သက္က သခင်မလေးထွက်သွားပြီးနောက် ညောင်စောင်းပေါ်မှာ ငုတ်တုတ်လေးထိုင်နေသော သခင်လေးကိုကြည့်လိုက်ပြီး
ဘာလုပ်ပေးရမှန်းမသိဖြစ်သွားသည်။
သခင်လေးကြည့်ရတာ ရုပ်နှင့်နာမ်ကွာနေသည့်အတိုင်း ငူငူငိုင်ငိုင်ဖြစ်နေသည်ကိုတွေ့ရသည်။
ဧကလေး ဒီကိုဘယ်လိုရောက်လာရသည်လဲဆိုတာ အကြိတ်အနယ်စဉ်းစားနေမိသည်။
“ထူးခြား....”
“.....”
ကိုယ့်ကိုပြူးကြည့်နေသော ထူးခြားကြောင့် ဒီဘက်ခေတ်မှာ သူကထူးခြားမဟုတ်ဘူးဆိုတာ တွေးမိသွား၍
“ဆောဒီး မင်းနာမည်ဘာ....”
“သက္ကပါသခင်လေး...”
“အေး သက္က ...ခု ငါက ဘယ်ရောက်နေတာလဲ...”
“သရေခေတ္တရာပြည်ပါသခင်လေး....”
“သရေခေတ္တရာ ကြားဖူးသလိုတော့ရှိပါတယ်....ဘယ်နှခုနှစ်လဲ.....”
“သာသနာနှစ် ၃၈၆ခုနှစ်ပါသခင်လေး...”
“ဟမ်....၃၈၆ဟုတ်လား....ဟိုမှာက ၂၅၆၅နှစ်(သာသနာနှစ်)....ဗုဒ္ဓေါ သူက လွန်ခဲ့သော နှစ်ပေါင်း၂၀၀၀ကျော်ထိကိုရောက်လာတာတဲ့လား....ဒါဆို...ခုကဘာခေတ်လဲ...”
“ပျူခေတ်ပါသခင်လေး....”
“အော် ပျူခေတ်....ဘာ ပျူခေတ်ထိတောင် ဟုတ်လား.....”
*ဘယ်လိုတွေတောင်လား....သူကြားဖူးသည့် ဗမာလူမျိုးများအစပျူခေတ်ကဆိုသည့်စကားပုံလို သူက မြန်မာနိုင်ငံခေတ်ဦးပိုင်းထိရောက်လာရသည်တဲ့လား....wtf...အဲ့ဒါမှတော့ မထူးတော့ ကျောက်ခတ်ထိရောက်လိုက်ပါတော့လားဟ....ဒါဆို အဝတ်အစားဘာညာတောင်မလိုတော့ဘူးလေ မဟုတ်ဘူးလား....*
(ပျူခေတ်မှပျူလူမျိုးများသည် တိဘက်-ဗမာအနွယ်ဝင်များထဲမှ မြန်မာနိုင်ငံအတွင်းသို့ အစောဆုံးရောက်ရှိအခြေချခဲ့သည့် လူမျိုးများအနက်မှ အုပ်စုတစ်စုဖြစ်မည်ဟု မှန်းဆရသည်။အသားအရောင်ပေါ်မူတည်၍ လူမျိုးခွဲခြားသောစနစ်အရ ပျူတို့သည် မွန်ဂိုလွိုက်ခေါ် အသားဝါမျိုးနွယ် အုပ်စုတွင်ပါဝင်သည်။)
“ဟုတ်ပါတယ်သခင်လေး....”
သက္က သခင်လေး၏ ထူးဆန်းနေသော အမူအရာများက ပိုဆိုးလာသောကြောင့် ဒီတိုင်းထားလို့ဖြစ်ပါ့မလားဟုတွေးနေမိသည်။
YOU ARE READING
ပယင်းကြိုးသီ ချစ်သောမောင့်ဆီ(Complete)
Historical Fictionမောင်က မင်းကမ္ဘာတစ်ခုထဲကိုပဲ ဦးခိုက်နေမယ့်ကောင်ပါ စဝ်မင်းကမ္ဘာဦးခိုက် time travel (My Universe is Oo Nyo 💫✨ Season 2)
