Chapter (8-5) – ကျွန်တော့် ဘဝအတွက် အစ်ကိုကြီး ဝင်ပြီးဆုံးဖြတ်ပိုင်ခွင့် မရှိပါဘူး
ရှောင်ရီက အရမ်းစိတ်ထိခိုက်နေပုံရသောကြောင့် ရွှယ်ဇီရွှမ်က သူ့နားကိုမကပ်ဝံ့အောင်ဖြစ်နေသည်။ ငါဘာလုပ်ခဲ့မိပါလိမ့်..။ သမိုင်းမှာ တကယ့်ပါရမီရှင် အနုပညာရှင်တစ်ယောက်ကို အသေသတ်ခဲ့မိတာပါလား..။ ငါ့ဘဝမှာ ပြင်မရတဲ့အမှားကြီး လုပ်ခဲ့မိပြီ။ တကယ်လို့ ဒီကောင်လေးဖန်တီးတဲ့ ဂီတသံကိုသာ ထပ်ကြားခွင့်မရရင် ငါ့ဘဝတစ်သက်လုံး နောင်တတွေနဲ့ ရှင်သန်သွားရတော့မယ်..။
ရွှယ်ဇီရွှမ်.. မင်း သေလိုက်ပါတော့ကွာ..
ရွှယ်ဇီရွှမ်၏နှလုံးသားက ခုလောက်ဘယ်တုန်းကမှ မနာခဲ့ဖူးပေ။ သူက ကောင်လေးဘေးမှာ ဝင်ထိုင်ပြီး ချာတိတ်လေး၏ကိုယ်ကို ရင်ခွင်ထဲဆွဲသွင်းကာ ဆံပင်လေးကို အသာပွတ်သပ်နှစ်သိမ့်ရင်း မျက်ဝန်းထဲကနောင်တရိပ်တွေနဲ့ တောင်းပန်ဟန်ငုံ့ကြည့်လိုက်သည်။
ရွှယ်ကျင်းရီက စန္ဒရားခုံမှာပူးကပ်ထိုင်ကာ ပွေ့ဖက်နေသောလူနှစ်ဦးကို ရင်နာစွာ ကြောင်ငေးကြည့်နေမိသည်။ ပထမ သူမက ဟွမ်ရီ့ကို သီချင်းသံတစ်ပုဒ်တီးခတ်စေပြီး အစ်ကိုကြီးက ဘယ်လိုအရူးကောင်၊ ပါရမီမရှိတဲ့ စုတ်တီးစုတ်ပြတ်ကောင်ကို ချစ်မိနေတယ်ဆိုတာ ထင်ရှားအောင်လုပ်ချင်နေသည်။ ဒါပေမယ့် အခြေအနေက သူမမျှော်လင့်တာထက် ကျော်လွန်ကာ ဒီလိုတွေဖြစ်ကုန်လေပြီ။
ဟွမ်ရီက အရမ်းကိုပါးနပ်ကာ ကောက်ကျစ်လှသည်။ သူ၏ညံ့ဖျင်းသောလက်သံကို တီးခတ်ပြမည့်အစား သနားစဖွယ်ပုံ လုပ်ပြလိုက်သည်။ ဘာလဲ.. သူက အစ်ကိုကြီးဆီက သနားဂရုဏာကို ချူယူချင်တာလား..။
ကောင်းပြီ.. နင်လုပ်တာ အောင်မြင်ပါတယ် ဟွမ်ရီ..
အခုထိမတိုင်ခင်က ဂီတနတ်ဘုရားအစ်ကိုကြီးက ဂီတပါရမီလုံးဝမပါသောသူကို ချစ်မိလိမ့်မည်ဟု ကျင်းရီ လုံးဝမထင်ခဲ့ပေ။ အစ်ကိုကြီး၏ မျက်စိ၊ နား၊ နှလုံးသားက ဂီတဖြင့်သာထုံးမွှမ်းနေပြီး ဂီတသာလျှင် အစ်ကိုကြီး၏နှလုံးသားကို ဖွင့်နိုင်မည်ဟု သူမထင်ခဲ့သည်။
ဒါပေမယ့် အထင်နဲ့အမြင်က တခြားစီဖြစ်ခဲ့ရလေပြီ။ သူမယုံကြည်ထားသမျှ တစ်စစီပျက်စီးသွားလေပြီ။
"မင်းရဲ့စံသတ်မှတ်ချက်တွေက မင်းမချစ်တဲ့လူတွေအတွက်သာဖြစ်ပြီး မင်းတကယ်ချစ်တဲ့လူနဲ့တွေ့ရင် စံသတ်မှတ်ချက်ဆိုတာ အရေးမပါတော့ဘူး.."
ဒီတစ်ခါ သူမက ဟွမ်ရီ့ကို ထပ်ရှုံးသွားပြန်လေပြီ။ ဒါပေမယ့် ကိစ္စမရှိပေ။ သူမသည်းခံကာ စောင့်နိုင်ပါသည်။
ကျိုးယွင်ရှန့်က ဒီကမ္ဘာ၏သမီးတော်ဖြစ်သော ရွှယ်ကျင်းရီ၏စိတ်နှလုံး တုန်လှုပ်ချောက်ခြားနေသည်ကို လုံးဝမရိပ်မိပေ။ လက်ရှိမှာ သူက ကြင်နာစွာသိုင်းဖက်ထားသော ရင်ခွင်တစ်စုံမှ အားပေးမှုကိုခံယူနေရသည်။ အရင်က system ဆီကအပြစ်ပေးခံရလို့ တစ်ကိုယ်လုံးစုတ်ဖြဲခံရသလို နာကျင်နေတိုင်း တစ်ယောက်တည်း တောင့်ခံခဲ့ရသည်။ အခုတော့ ရွှယ်ဇီရွှမ်က လုံးဝစိတ်ချရသည့်သူ မဟုတ်ပေမယ့် ကိုယ်နာကျင်နေချိန် အားပေးခံရတာက တကယ်ကို ခံစားလို့ကောင်းလှသည်။ သူ့ရင်ထဲက ဝမ်းနည်းခြင်း၊ နာကျင်ခြင်း၊ ဝမ်းသာခြင်း၊ ဒေါသထွက်ခြင်းကို အတူဝေမျှပေးမည့် လူတစ်ယောက်ရှိတာ စိတ်ဓာတ်အင်အားကို တိုးစေသည်။
ကျိုးယွင်ရှန့်၏ တင်းထားသောစိတ်တို့ ဖြေလျော့ကာ ကိုယ်ကိုလျှောချပြီး ရွှယ်ဇီရွှမ်၏ရင်ခွင်ထဲကို မှီပြီးနေလိုက်သည်။ ဒီရင်ခွင်က စိတ်မချရရင်တောင် အနည်းဆုံးတော့ နွေးထွေးမှုရှိသေးသည်။ သူတို့နှစ်ဦး အတော်ကြာငြိမ်ကာ ပွေ့ဖက်ထားကြသည်။ ပြီးတော့ နားလည်မှုရှိစွာ ဘာမှမပြောဘဲ အတူဖေးမကာ စန္ဒရားခန်းထဲမှ ထွက်သွားကြသည်။
ရွှယ်ကျင်းရီက စန္ဒရားခန်းထဲ တစ်ယောက်တည်းကျန်ရစ်ခဲ့သည်။ သူမက စန္ဒရားခုံနားကို တိုးကပ်လာပြီး ရုတ်တရက် လက်စုံလိုက်ဖြင့် စန္ဒရားခလုတ်ပေါ် ကြမ်းတမ်းစွာနှိပ်ချလိုက်သည်။ တစ်ခန်းလုံး ကြောင်ချင်းကိုက်သံလို ဆူညံသည့် နားကလောဖွယ်စန္ဒရားသံတို့ ဆူညံစွာထွက်ပေါ်လာတော့သည်။ သူမရင်ထဲက အမုန်းကို စန္ဒရားခလုတ်ပေါ် ပုံချပေါက်ခွဲနေတော့သည်။
ကျိုးယွင်ရှန့်က အခန်းပြင်ဘက်ရောက်တော့ ပြင်းထန်သောစန္ဒရားသံကို ကြားသဖြင့် ခြေလှမ်းတုံ့သွားပေမယ့် ရွှယ်ဇီရွှမ်က ဂရုမစိုက်ဘဲ သူ့ကို အခန်းထဲဆွဲခေါ်ခဲ့သည်။ သူ့ကိုယ်ထဲကနာကျင်မှုက သက်သာခဲ့လေပြီ။ ယခုတစ်ကြိမ် မစ်ရှင်ကိုရှောင်လွှဲလိုက်ပေမယ့် system က ခါတိုင်းလို လုံးလုံးကြီး အပြစ်ပေးနိုင်စွမ်းမရှိတော့သည်ကို သတိထားလိုက်မိသည်။ system က သူ့ကိုထိန်းချုပ်နိုင်စွမ်းလျော့လာတာကို ပြသနေသောကြောင့် ကျိုးယွင်ရှန့်ပျော်ရွှင်လာပြီး သူ့အခန်းထဲရောက်တော့ ကွန်ပျူတာကိုဖွင့်လိုက်သည်။
"ဆေးလိမ်းရမယ်လေ.."
ရွှယ်ဇီရွှမ်က ဆရာဝန်ပေးသောဆေးအဆီကိုယူကာ ရှောင်ရီ၏လက်ချောင်းတွေကို ဖွဖွလိမ်းကာ နှိပ်နယ်ပေးနေသည်။
"ကောင်းသွားပြီ အစ်ကိုကြီး. နာတာတွေ အညိုအမည်းတွေ မရှိတော့ဘူး.."
ကျိုးယွင်ရှန့်က လက်ကိုဖြန့်ကာ ပြလိုက်သည်။ ရွှယ်ဇီရွှမ်က ဆေးဆက်လိမ်းပေးရင်း ညင်သာစွာပြောလိုက်သည်။
"ရှောင်ရီ.. မင်း စန္ဒရားဆက်တီးရမယ်နော်.. မင်းက တစ်ကြိမ်နားထောင်ရုံနဲ့ လိုက်တီးနိုင်တယ်ဆိုတော့ မင်းပါရမီကို အလကားအဖြစ်မခံနဲ့.. ငါပြောတာယုံပါ.. မင်းက ဂီတအတွက် မွေးဖွားလာတာပါ.."
ငါ့ကြောင့် မင်း ဂီတကိုစွန့်လွှတ်လိုက်ရင်၊ နောက်တစ်ကြိမ် မင်းတီးခတ်သံကို ထပ်မကြားရရင် ငါ့တစ်ဘဝလုံး နောင်တ တရားတွေကြားထဲ နေသွားရတော့မှာပါ ရှောင်ရီရာ..
ရွှယ်ဇီရွှမ်က သူ့ကိုယ်သူ အပြစ်တင်မဆုံးသည့်စိတ်ကြောင့် စိတ်ထိခိုက်နာကျင်လွန်းလို့ မျက်စိများရဲနေပြီး ရှောင်ရီ၏ပါးလေးနှစ်ဖက်ကို လက်ဖဝါးနှင့်အုပ်ကိုင်ကာ အကြည့်ချင်းဆုံပြီး ပြောလိုက်သည်။
"အစ်ကိုကြီးပြောတာ ကျွန်တော်မှတ်မိတယ်.. စိတ်ဝိညာဉ်မပါတဲ့သီချင်းက အလကားပဲဆို.. ကျွန်တော်က ဂီတမှာ ပါရမီမပါပါဘူး.. တကယ်တော့ တစ်ခါကြားရုံနဲ့ တစ်ထပ်တည်းလိုက်တီးနိုင်တာက ကျွန်တော့်ရဲ့မှတ်နိုင်စွမ်းကြောင့်ပါ.. ကျွန်တော်က တစ်ခါမြင်ရ၊ ကြားရတာနဲ့ လုံးဝမှတ်မိတဲ့စွမ်းရည် ရှိနေတာပါအစ်ကိုကြီး.."
ကျိုးယွင်ရှန့်က သူ့ခေါင်းကိုလက်ညိုးထိုးပြကာ ဆက်ပြောလိုက်သည်။
"အားလုံးက ကီးဘုတ်ပေါ်ကခလုတ်လေးတွေပါပဲ.. ကွန်ပျူတာဖြစ်ဖြစ်၊ စန္ဒရားဖြစ်ဖြစ်၊ အတူတူပဲ.. ကျွန်တော်က တစ်ခါကြည့်ရုံနဲ့ လိုက်လုပ်နိုင်တယ်... ကျွန်တော်က စန္ဒရားအတွက် မွေးဖွားလာခဲ့တာမဟုတ်ပါဘူး.. ကျွန်တော်သဘောကျတာကိုပဲ ကျွန်တော်လုပ်မယ်.. ဒီအတွက် အစ်ကိုကြီး ဝင်ပြီးဆုံးဖြတ်ပိုင်ခွင့် မရှိပါဘူး.."
=========================
Chapter (8-6) –မင်းလေးကြိုက်တာ လုပ်နိုင်ပါတယ် ရှောင်ရီလေး
System က သူ့ကိုထိန်းချုပ်နိုင်ခြင်းမရှိတော့တာကို သိသောကြောင့် ကျိုးယွင်ရှန့်က ရွှယ်မိသားစုတွေကို အရင်လိုယဉ်ယဉ်ကျေးကျေး ဆက်ဆံမနေတော့ပေ။
ရွှယ်ဇီရွှမ်က ရှောင်ရီ၏စကားကြောင့် အံ့အားသင့်သွားခဲ့သည်။ အခု ရှောင်ရီက အရင်ဘဝကရှောင်ရီနဲ့ လုံးဝမတူသောလူသစ်လေးလို ဖြစ်နေသလို ခံစားရသည်။ ဒါအမှန်ပဲ.. သူဘာကြောင့် အရင်ဘဝကလမ်းဟောင်းကို ဆက်လိုက်နေရမှာလဲ။ သူချစ်တာက ရှောင်ရီလေ။ ဒီကောင်လေးရဲ့လှုပ်ရှားမှုတိုင်း၊ စကားပြောပုံတိုင်းကို ချစ်တာမဟုတ်လား။ ဒါကြောင့် ရှောင်ရီက ဘာပဲလုပ်သည်ဖြစ်စေ သူချစ်သည့်စိတ်က ပြောင်းသွားမည်မဟုတ်ပေ။ သူချစ်သည့်ကောင်လေးက ပြောင်းသွားမည်မဟုတ်ပေ။ ယခုဘဝမှာ နာကျင်စရာဖြစ်ရပ်တွေ မရှိတော့ပေ။ အရာအားလုံးကို အသစ်ကပြန်စလို့ရနိုင်သည်။ ဘဝဟောင်းနှင့် မတူသောဇာတ်ကြောင်းနှင့် ချစ်သောကောင်လေးဘေးမှာ ပျော်ရွှင်စွာနေသွားနိုင်ဖို့က အဓိကဖြစ်သည်။
အရင်ဘဝက ရှောင်ရီ၏ ပြိုင်ဘက်ကင်းစန္ဒရားစွမ်းရည်ကြောင့် ချစ်သွားခဲ့သည်။ ဒီကောင်လေး၏ကျော်ကြားမှု၊ စန္ဒရားတီးစွမ်းရည်မပါရင်တောင် နောက်ဆုံးသူချစ်မိတာက လူကိုပဲဖြစ်သည်။ ယခုဘဝမှာတော့ ရှောင်ရီက စန္ဒရားတီးသည်ဖြစ်စေ၊ မတီးသည်ဖြစ်စေ၊ ရှောင်ရီအပေါ်ထားသည့်အချစ်က ပြောင်းမည်မဟုတ်ပေ။ ဒီလိုတွေးပြီး ရွှယ်ဇီရွှမ်က ကောင်လေးကို တင်းတင်းဖက်ကာ ပြုံးပြီးပြောလိုက်သည်။
"အိုကေ.. အိုကေ.. မင်းလေးကြိုက်တာ လုပ်နိုင်ပါတယ်.. ကိုယ် မင်းအတွက် ဆုံးဖြတ်ချက်မချပေးတော့ပါဘူး.. ရှောင်ရီလေး.. မင်း လွတ်လပ်စွာလုပ်နိုင်တယ် ဟုတ်ပြီလား.."
သူက ဒီကောင်လေး၏နားရွက်နားကပ်ကာ လေးနက်စွာ ကတိပေးလိုက်သည်။
ဒါပေါ့.. ငါက သေချာပေါက် လွတ်လပ်ပြီပေါ့..။
ကျိုးယွင်ရှန့်က ဒီလိုတွေးပြီး ပြုံးလိုက်သည်။ ဒီရွှယ်ဇီရွှမ်က တကယ်ကို သူ့အပေါ်ကောင်းလာတာပဲ။ သူသာ ရွှယ်သခင်လေးမဟုတ်ရင် ဒီလူကို သူသေချာပေါက် ဆွဲဆောင်မှာဖြစ်သည်။
"ဒါဆို အစ်ကိုကြီး.. ကျွန်တော့်ကို ပစ္စည်းကိရိယာတွေ ကူရှာပေးမလားဟင်.. ကျွန်တော် ကားကို တစ်စစီလုပ်ပြီး ပြန်တပ်ချင်လို့.."
'တစ်လက်မလောက်ပေးရင် တစ်တောင်လောက်ယူတယ်' ဆိုသလို ကျိုးယွင်ရှန့်က ထပ်ပြီးတောင်းဆိုလိုက်သည်။
ဒီပြိုင်ကားကို တစ်စစီဖြုတ်ပြီး အကောင်းအတိုင်း ပြန်တပ်နိုင်သလား၊ မတပ်နိုင်ဘူးလားဆိုတာကို ရွှယ်ဇီရွှမ် ဂရုမစိုက်ပေ။ ဒီပြိုင်ကားမပြောနဲ့ ရွှယ်အိမ်ကို တစ်စစီဖျက်ချင်တယ်ဆိုရင်တောင် အောက်ခြေကနေဖြိုဖို့ သူကူညီပေးမှာဖြစ်သည်။
"လိုအပ်တဲ့ကိရိယာပစ္စည်းတွေဝယ်ဖို့ အစ်ကိုကြီးရဲ့လက်ထောက်ကို ခိုင်းလိုက်မယ်.. ဒါလုပ်ဖို့ဆိုရင် တို့ရဲ့ကားဂိုဒေါင်ကို ချဲ့ရမယ်.. မင်းအတွက် အလုပ်ရုံလုပ်ပေးမယ်.. အကူတွေလည်းခေါ်ပေးမယ်.. ပြီးရင် စက်ပစ္စည်းဆိုင်ရာစာအုပ်တွေလည်း ဝယ်ခိုင်းလိုက်မယ်.."
ရွှယ်ဇီရွှမ်က လက်ထောက်ကိုဖုန်းဆက်ကာ လိုအပ်တာအကုန် စီစဉ်ခိုင်းလိုက်သည်။
ဒါကြောင့် စန္ဒရားတီးရမယ်ဆိုတဲ့အလုပ်က ဒီလိုနဲ့ အဆုံးသတ်သွားတော့သည်။
ရွှယ်ကျင်းရီက မတတ်သာဘဲ ဟွမ်ရီနောက်ကို တကောက်ကောက် လိုက်ကပ်နေရတော့သည်။ သူနီးစပ်ချင်သော အစ်ကိုကြီးက ဟွမ်ရီရဲ့ဘေးမှာ အမွှာလိုကပ်နေတော့ သူမကလည်း နောက်ကလိုက်နေရတော့သည်။
နောက်တစ်နေ့မနက် ရွှယ်လွေ့နှင့် ရွှယ်လီဒန်ီတို့ အိမ်ပြန်လာကြသည်။ သူတို့ကြားကဆက်ဆံရေးက သိပ်မတင်းမာတော့ပေ။ သူတို့သားက ပြိုင်ကားတစ်စီးဝယ်လိုက်တာ သိပေမယ့် စန္ဒရားပညာရှင်ဘဝကိုတောင် စွန့်လွှတ်လိုက်ပြီးမှတော့ ဒီလိုငွေဖြုန်းတာလောက်လေးကို ရွှယ်လီဒန်နီက ဘာမှမပြောတော့ပေ။ ရွှယ်လွေ့ကတော့ စီးပွားရေးလုပ်ငန်းကို သားဖြစ်သူဆက်ခံကတည်းက ပိုက်ဆံဖြုန်းလည်း ဘာမှမဖြစ်ပေ။ သူတို့က အိမ်မှာအထုပ်အပိုးပြင်ကာ ရွှယ်လီဒန်နီက ဥရောပဘက်ကို ဖျော်ဖြေရေးကိစ္စဖြင့် ခရီးထွက်သလို ရွှယ်လွေ့လည်း စီးပွားရေးအတွက် ခရီးထွက်သွားတော့သည်။
ဒါကြောင့် ကားကိုတစ်စစီဖြုတ်ဖို့ စက်ကိရိယာတန်ဆာပလာများ ကားတစ်စီးတိုက် ရွှယ်အိမ်ကိုရောက်လာချိန် သူတို့နှစ်ဦး မရှိကြတော့ပေ။ ထိုနေ့မှစပြီး ကျိုးယွင်ရှန့်က ကားဂိုဒေါင်ထဲမှာ နေ့ရောညပါ အလုပ်များကာ ပျော်ရွှင်လို့နေသည်။
ရွှယ်ဇီရွှမ်က company တွင် ရာထူးကြီးနှင့်လက်ခံကာ စတင်တာဝန်ထမ်းဆောင်သည်။ သူအလုပ်ဝင်သည့်နေ့မှာပင် အုပ်ချုပ်ရေးပိုင်းကလူများ လက်ဖျားခါရလောက်သည့် ပြတ်သားသောဆုံးဖြတ်ချက်များ၊ အစီစဉ်များ၊ အလုပ်များကို ဆောင်ရွက်နိုင်သောကြောင့် စောင့်ကြည့်နေသောလူများစွာက ပါးစပ်ပိတ်သွားကြပြီး ရွှယ်ဇီရွှမ်၏အုပ်ချုပ်မှုကို လက်ခံလာကြသည်။
ရွှယ်ဇီရွှမ်က အမေ့သွေးပါပြီး အနုပညာမှာ ပါရမီပါသလို အဖေ့သွေးပါပြီး စီးပွားရေးမှာလည်း လာဘ်မြင်သည်ဟု လူတိုင်းက ယုံကြည်လာကြသည်။ ရွှယ်လွေ့လည်း သူ့သား၏အရည်အချင်းကိုကြားသိပြီး ကျေနပ်အားရကာ အလောတကြီးပြန်လာဖို့မလုပ်ဘဲ နိုင်ငံခြားမှာ စီးပွားရေးတိုးချဲ့ဖို့ ဆက်လုပ်နေသည်။ ဒါမှ သူ့သားရဲ့စီးပွားရေးလုပ်ငန်းလွှဲယူသည့်ကိစ္စကို သူ့ဘာသာ သေချာအောင်မြငအောင် လုပ်နိုင်မှာဖြစ်သည်။
================
