ပယင်းကြိုးသီချစ်သောမောင့်ဆီ
အပိုင်း✨🍁(၁၄)
တိတ်ဆိတ်ငြိမ်သက်သော ညအမှောင်ယံတစ်ခုတွင် ညောင်စောင်းပေါ်မှ လူသားလေးတစ်ဦးသည် အပူပင်ကင်းစွာဖြင့်အိပ်မောကျနေသည်မှာ တစ်လောကလုံးအား ဂရုမစိုက်စွာပင်။
ပန်းရနံ့တွေမွှေးကြိုင်နေသော နေရာတစ်ခု၊
အရောင်အသွေးစုံလင်လှသည့် လိပ်ပြာလေးများဟာလည်း ဟိုဟိုဒီဒီ ယှက်ကူးပျံသန်းလျက်၊ကျေးငှက်လေးများ၏ တကျီကျီအော်သံနှင့်အတူ လှပလွန်းသော ဥယျာဥ်တစ်ခုထဲတွင် ဧကလေး ရောက်နေသည်။
ဘာကြောင့်ရယ်မသိပေမယ့် သူ့စိတ်ထဲတွင် ဒီနေရာက ရင်းနှီးနေသလို ခံစားရသည်။
ပန်းပေါင်းစုံတွေကြား ဟိုဟိုဒီဒီလိုက်ကြည့်ရင်း မျက်ဝန်းပြာလေးများဟာ တလက်တလက်။
တို့ထိကိုင်တွယ်ကြည့်မိသည့် ပန်းပွင့်လေးများနှင့်အတူ မျက်ခွံလေးတွေ ပိတ်ကျသည်အထိပြုံးမိလိုက်သည်။
"ဒီနေရာလေးက အေးချမ်းလိုက်တာ..."
ထို့အချိန်၌ အောက်မှ တစ်စုံတစ်ရာက သူ့အဝတ်အားဆွဲနေသလို ဖြစ်သောကြောင့် ဧကလေးငုံ့ကြည့်လိုက်ရာ ချစ်စဖွယ်ကလေးငယ်လေးတစ်ယောက်။
ပယင်းရောင်မျက်ဆံဝိုင်းလေးများက သူ့ကိုငေးမောကြည့်နေပြီး လက်လေးများကမ်းကာ သူ့ကိုချီခိုင်းနေသည်။
ဧကလေး အံ့ဩသွားရသည်။
ဘေးဘီပတ်ဝန်းကျင်အားဝေ့ဝိုက်ကြည့်ပါသော်လည်း လူနှင့်တူသည့်အရိပ်အယောင်မျှတောင်မတွေ့ရ။
သူနဲ့ကလေးလေးပဲရှိနေသည့်အလားထင်ရကာ ကလေးလေးရှေ့ ဒူးတစ်ဖက်ထောက်ထိုင်ချလိုက်သည်။
*ဒီကလေးလေးက ဘယ်ကဘယ်လိုရောက်လာတာလဲ...
ဒီနေရာကရော ဘယ်နေရာကြီးလဲ..
ငါကရော ဘာလို့ဒီရောက်နေတာလဲ....*
လဲပေါင်းများစွာသော မေးခွန်းများဟာ ခေါင်းထဲသို့ အလုအယက်ဝင်လာပြီး ကလေးငယ်လေးကို သေချာစိုက်ကြည့်နေမိသည်။
ပယင်းရောင်မျက်ဝန်းများက မျက်တောင်တစ်ချက်မခတ် တစ်ခါလွှဲဖယ်မသွားပဲ သူ့ကိုတည့်တည့်စိုက်ကြည့်နေကာ လက်လေးကမ်းပေးထားသည်ကလည်း နေမြဲအတိုင်းပင်။
"ကလေးလေး...ဒီနေရာကို ဘယ်လိုရောက်လာတာလဲဟင်...
ကလေး မိဘတွေရော....လမ်းမှားလာတာလား...."
JE LEEST
ပယင်းကြိုးသီ ချစ်သောမောင့်ဆီ(Complete)
Historische fictieမောင်က မင်းကမ္ဘာတစ်ခုထဲကိုပဲ ဦးခိုက်နေမယ့်ကောင်ပါ စဝ်မင်းကမ္ဘာဦးခိုက် time travel (My Universe is Oo Nyo 💫✨ Season 2)
