ပယင်းကြိုးသီချစ်သောမောင့်ဆီ
အပိုင်း ✨🍁 (၃၂)
“သျှင်းဓနနောင်ကို ငါ့ကိုပေးရမယ်...”
သတိုးသင်္ခ၏စကားဆုံးသည်နှင့် ဒဝီဦးခိုက်၏ထိန်းချုပ်ထားသည့်စိတ်များလွတ်ထွက်သွားကာ သတိုးသင်္ခ၏ ဝတ်ရုံစအားဆွဲပြီး မျက်လုံးချင်းဆုံစေလိုက်သည်။
ပြင်းထန်သောအကြည့်နှစ်ခု၏ဆုံမှတ်ဟာအသွားထက်တဲ့ဓားသွားနှစ်ချောင်းကဲ့သို့စူးရှနေသည်။
“သိပ်ကိုသတ္တိကောင်းနေပါလား သတိုးသင်္ခ...”
ဒဝီဦးခိုက် အံကိုတင်းတင်းကြိတ်ကာ တစ်လုံးချင်းဆီပြောလိုက်သည်။
“အဟွန်း! မင်းအဲ့ဒီလိုအထိမခံဖြစ်လေ ငါကအဲ့ဒီအထိမခံနိုင်တဲ့အရာကို ပိုလိုချင်လေပဲ...”
“ငါတို့ရဲ့ပြဿနာတွေက သျှင်းငယ်နဲ့ဘာမှမဆိုင်ဘူး မင်း မဆိုင်တဲ့သူကိုဆွဲမထည့်နဲ့...”
ဒဝီဦးခိုက် ဒေါသကိုထိန်းချုပ်ထားရလွန်းလို့ မေးကြောများပါတင်းတောင့်နေပြီး ပယင်းရောင်မျက်ဝန်းများက စူးလက်နေသည်။
“ဒါပေမဲ့ ငါ သျှင်းဓနနောင်ကိုလိုချင်တယ်လေ...ဟက် သူကအမျိုးသားတစ်ဦးဖြစ်မှန်းသိနေတာတောင် မင်း အထိခိုက်မခံနိုင်အောင်မြတ်နိုးသေးတာပဲမလား...ငါလည်းသူ့ကိုမြတ်နိုး...”
“ခွပ်!! ခွပ်!!”
သတိုးသင်္ခ၏စကားပင်မဆုံးသေး အရှိန်နှင့်ပစ်ဝင်လာသောထိုးချက်များကြောင့် လူက ပစ်စလက်ခတ်နောက်ကိုယိုင်သွားကာ နောက်မှ စားပွဲကိုအမြန်လက်ဖြင့်ထောက်လိုက်ရသည်။
အထဲမှဝရုန်းသုံးကားအသံများကြောင့် သတိုးသင်္ခ၏ကိုယ်ရံတော်အထဲကိုအမြန် ပြေးဝင်လာရာ နှုတ်ခမ်းထောင့်မှသွေးများစီးကျနေသော အရှင်သခင်ဖြစ်သူကိုတွေ့ခိုက် စိုးထိတ်သွားကာ အနားကိုအမြန်သွားလိုက်သည်။ကိုယ်ရံတော်မှာ အရှင်သတိုးကိုထိခိုက်အောင်လုပ်သည့် သရေခေတ္တရာပြည့်ရှင်ကို ဒေါသထွက်သွားပေမယ့် သူ့တိုင်းပြည်အတွင်းမှာ လက်လွှတ်စပယ်ဓားထုတ်၍မဖြစ်သဖြင့် လက်သီးကိုတင်းတင်းဆုပ်လိုက်ကာ ဒေါသများကိုထိန်းလိုက်ပြီး
YOU ARE READING
ပယင်းကြိုးသီ ချစ်သောမောင့်ဆီ(Complete)
Historical Fictionမောင်က မင်းကမ္ဘာတစ်ခုထဲကိုပဲ ဦးခိုက်နေမယ့်ကောင်ပါ စဝ်မင်းကမ္ဘာဦးခိုက် time travel (My Universe is Oo Nyo 💫✨ Season 2)
