Chapter (6-2) – "ဟွမ်ရီက ချစ်ဖို့ကောင်းတယ်.. ဒီကလေးက သူပိုင်တဲ့ကောင်လေး.."
တကယ်လို့ သူသာအာဏာရှိရင် သူ့မိဘတွေက ရှောင်ရီ့ကိုဒုက္ခပေးမှာကို ကာကွယ်နိုင်သလို ရွှယ်ရန်က သူ့ချစ်သူကိုခေါ်သွားမှာကိုလည်း တားဆီးနိုင်လိမ့်မည်။ အရင်ဘဝက သူ့လက်ဒဏ်ရာရသွားပြီး စန္ဒရားမတီးနိုင်တော့တဲ့အခါ သူက အစွမ်းကုန် ရှောင်ရီ့ကိုအားပေးပြီး စန္ဒရားပညာရှင်ဖြစ်အောင် လုပ်ပေးခဲ့တယ်။ အခုဘဝတော့ သူ့လက်မှာ ဘာဒဏ်ရာမှမရပေမယ့် ရှောင်ရီ့ကို ဒီထက်တိုးတက်အောင်လုပ်ပေးဖို့ ဆုံးဖြတ်ထားလိုက်သည်။
စန္ဒရားကိုသာကိုးကွယ်ပြီး စန္ဒရားတီးခတ်ခြင်းမှာ ဘဝကိုမြှုပ်နှံထားတဲ့ ရွှယ်ဇီရွှမ်ဆိုတာ မရှိတော့ဘူး။ သူက ရှောင်ရီအတွက်သာ ဘဝကိုမြှုပ်နှံထားတော့မည်။ သူက ရှောင်ရီ၏ခေါင်းကို ညင်သာစွာပွတ်ကာ ပြောလိုက်သည်။
"ဆာနေပြီလား.. ညစာချက်ပေးဖို့ ဖူဘို့ကိုပြောလိုက်မယ်.. မင်း ဘာစားချင်လဲ.."
"ဖူဘိုက ချက်ချင်စိတ်မရှိလောက်ဘူးထင်တယ် အစ်ကိုကြီး.."
"ရွှယ်ကျင်းရီက ဘာမို့လို့လဲ.. သူနေမကောင်းတာနဲ့ ဒီကမ္ဘာကြီးက ရပ်တန့်သွားပေးရမှာလား.. သူမစားမသောက်ရင် ကျန်လူတွေက စားဖို့သောက်ဖို့ မလိုတော့ဘူးလား.. ဒီကမ္ဘာက သူ့ကိုဗဟိုပြုပြီး လည်ပတ်နေတာမဟုတ်ဘူး. ဖူဘိုက ချက်ချင်စိတ်မရှိရင်တောင် ချက်ပေးဖို့တာဝန်ရှိတယ်.. ဒါက သူ့အလုပ်ပဲ.. မဟုတ်ရင် ဘာကြောင့် သူ့ကို လစာအများကြီးပေးပြီး ခန့်ထားမှာလဲ.."
ရွှယ်ဇီရွှမ်၏လေသံက အေးစက်လို့နေသည်။
အရင်ဘဝမှာ ဖူဘိုက ရွှယ်ကျင်းရီ၏လူသတ်မှုမှာ အဓိကပံ့ပိုးကူညီပေးသူဖြစ်သည်။ သူက ရွှယ်ကျင်းရီကို ကြီးပြင်းလာအောင် ပြုစုလာသူဖြစ်လို့ သူ့မိဘတွေလိုပဲ ရွှယ်ကျင်းရီ၏အသက်ဆက်ရှင်ဖို့ ဘယ်သူ့ကိုမဆို စတေးပစ်ရမည်ဟု ယုံကြည်နေသူဖြစ်သည်။ ရွှယ်ကျင်းရီက ရူးနေတယ်၊ ဖူဘိုက ရက်စက်ကြမ်းကြုတ်တယ်၊ သူ့မိဘတွေလည်း အတူတူပဲ။ အတိတ်ဘဝတုန်းက ဖြစ်ရပ်ကို ပြန်မြင်ယောင်လာပြီး ရွှယ်ဇီရွှမ်က ဒီဘဝမှာ သူချစ်တဲ့ကလေးကို ခုလိုအဖြစ်ဆိုး ထပ်မကြုံစေရလို့ ဆုံးဖြတ်လိုက်သည်။
သူက ရွှယ်ကျင်းရီ၏ အခန်းဝတွင်ရပ်ကာ ဖူဘို့ကို အရိပ်အယောင်ပြလိုက်သည်။ အခန်းထဲ ဟွမ်ရီဝင်မသွားဖို့ အသာဆွဲထားလိုက်သည်။ တစ်အိမ်လုံးကလူတွေက ရွှယ်ကျင်းရီနေမကောင်းတိုင်း ကမ္ဘာကြီးပြိုပျက်တော့မလို ခံစားရပြီး သည်းသည်းလှုပ်ကြသည်။ နောက်တစ်စက္ကန့်မှာ ရွှယ်ကျင်းရီများ သေသွားတော့မလားဆိုပြီး စိုးရိမ်ပြီး စောင့်ကြည့်နေကြသည်။ ဒါက ဟာသပဲ..။ တကယ်တော့ ရွှယ်ကျင်းရီက ဘယ်သူ့ထက်မဆို စိတ်ဓာတ်ခိုင်မာသူဖြစ်သည်။ သူမ စိတ်မလျှော့မချင်း သေမင်းက သူမကို ခေါ်သွားလို့မရပေ။ ဒါပေမယ့် မကြာခဏ သေလုမျောပါးလိုဟန်ဆောင်ပြီး မွေးစားသမီးဆိုတာ လူတွေမေ့အောင်လုပ်ပြီး သနားဂရုဏာကို ချူယူနေတာဖြစ်သည်။
"အထဲကိုမဝင်နဲ့တော့.. အထဲမှာလူများနေပြီ.. လူသိပ်များရင် ကျင်းရီရဲ့ရောဂါအတွက် မကောင်းဘူး.."
ကျိုးယွင်ရှန့်က သဘောတူဟန်ဖြင့် ခေါင်းညိတ်ကာငြိမ်နေပေမယ့် သူ့ရင်ထဲမှာတော့ ရွှယ်ဇီရွှမ်က ကျင်းရီအတွက် ခိုးကြောင်ခိုးဝှက်ကာကွယ်ပေးနေသည်ထင်ကာ ကဲ့ရဲ့နေသည်။
"သခင်လေး.. ဘာလိုချင်လို့ပါလဲ.."
"ညစာပြင်တော့.. ငါတို့ ဗိုက်ဆာနေပြီ.."
"မမလေးကျင်းရီက အခု အသည်းအသန်ဖြစ်နေတယ်.. တကယ်လို့ သခင်လေးစားချင်တယ်ဆိုရင် မမလေးသတိရလာတဲ့အထိ စောင့်ပြီးမှ ပြောကြတာပေါ့.."
ဖူဘိုက ပြောပြီး လှည့်ထွက်သွားသည်။ သူ ချက်ချင်စိတ်မရှိတာ ရှင်းနေသည်။
"ကျွန်တော်ပြောသားပဲ.. ဖူဘို ချက်ချင်စိတ်မရှိလောက်ပါဘူးလို့.."
ကျိုးယွင်ရှန့်က ခေါင်းလေးစောင်းကာ သူ့ဘေးကရွှယ်ဇီရွှမ် အရှက်ကွဲတာကို အရသာခံကြည့်ပြီး ပြောလိုက်သည်။ ရွှယ်အိမ်က သားအရင်းကို မွေးစားသမီးလောက် ဂရုမစိုက်တာကိုသိရတော့ အံ့အားသင့်သွားမိသည်။ 'အငိုသန်တဲ့ကလေးက နို့စို့ရတယ်' ဆိုသည့်စကားပုံလိုပင်၊ ရွှယ်ကျင်းရီက ခဏခဏဖျားနာတော့ လူတိုင်းက သူမကို ဝိုင်းသနားနေကြသည်။ သူမအသက်ရှင်ဖို့ တခြားလူရဲ့နှလုံးကို ထုတ်ယူပေးဖို့ဆိုတဲ့ ကောင်းကျိုးကိုလည်း ခံစားနေရသည်။
ရွှယ်ဇီရွှမ်က ဖူဘိုနှင့် စကားမများချင်သောကြောင့် အံဆွဲထဲကကားသော့ကို လှမ်းယူကာ ပြောလိုက်သည်။
"ငါတို့ အပြင်မှာပဲ ထွက်စားရအောင်.."
"ညီမလေးကိုစိတ်မချလို့ ကျွန်တော် ခဏ သူ့နားမှာနေချင်သေးတယ်.. ပြီးရင် ညီမလေးနိုးလာရင် သောက်ဖို့ ဆန်ပြုတ်ပြုတ်ပေးလိုက်မယ်လေ.."
ကျိုးယွင်ရှန့်က ညီမကိုစိတ်ပူသည့်ပုံစံနှင့် ပြောလိုက်သည်။
"အိမ်ကလူအကုန်က ရွှယ်ကျင်းရီအတွက် အသင့်ရှိပေးနေတာပဲ.. သူနိုးလာရင်စားဖို့ ချက်ပေးတဲ့လူတွေ မရှားပါဘူး.. ဒါကြောင့် ကျင်းရီအတွက် စိတ်မပူနဲ့.. ငါတို့ အရင်သွားစားကြရအောင်.."
ရွှယ်ဇီရွှမ်က ကျိုးယွင်ရှန့်၏ခါးလေးကို သိုင်းဖက်ကာ ဆွဲတစ်ဝက်၊ မ,တစ်ဝက်နှင့် ခေါ်ချလာတော့သည်။ ကျိုးယွင်ရှန့်က သူ့လက်မောင်းကြား တရွတ်တိုက်ပါသွားရင်း နှုတ်ခမ်းက တွန့်သွားတော့သည်။ ရွှယ်ဇီရွှမ်၏စိတ်ထဲတွင် ရွှယ်ကျင်းရီအပေါ် စိတ်ပျက်မှုတို့တိုးလာပြီး ဟွမ်ရီကို ပိုပိုချစ်လာခဲ့သည်။ သူ့ရဲ့ခံစားချက်က မောင်နှမနှစ်ယောက်အပေါ် ဆန့်ကျင်ဘက်ဖြစ်လို့နေသည်။
"ဟွမ်ရီက ချစ်ဖို့ကောင်းတယ်.. ဒီကလေးက သူပိုင်တဲ့ကောင်လေး.."
============================
