်လိုဟန် မရှိဘူး ။ ဆရာလု မျက်ခုံးကွေးကာ သူရှိရာကို အပြုံးနဲ့ လျှောက်လာတယ် ။
လုမင်းထန်ရှပ်အင်္ကျီက အပေါ်ပိုင်းပွင့်ဟကာ ညှပ်ရိုးများ ပေါ်နေပြီး ထိုအောက်မှာ ခရမ်းရောင်သန်းနေတဲ့ hicky က အထင်းသား ။
သူက ရိဟန်ခုံပေါ်က နာမည်ကို သာမန်ကာလျှံကာ တစ်ချက်ကြည့်ပြီး စူးစမ်းလိုမှုတွေ ပိုမိုကာ ထုတ်ဖော်ပြသကာ ကိုယ်ကို ရှေ့သို့ပင် အနည်းငယ် ငုံ့ကိုင်းလိုက်တယ် ။
" ကဲ ဒါဆို မင်းရဲ့ ယုံကြည်ချက်ကရော ဘယ်မှာလဲ "
ဆံသားနုလေးများရဲ့အောက်က နားရွက်ဖျားလေးတွေ ရဲတက်လာတဲ့အထိ ရှက်နေပေမဲ့ ရဲ့ရိရန်ဟာ ပုလဲလုံးသဏ္ဍာန် သွားတန်းဖွေးဖွေးလေးများပေါ်အောင်ပြုံးပြီး နဖူးထက်က ဆံပင်ကိုသပ်တင်ကာ မျက်နှာကို မော့ချီလိုက်တယ် ။
" မျက်နှာ !! .. ကျွန်တော်က အရမ်းချောတာ .. ကျွန်တော်က သိပ်ချောတာ .. ကျွန်တော်က စူပါအချောတစ်လိုင်း "
သူ့စကားအဆုံးမှာ တစ်ခန်းလုံး ဝေါခနဲ ဆူညံသွားတယ် ။ တချို့ကျောင်းသားတွေဆို လက်ခေါက်မှုတ်သူကမှုတ် ၊ လေချွန်သူက ချွန်နဲ့ ။
သေချာတာပေါ့ ။ ရှီရန်ယွီ မှန်တယ် ။ သူ့ကြောင့် ဖြေနိုင်ခဲ့တာ ။ ရိဟန်က အဖြေကိုသာသိပြီး မေးခွန်းကို တစ်လုံးတောင် သိခဲ့တာမဟုတ်ဘူး ။
ဒါပေမဲ့ အတန်းသားတွေရဲ့ တုံ့ပြန်မှုကိုကြည့်ရင် သူ့အဖြေက ကွက်တိမှန်သွားပုံပဲ ။
" အဖြေကောင်းတစ်ခုပဲ ကျောင်းသားရဲ့ "
လုမင်းထန် အနည်းငယ် အံ့ဩသွားပုံနဲ့ သူ့ကိုပြန်ထိုင်ခိုင်းကာ တခြားကျောင်းသားတွေ ဆက်မေးနေတယ် ။
ရဲ့ရိဟန် ပြန်ထိုင်လိုက်တယ် ။ သူ့အနားတဝိုက်မှ ကျောင်းသူလေးတွေက မယုံနိုင်စွာ သူ့ဘက်ငေးကြည့်နေပြီး ကျောင်းသားတွေက 'မိုက်တယ် ဘရို' ဆိုတဲ့အကြည့်မျိုး ပေးလာကြတယ် ။
YOU ARE READING
စတန့်ထွင်လွန်းတဲ့ ခင်ပွန်းဟောင်း(စတန့္ထြင္လြန္းတဲ့ ခင္ပြန္းေဟာင္း)
FantasyCHAPTERS 148 (completed) ကွကိုဖတ်ချင်လို့ ဘာသာပြန်တာပါ..ဘယ်သူ့ဆီမှ ခွင့်ပြုချက် မတောင်းထားပါဘူး..တခြားလူပြန်ထားတာတွေ့ရင် ပြောပါ..ချက်ချင်းပြန်ဖျက်ပေးပါ့မယ်.. ကြကိုဖတ္ခ်င္လို႔ ဘာသာျပန္တာပါ..ဘယ္သူ႕ဆီမွ ခြင့္ျပဳခ်က္ မေတာင္းထားပါဘူး..တျခားလူျပန္ထားတာေတြ...
