"Thambaru!
Is this true???"
මගෙ අම්මෝ!!!
මෙයාට ගෝරිල්ලා ගොරිල්ලා කියලා විහිළුවට වගේ කිව්වට ඇත්තටම ගෝරිල්ලෙක් වගේ කෑගහන්න පුළුවන් කියලා මං අදනෙ දන්නෙ.
රාක්ශයෙක්ගෙ වගේ ඇස් දෙකත් රතු පාට වෙලා.
මගේ මානසික බලය දරාගන්න බැරුව මෙයාට මොකක් හරි වේගෙන එනවද මන්දා
"Thambaru!!!"
"Aah???"
"What he's saying, is that true?"
"Well, Sometimes I sleep walk ayye.
Maybe during such an instance I met him!"
අම්මෝ!
හරි හුරතල් හප්පෙක් ඇවිත්!
අනේ චූටියා ඔරවනවා දමාගෙන. පව් හැබැයි. අල්ලගෙන දෙකට නමලා කිහිල්ලෙ ඔබාගන්න මට නම් හිතෙන්නෙ.
"අයියෙ,
කොයි වෙලේද ඕක වුනේ?
රෑද?"
මෙන්න බොලේ චූටියා ඒ පාර ත්‍රීවීල් අයියගෙන් අහනවා.
අනේ දෙයියනේ!
මෙයා ඇත්තටම මං හීනෙන් ඇවිදිනවා කියලා කිව්ව එක විශ්වාස කලා කියලා නම් මට කියන්න එපා.
දෙයියනේ!
දෙයියනේ!
කොහොමද චූටියො ඔයා ඔච්චරම අහිංසක වෙලා මේ ලෝකෙ ජීවත් වෙන්නෙ?
"අනේ සර්!
සර් නම් ගුණ යහපත් මනුස්සයෙක් වගේ පේන නිසා මං මේ කියන්නෙ.
මගේ අම්මා ඉන්නෙ ලෙඩ ගානෙ සර්. ත්‍රීවීලරේ දුවලා තමයි බෙහෙත් ගන්න සල්ලි හොයාගන්නෙ.
එදා මේ මල්ලි මල් මිටියකුත් අරන් වීල් එකට නැග්ගම මනුස්සකමට ටිකක් කතාබහ කලා.
තේරුමක් නැති විකාර කතා කියද්දි මුලින් මුලින් බොරුවට කියලා හිතුවත් ගොම්මන් වෙලාවෙ අයිස් වගේ සීතල අතකින් මාව අල්ලද්දි මටත් බය හිතුනා සර්.
මොකද ඔහොම ඇත්තම හොල්මන් කේස් අපේ එවුනට ඒ හරියෙදි සෙට් වෙලා තියෙනවා.
ඒත් මේ ළඟදි මේ මල්ලි ඉස්කෝලෙ ඇරිලා එනවා දකිද්දි තමයි මට තේරුනේ හයරෙකේ ගාන නොදී පනින්න කරපු වැඩක් කියලා ඒක.
ඒත් සර් මං එදා වේල හොයාගන්න රස්සාවනෙ මේක.
එදා සෑහෙන දුරකුත් ගියා. කොටිම්ම එන ගමන් ටයරෙකේ පැච් එකකුත් ගියා. බය වෙලා උණ හැදිලා පහුවදා ගෙදර නවතින්නත් වුනා!"
හත් දෙයියනේ!
තඹරු කියන්නෙ සුපිරි ගණයේ වැඩකාරයෙක්නෙ.
මේ අවුරුදු තිහත් පැනපු හාදයෙක්ව ඔච්චරටම බය කලා කියන්නෙ උඹ නම් මනුස්සයෙක් වෙන්න බෑ කොල්ලො. උඹ අනිවාර්යයෙන්ම පිටසක්වලයෙක්!
Ben10 වගේ වෙස් මාරු කරගන්නත් පුළුවන්ද දන්නෑ සමහරවිට. අයියා දීපු මුද්ද දාලා try එකක් දෙන්න ඕනෙ බලන්න.
