ပယင်းကြိုးသီချစ်သောမောင့်ဆီ
အပိုင်း✨🍁(၄၄)“အားပါး...ခုမှပဲ ပေါ့သွားတော့တယ်....အေ့...ဟိဟိ...”
ဧကလေး တစ်ယောက်ထဲရေရွတ်ရင်းရယ်လိုက်ကာ လက်ဆေးဖို့ရန် ဘေစင်ကခလုတ်ကိုလှည့်လိုက်သည်။ဧကလေးဘယ်လောက်အားနှင့်လှည့်လှည့် ရေထွက်မလာသည့်အတွက်စိတ်တိုလာရသည်။ဒါသူ့ကိုသက်သက်မဲ့ မခန့်လေးစားလုပ်တာပင်။ဧကလေး မျက်မှောင်ကိုကြုတ်၍ ခါးထောက်လိုက်ကာ ထပ်လှည့်ကြည့်သည်။မရ။ကြာတော့ ချွေးများပင်ထွက်လာပြီး အမူးပြေသွားသလိုခံစားရသည်။
“ဟ!!ဘာလို့လှည့်မရတာတုန်း...ကပ်တီးကပ်တက်နဲ့ပေကပ်နေတယ်ပေါ့ဟုတ်လား... ငါလှည့်တဲ့ဘက်ပါမလာဘူးပေါ့ဟုတ်လား...တွေ့မယ် တွေ့မယ်...”
ကမ္ဘာ မာန်အထဲမှာကြာနေသဖြင့် လိုက်ဝင်လာရာ ဘေစင်ဘေး ခါးလေးထောက်ပြီး ဆူပုတ်ပုတ်လေးဖြစ်နေသောသူအားတွေ့လိုက်ရသည်။
“မာန်...ဘာဖြစ်လို့လဲ...”
ကမ္ဘာ့ကိုမြင်သည်နှင့် မျက်ဝန်းပြာလေးများက လက်ခနဲတစ်ချက်ဖြစ်သွားပြီး ချက်ချင်းမျက်နှာငယ်လေးဖြစ်သွားကာ နှုတ်ခမ်းကိုမဲ့လိုက်၍...
“မောင် ဟင့် ဖွင့်မရဘူး...”
“ခလုတ်ဖွင့်မရတာလား ...”
“ဟုတ်...ဧကလေးက လက်ဆေးချင်လို့ဖွင့်တာကို သူကပွင့်လာမပေးဘူး...ဟင့် မောင် ဆူလိုက်...”
“အဟွန်း!!”
ကလေးများ တစ်စုံတစ်ခုနှင့်ခိုက်မိလျှင် မိဘများဆီကပ်ချွဲ၍ ဆူခိုင်းသလို ပြုမူလာသော အမူးသမားလေးအား ကမ္ဘာ အသည်းယားစွာ ဖျစ်ညှစ်ပစ်ချင်လာရသည်။“လှောင်တာလား...ဧကလေးက ဝမ်းနည်းနေတာကို အဲ့ကလူကြီးမောင်ကလှောင်တယ်ပေါ့...ဟင့် ပါးပါးနဲ့ ဒယ်ဒီနဲ့ ဖောင်းဖောင်းလေးနဲ့ တိုင်ပြောမယ်.... ”
“အဟွန်း!! မလှောင်ရပါဘူး မောင် ဖွင့်ပေးမယ်...”
“ဟွန့်!!”
ဧကလေး နှုတ်ခမ်းလေးဆူရင်းနှာမှုတ်လိုက်သည်။“လာ မောင်လက်ဆေးပေးမယ်...”
ကမ္ဘာအမူးသမားလေးလက်လေးအားဆွဲ၍ ဖွဖွလေးဆေးပေးလိုက်သည်။
VOUS LISEZ
ပယင်းကြိုးသီ ချစ်သောမောင့်ဆီ(Complete)
Roman Historiqueမောင်က မင်းကမ္ဘာတစ်ခုထဲကိုပဲ ဦးခိုက်နေမယ့်ကောင်ပါ စဝ်မင်းကမ္ဘာဦးခိုက် time travel (My Universe is Oo Nyo 💫✨ Season 2)