The Stranger I love (System)

Arc 1.7

ရန်ကျင့် ဟုန်လေ့အိမ်ရှေ့ အစောကြီး ရောက်နေပြီး ထိုင်ခုံနောက်ကျောကို လျှောကာ နဖူးပေါ်လက်တင်၍ စဉ်းစားခန်းဝင်နေသည်

ရင်းနှီးမြှပ်နှံသူတွေ ဖိအားပေးလွန်းလို့ မွန်းကြပ်နေတဲ့ အလုပ်ပတ်ဝန်းကျင်က ခဏရုန်းထွက်ပြီး မတက်တာကြာပြီဖြစ်တဲ့ ကျောင်းဘက်ခြေဦးတည့်လိုက်တဲ့ နေ့မှ လှေကားမှာ ထိုကောင်လေးနဲ့ မတော်တဆတိုက်မိခဲ့သည် .. ကိုယ်သင်းနံ့မွှေးမွှေးလေးနဲ့ အိစက်နေသော အထိအတွေ့က သူ့ကို ခဏမူးယစ်သွားစေသည် ..

သူ့ကိုယ်သူ မသိလိုက်ခင်မှာပဲ ကောင်လေးနောက် တကောက်ကောက် လိုက်မိနေပြီး .. ကွန်ပျူတာရှေ့မှာ အလုပ်လုပ်နေတဲ့ ကောင်လေးပုံစံက အရမ်း ဆွဲဆောင်မှု ရှိလွန်းလို့ တခြားသူတွေ မြင်မှာတောင် တွန့်တိုမိသည် .. ကောင်လေး Devilish Homepage ကို ဖွင့်ပြီး သတင်းတွေ ဖတ်နေတဲ့အချိန်မှာ သူ့ရင်ဘတ်က ထိန်းမရတော့ ဒါနီးစပ်ဖို့ လမ်းစပဲ .. ဒီလိုအခွင့်အရေးမျိုး လွတ်သွားလို့ ဘယ်ရမလဲ .. ကောင်လေးလေ့လာနေတာရပ်ပြီး ခေါင်းတချက်ဆတ်ပြီး ဆုံဖြတ်ချက် ချလိုက်ပုံကို တွေ့ရမှ သူထွက်လာပြီး စကားပြောကြည့်သည် ..

ပြောရင်းနဲ့ တဖြည်းဖြည်း ကောင်လေးက သူထင်ထားတာထက် ပိုထက်မြက်တဲ့အပြင် ပိုလည်းစိတ်ဝင်စားစရာကောင်းသည် .. အထူးသဖြင့် ဘယ်သူမှ အထင်မကြီးတဲ့ သူလုပ်ကိုင်နေတဲ့ ဒီအလုပ်မှာ ယုံကြည်နားလည်ပေးနိုင်တာ ဘာနဲ့မှ အစားထိုးမရ .. သူ့မိဘတွေကတောင် ခေတ်ရှေ့ပြေးနေတဲ့ သူ့အယူအဆတွေကို နားလည်မပေးနိုင်ပဲ အခက်အခဲတွေကြားထဲ တွန်းပို့လိုက်တဲ့အချိန်မှာ သူနဲ့ထပ်တူ သူ့အလုပ်ပေါ်မှာ ယုံကြည်နားလည်ပေးနိုင်တဲ့ ဒီကောင်လေးက သူ့အတွက် အလင်းရောင် ဖြစ်လာခဲ့သည် ..

ကောင်လေးက ပန်ချီပညာကို တတန်းကျော်ပြီး တက်ဖို့ ကြိုးစားနေတာ သူဘာလို့ မကူညီပေးနိုင်ရမှာလဲ .  ပန်းချီဆိုတာ သူငယ်ငယ်ကတည်းက သူ့မေမေနဲ့ တူတူဆွဲလာပြီး မေမေဆုံးတော့မှသာ သူရပ်ခဲ့တာ .. ဆွဲတိုင်း နူးညံ့တဲ့ သူ့ရဲ့ အမေ့ကို သတိရလို့ ..

မိထွေးအိမ်ပေါ်ရောက်လာတဲ့အခါမှာ အဖေ့ဆန္ဒဖြစ်တဲ့အပြင် သူ့မိထွေးကလည်း စိတ်ထားကောင်းတာမို့ မကြည်ဖြူပေမယ့် သဘောတူပေးလိုက်ပြီး အဲ့ဒီအချိန်ကစလို့ အခန်းထဲအောင်းကာ ကွန်ပျူတာနဲ့သာ အဖော်ပြုခဲ့သည် . . သူတကယ် နည်းပညာဇုံကို ခြေချတော့မယ်လို့ ပြောတဲ့အခါ အဖေက ကန့်ကွက်သည် .. Honkai ကိုသာ ဦးစီးစေချင်သည် ..