ကမ္ဘာ စိတ်စွမ်းအင်စက်ကွင်း၏ ဒုတိယအဆင့်ဖြစ်သော မေတ္တာထုတ်လွှတ်ခြင်းစက်ကွင်းကို ကျင့်နေရင်း ဆရာပြောသည့်စကားများကို နားထဲကြားယောင်လာသည်။
“လူရဲ့အတွင်းအဇ္ဈတ္တမှာ ခိုအောင်းနေတဲ့ စွမ်းအားစိတ်တွေရှိတယ် ...အဲ့စွမ်းအားတွေကို အားကောင်းလာအောင် သေချာပြုစုပျိုးထောင်ပေးရင် ကိုယ်လိုချင်သလို အသုံးချလို့ရတယ်...အဲ့ဒါကမေတ္တာပို့ခြင်းလို့ခေါ်တဲ့ မေတ္တာစွမ်းအင်က စွမ်းအင်အမြင့်ဆုံးပဲ...”
(ကျွန်တော်တို့တွေ မေတ္တာပို့တယ် ပဌာန်းတွေရွတ်ကြတယ် ပဌာန်းမရွတ်ခင်မှာ မေတ္တာသုတ်ကိုရွတ်လေ့ရှိကြတယ်မလား ။
အဲ့လိုရွတ်လိုက်တဲ့အခါမှာ ကျွန်တော်တို့ပို့လိုက်တဲ့ မေတ္တာဓာတ်တွေက အရပ်ရှစ်မျက်နှာ အကုန်လုံးကိုပြန့်နှံ့သွားတယ်။
သာမန်မေတ္တာပို့ရုံလေးပို့တဲ့သူတွေမှာကျ မေတ္တာစွမ်းအင်နည်းတယ်။ဆုတောင်းမေတ္တာပို့သတယ်ဆိုတာ ကျွန်တော်တို့ ရွတ်လိုက်တဲ့အချိန်လေးတင် အလုပ်လုပ်တာမဟုတ်ဘူး။အကျိုးဖြစ်စေတာမဟုတ်ဘူး။အဲ့စွမ်းအင်တွေကတစ်ချိန်လုံးအလုပ်လုပ်နေတာမျိုး။ကျွန်တော်တို့စိတ်က အားကောင်းကောင်းနဲ့ ကိုယ်လိုချင်တဲ့အကြောင်းအရာကို သေချာစိတ်နှစ်ပြီး မေတ္တာပို့လိုက်ရင် ကိုယ်ဖြစ်ချင်တာတွေဖြစ်လာနိုင်တယ်။တစ်ချို့တွေဆို ပဌာန်းကို အဓိဌာန်တွေနဲ့ ရွတ်ကြတယ်ပဲမဟုတ်လား။
အမြဲတမ်းမေတ္တာပို့ ရွတ်ဖတ်နေသူတွေက ဘဝမှာ အောင်မြင်မှူတွေရတက်တယ်။မြင်အပ်မမြင်အပ်ပုဂ္ဂိုလ်တွေကစောင့်ရှောက်ပေးလေ့ရှိတယ်။)
“မေတ္တာဓာတ်လိုင်းတွေ အားကောင်းလာရင် မင်းဖြစ်ချင်တဲ့ကိစ္စက ကောင်းသည်ဖြစ်စေ၊ ဆိုးသည်ဖြစ်စေ၊သိစိတ်နှင့်ဖြစ်စေ၊မသိစိတ်နှင့်ဖြစ်စေ တစ်စုံတစ်ခုကိုတောင့်တလိုက်ရင် အဲ့ဒီအရာဖြစ်လာစေဖို့ အထောက်အပံ့ဖြစ်သွားလိမ့်မယ် ....”
ကမ္ဘာ ပို့လွှတ်သည့် မေတ္တာစွမ်းအင်ကအားကောင်းလွန်းသောကြောင့် မိုင်ပေါင်းထောင်ချီအောင်ဝေးနေပါစေ ထိုတစ်စုံတစ်ယောက်ဆီ ရောက်သည်။
သူ၏မေတ္တာတွေနှင့်ထိုတစ်စုံတစ်ယောက်ကို နွေးထွေးစေသည်။
YOU ARE READING
ပယင်းကြိုးသီ ချစ်သောမောင့်ဆီ(Complete)
Historical Fictionမောင်က မင်းကမ္ဘာတစ်ခုထဲကိုပဲ ဦးခိုက်နေမယ့်ကောင်ပါ စဝ်မင်းကမ္ဘာဦးခိုက် time travel (My Universe is Oo Nyo 💫✨ Season 2)
