UNICODE
စုကျိုအကြောင်းတွေးမိသွားတော့ ခံစားလို့ကောင်းသွားသည်။ "ခြောက်လွှာမှာ... သား သူမကို ကျေးဇူးတင်ခဲ့ပါတယ်"
အမျိုးသမီးက ခေါင်းငြိမ့်ပြီး ပြောလာသည်။ "ကောင်းတာပေါ့... သားအပေါ်ကောင်းခဲ့တဲ့သူတွေကို သားမှတ်ထားသင့်တယ်... အခုချိန်မှာ သူတို့ရဲ့ကြင်နာမှုကို ပြန်ပေးနိုင်တဲ့အရည်အချင်းမရှိသေးပေမယ့် အနာဂတ်မှာတော့ ပြန်ပေးနိုင်လိမ့်မယ်... သူတို့ရဲ့ကြင်နာမှုကို အမှတ်ရပြီး သူတို့အပေါ် ကျေးဇူးတင်သင့်တယ်"
ရုန်စစ်က လေးနက်စွာ ပြန်ဖြေလာသည်။ "သားသိပါတယ်"
ငါအရွယ်ရောက်လာတဲ့အခါကျရင် သေချာပေါက် သူမရဲ့ကြင်နာမှုကို ငါပြန်ပေးဆပ်မှာ...
***
စုကျိုက ရှန်းထင်းစစ်ရဲ့ကားထဲထိုင်ပြီးနောက်မှာတော့ စပြီး ထွက်သွားတော့သည်။ သိပ်မကြာခင်မှာပဲ လူချမ်းသာအမြောက်အများနေသည့် တောင်ကုန်းပေါ်က မြို့နေရာလေးကို ရောက်သွားသည်။
ရှုခင်းက အရမ်းကိုလှပြီး ပင်လယ်ကိုလည်း လှမ်းမြင်နေရသည့် နေရာကောင်းဖြစ်သည်။ တောက်ပနေသည့် ကောင်းကင်ပြာနှင့် အေးမြလတ်ဆတ်သည့် ပင်လယ်လေပြည်လေညှင်းတွေကလည်း ကောင်းမွန်သာယာသည့် ငြိမ်းချမ်းမှုတစ်ခုဖြစ်သည်။
လေထုအခြေအနေက ဟောင်းနွမ်းနေသည့် မြို့နေရာနေနှင့် လုံးဝဆန့်ကျင်ဘက်ဖြစ်၏။
အမည်းရောင် Maybach ကားက ပြင်သစ်သစ်ပင်တွေနှင့် ပြည့်နေသည့် လမ်းပေါ်တွင် မောင်းနှင်နေသည်။
Black maybach car
YOU ARE READING
ကူးပြောင်းလာပြီးတဲ့နောက်မှာ ငါလေးက ဝန်ထုတ်ဝန်ပိုးကလေးလေး ဖြစ်လာတယ်
RomanceDisclaimer : I'm not own this novel. I'm just translate to MM langauge Eng Title- I become a burdensome child after transmigrating Author(s)- Biting Peaches Genre(s)- Romance Type- Web Novel (CN)