ပယင်းကြိုးသီချစ်သောမောင့်ဆီ
အပိုင်း✨🍁(၄၈)
တစ်ဖက်က cafeဆိုင်ထဲမှရယ်မောကာ ဖုန်းပြောရင်းထွက်လာပါသော မင်းမြတ်အားကြည့်ရင်း ရန်ငြိမ်းထွဋ် ကားပေါ်မှအမြန်ဆင်းလိုက်သည်။အရင်နေ့များကတော့ ထိုအရိပ်လေးကိုကြည့်ပြီး လှည့်ပြန်သွားတတ်ပေမယ့် ယခုတော့ အရဲစွန့်ပြီးစကားပြောဖို့ အနားသွားလိုက်သည်။
“မင်းမြတ်..”
ဧကလေး မိမိနောက်မှထွက်ပေါ်လာသော အသံကြောင့် မျက်နှာကချက်ချင်းတင်းမာခက်ထန်သွားသည်။ပုံမှန်တိုင်းဆို မသိချင်ယောင်ဆောင်ပြီး လျစ်လျူရှူလိုက်မှာမှန်ပေမယ့် ဆက်တိုက်အနောက်ကနေ တစ်ကောက်ကောက်လိုက်၍နှောင့်ယှက်နေဦးမည်ပဲဖြစ်သောကြောင့် နောက်ဆုံးအနေနှင့်သတိပေးဖို့ လှည့်ကြည့်လိုက်သည်။
ရန်ငြိမ်းထွဋ် သူ့အား ခက်ထန်စွာကြည့်လာပါသော ချစ်ရသူကြောင့် ရင်ဘတ်ထဲဆစ်ခနဲနာကျင်သွားရသည်။သို့သော် မျက်နှာတွင် မပေါ်စေရဘဲ အလျှင်အမြန်ပြုံးလိုက်ရင်း...
“စကားခဏလောက်ပြောလို့ရမလား...”
“....”
“ကိုယ် မကြာပါဘူး ခဏလေးပဲ ခဏလေးပဲစကားပြောချင်လို့...”
“ပြော...”
“ဟို ဆိုင်တစ်ခုခုမှာ...”
“မင်းအတွက် ငါ့မှာအချိန်မရှိဘူး ပြောစရာရှိတာဒီမှာပဲအမြန်ပြော...”
“ကိုယ် မင်းမြတ်ကို...”
“အေး သောက်ရေးမပါတာတွေပြောမယ်ဆို လစ်လိုက်တော့...ဒီနေ့စိတ်ကြည်နေလို့မင်းကိုစကားလက်ခံပြောပေးနေတာ...စိတ်အချဉ်ပေါက်အောင်လာမလုပ်နဲ့...”
ဧကလေး မောင်နဲ့ပတ်သက်ပြီးတစ်ချို့ကိစ္စလေးတွေသိခဲ့ရသောကြောင့်သာ သူစိတ်ပျော်နေ၍ ရန်ငြိမ်းထွဋ်သက်သာနေခြင်းဖြစ်သည်။ပုံမှန်အတိုင်းသာဆို သူ့လာနှောင့်ယှက်လျှင် တွေ့ရာနှင့်ကောက်ရိုက်ပြီးပြီဖြစ်သည်။
“ဟုတ်ပြီ ဟုတ်ပြီ...ကိုယ်တစ်ခုလေးပဲမေးမှာပါ...မင်းမြတ် ကိုယ့်ကိုမုန်းနေတာ ထူးခြားအောင်တို့နဲ့ဖြစ်တဲ့ ဆိုင်ကယ်ပြိုင်ပွဲကိစ္စကြောင့်လား...ဒါမှမဟုတ် ကိုယ်မင်းမြတ်ကို အမှားတစ်ခုခုလုပ်မိသေးလား...ဒီနှစ်တွေအတွင်း ကိုယ်သေသေချာချာစဉ်းစားပေမယ့် မင်းမြတ်ကိုယ့်ကိုဘာကြောင့် ခါးခါးသီးသီးဖြစ်နေရတာလဲဆိုတာနားမလည်နိုင်ဘူး...”
YOU ARE READING
ပယင်းကြိုးသီ ချစ်သောမောင့်ဆီ(Complete)
Historical Fictionမောင်က မင်းကမ္ဘာတစ်ခုထဲကိုပဲ ဦးခိုက်နေမယ့်ကောင်ပါ စဝ်မင်းကမ္ဘာဦးခိုက် time travel (My Universe is Oo Nyo 💫✨ Season 2)
