《انتقام محبت 》
《قسط 79》
《By EeshaNoor 》
☆☆☆▪▪▪▪▪▪☆☆☆☆▪▪▪▪☆☆☆☆☆☆
" مجھے چھوڑ دو ۔۔۔میں کسی کو کچھ نہیں بتائوں گی ۔۔۔میرے بوڑھے ماں باپ ہیں ۔۔۔چھوٹے بہن بھائی ہیں ۔۔۔ان کی واحد کفیل میں ہوں ۔۔۔۔پلیز مجھے چھوڑ دو "
وہ ہاتھ جوڑنے لگی۔۔۔۔
" اسے کچھ دن اپنے پاس آرام سے رکھو بعد میں دیکھتے ہیں اس کا کیا کرنا ہے ۔۔۔۔"
وہ اپنے آدمیوں کی طرف دیکھ رہا تھا ۔۔۔وہ لڑکی کیا کہہ رہی تھی ۔۔۔وہ تو جیسے اس نے سنا ہی نہیں تھا ۔۔۔۔
وہ واپس کمرے میں آیا تو اس نے ۔۔۔شھربانو کو زمین پر بے ہوش پڑا دیکھا ۔۔۔
۔۔۔اس نے شھربانو کو اپنی بانہوں میں اٹھایا ۔۔۔
اس کا بے جان وجود اس کی بانہوں میں جھول گیا ۔۔۔۔وہ اسے اٹھائے باہر کی طرف لپکا ۔۔۔
شھربانو کا پورا وجود ٹھنڈا پڑ رہا تھا ۔۔۔۔
جس حالت میں شھربانو تھی ۔
۔۔۔۔اسے وہ اس حالت میں ہاسپیٹل نہیں لے جا سکتا تھا ۔۔۔۔پھٹے کپڑے ۔۔۔چہرے اور گردن پر انگلیوں کے نشان ۔۔بکھرے بال اس ساری علامات سے صاف ظاہر تھا ۔۔۔
کچھ دیر پہلے اس کے ساتھ کیا ہونے والا تھا یا کیا ہوچکا تھا ۔۔۔۔۔۔۔
اسے اس وقت شھربانو کو گھر لے جانا ہی مناسب لگا ۔۔۔۔
اسے شھربانو کی فکر تو بہت تھی ۔۔لیکن وہ کس کس کو جواب دیتا
کہ اس کے ساتھ کیا ہو چکا ہے اور کس نے کیا ہے ۔۔۔۔
شھربانو کو وہ اپنےگھر آیا تھا ۔۔۔۔۔۔۔۔
"کیا ہوا ہے اسے ۔۔۔۔" ممتاز بیگم کی حالت اپنی بیٹی کو دیکھ کر خراب ہونے لگی ۔۔۔
" بس ایک چھوٹا سا حادثہ ہو گیا تھا ۔۔۔ مجھے اس کی آفس والوں نے کال کی تھی ۔۔۔۔ شکر ہے
کچھ ہونے سے پہلے میں وہاں پہنچ گیا اب سب ٹھیک ہے ۔۔۔ ۔۔"
وہ جو سمجھانا چاہ رہا تھا ۔۔وہ ۔۔ممتاز بیگم کو بخوبی سمجھ آرہا تھا ۔۔۔۔
ممتاز بیگم کے چہرے کے تاثرات اسے یہی سب سمجھا رہے تھے ۔۔۔۔
" میں ڈاکٹر کو لے کر آتا ہوں ۔۔۔۔" وہ جانے ہی لگا تو ممتاز بیگم نے اسے آواز دی ۔۔۔
" سعادت ڈاکٹر کو نہیں مولوی کو لیکر آئو ۔۔۔۔"
اس کا لہجہ نہایت ہی سرد تھا ۔۔۔۔
" مولوی پر کیوں ؟؟؟؟ ۔۔۔۔"
وہ ممتاز بیگم کی بات سن کہ پریشان ہو گیا ۔۔۔۔
" بیٹا جب جھوٹ بولنا نہیں آتا ۔۔۔تو کیوں بولتے ہو ۔۔۔۔اور یہ جس حالت میں ہے مجھے سب سمجھ آرہا ہے ۔۔۔جس طرح تم آئے تھے ۔۔۔۔جتنا تم اس کے لیے پریشان تھے ۔۔۔۔مجھے اسی وقت سمجھ آگیا تھا شھربانو کو کوئی بڑا خطرہ لاحق ہے ۔۔۔۔لیکن بیٹا میں لوگوں کو جواب دے دے کر تھک چکی ہوں ۔۔۔میں سکون سی جی تو نہیں سکتی لیکن مر تو سکتی ہوں ۔۔۔"
مرنے والی بات سعادت کے دل کو لگی ۔۔۔
" امی ایسا کچھ نہیں ہے ۔۔۔"
وہ کچھ اور کہتا ۔۔۔ممتاز بیگم نے اس کے سامنے ہاتھ جوڑ لیے ۔۔۔" بیٹا ایک مجبور ماں کی عزت رکھ لو ۔۔بانو کو اپنا لو ۔۔۔نہیں تو میں پاگل ہوجائوں گی لوگوں کی باتیں سن سن کر ۔۔۔بہت سن لی اس کی میں نے ۔۔۔میں ایک بار پھر۔۔۔تم سے یہی التجا کر رہی ہوں ۔۔۔"
وہ اب ممتاز بیگم کو کیا کہتا شھربانو کبھی راضی نہیں ہوگی ۔۔۔وہ ضد اور نفرت کی انتہا پر تھی ۔۔۔۔
YOU ARE READING
انتقام محبت (مکمل ناول)
Actionکہانی ایک ایسے شخص کی ۔۔۔جو اپنی چاہت کے پیچھے سب کچھ تباہ کر گیا ۔۔۔ محبت میں انتقام نہیں ہوتا ۔۔۔جس میں انتقام ہو وہ محبت نہیں ہوتی ۔۔۔ محبت روح کی پاکیزگی کا نام ہے ۔۔۔۔ محبت امن ہے ۔۔۔محبت سکون ہے ۔۔۔۔محبت دینے کا نام ہے ۔۔۔ جو ان سب سے انحراف...
