||Complete|| I Can Do It [MM Translation]

အပိုင်း(၂၄)

[Unicode]

လက်စသတ်​တော့အဲ့ဒီ​နလပိန်းတုံးကငါဖြစ်​နေတာပဲ

ကျန်းရုန် ဆက်တိုက်ဆိုသလို နံရံကိုခဏခဏဝင်တိုက်မိပြီး​နောက်မှာ​တော့ လု​ပေါယွမ်ကပဲ သူ့ကိုလက်​ဆေး​ပေး၊မျက်နှာသစ်​ပေးလိုက်ရသည်။ထို့​နောက် သူ့ကိုသန့်စင်ခန်းထဲက​နေ ​ခေါ်ထုတ်လာ​တော့၏။

လု​ပေါယွမ်အတွက် သူ့လက်​မောင်းထဲမှာ​ရောက်​နေတဲ့​ကောင်​လေးက အ​တော်​လေး​ပေါ့ပါးသည်​ကြောင့် သူလက်တစ်ဖက်တည်းနဲ့ပင် ထိန်းထားလို့ရ​နေသည်။

ကျန်းရုန်က​တော့ ​ခေါင်း​တွေချာချာလည်​နေပြီး သူအခုဘယ်ကိုသွား​နေသည်ဆိုတာကိုပါ ရှင်းရှင်းလင်းလင်းမသိနိုင်​တော့​ချေ။​ခေါင်းကလည်းတစ်ဆစ်ဆစ်ကိုက်​နေသည့်အတွက် သူသည်းမခံနိုင်​တော့ပဲ နည်းနည်း​လေးညည်းလိုက်မိ၏။

"​နေရတာအဆင်မ​ပြေလို့လား?" လု​ပေါယွမ်​မေးလိုက်သည်။

"မဟုတ်ဘူး" ကျန်းရုန် အခုထိလက်ခံလိုက်ဖို့ ​ခေါင်းမာမာနှင့်ငြင်း​နေဆဲဖြစ်ကာ သူထပ်​ပြောလိုက်၏။ ".....ကျွန်​တော့်​ဘောင်းဘီဇစ်မတပ်ရ​သေးဘူးလို့"

သူ​ပြောပြီးတာနှင့် သူ့ကိုယ်သူအတတ်နိုင်ဆုံး တည်တည်ငြိမ်ငြိမ်ထားကာ ​ဘောင်းဘီဇစ်ကိုဆွဲတင်လိုက်ချင်၏။သို့​သော်လည်း ရလဒ်အ​နေနဲ့က​တော့ သူတစ်ဖက်ကိုယိုင်ထိုးသွားပြီး ​ဘေးကဖြတ်သွားသည့်လူကို သွားတိုက်မိ​တော့သည်။

ထိုလူခမျာ အသားလွတ်ဝင်တိုက်ခံလိုက်ရသည့်အပြင် အရက်နံ့ကိုပါရလိုက်​တော့ သူမျက်​မှောင်ကျုံ့လိုက်မိရင်း ​ခေါင်း​မော့ကာဆဲလိုက်ချင်၏။ "မင်း​​မေ....."

ကျန်းရုန်က​တော့ မူး​နေချိန်မှာ​တောင် အရှုံးကိုလက်ခံဖို့စိတ်ကူးမရှိ​ပေ။ထို့​ကြောင့် သူချက်ချင်းပဲပြန်ခံပက်လိုက်၏။ "ဘယ်သူ့ကိုလာဆဲ​နေတာလဲ?"

မ​ကျေမချမ်းဖြစ်​နေတာက အထင်အရှားပင်ဖြစ်​သော်ငြား သူ့အသံက​တော့ညင်သာ​​နေကာ ယုံကြည်မှု​တွေလုံးလုံးလျားလျား ကွယ်​ပျောက်​နေသည်။

ထိုလူကသူ့မျက်နှာကိုမြင်လိုက်​တော့ ​တောင့်ခဲသွား၏။ထို့​နောက် သူ့ဆံပင်​တွေဆီအကြည့်​ရောက်သွား​တော့လည်း ထပ်ပြီး​တောင့်ခဲသွားပြန်သည်။