"ရိမင်ကို စုရီဆီ ပို့ပြီးရင် ငါပြောတဲ့နေရာသွားပြီး မီးရှို့ခဲ့"
"ဟုတ်"
ဖေးက စုန့်ရိမင်ကို ပုခုံးပေါ် ထမ်းတင်လိုက်ကာ ရိမင် ဓားကို ကောက်လိုက်သည်။ ဓားက မ လို့ မရတာနဲ့ လက်လျှော့ပြီး ထားခဲ့သည်။ သူတောင် ယူလို့မရတာ ဘယ်သူမှ ရမှာ မဟုတ်ဖူး။ မင်းသားနဲ့ သခင်လေးခိုင်းတဲ့ ကိစ္စက အရေးကြီးတယ်။
"ရန်သူ့ခေါင်းဆောင် ကျသွားပြီ။ ခံတပ်ကို သိမ်း"
ဆိုတဲ့ ပိုင်လင်းရဲ့ ပြတ်သားသော ဆုံးဖြတ်ချက်၊ လျှင်မြန်သော ဓားချက်အောက်မှာ မည်သူမျှ တခွန်း ပြန်မပြောရဲကြ။ အင်အားမမျှပေမယ့် ပိုင်လင်းရဲ့ ခံတပ်သိမ်းအမိန့်ထွက်ပြီးသည့်နောက်တော့ မည်သူမျှ ပြန်ဆုတ်မလာဝံ့။ တပ်သားတွေအတွက်တော့ ပိုင်လင်းရဲ့ဒေါသက ကျင်းစစ်တပ်ကို သူသေကိုယ်သေတိုက်ရသည်ထက် ပိုကြောက်စရာကောင်းသည်။ မျက်စိတမှိတ်အတွင်းမှာ ခေါင်းဆောင် နှစ်ဦး ခေါင်းပြတ်သွားသည်လေ။
ပိုင်လင်း ရိမင်ကျခဲ့သော ဓားကိုကောက်လိုက်သည်။ ဓားကိုကိုင်လိုက်သည်နှင့် ဓားက ပိုင်ရှင်ကို အသိအမှတ်ပြုသည့်အလားခရမ်းရောင် လျှပ်စီးများ လွှမ်းခြုံလာသည်။ ပိုင်လင်းက ရိမင်အတွက် စိုးရိမ်နေသည့်ကြားမှ တချက်ပြုံးကာ ခံတပ်ဘက်ပြေးထွက်သွားသည်။
"သံချပ်ကာတပ် လှံတပ်ကို ကာပေးလိုက်။
ယန္တယားတပ်က ခံတပ်တံခါးကို ဖွင့်ဖို့ပဲ အာရုံစိုက်။
တံတိုင်းပေါ် မတက်နေနဲ့။ ခံတပ်အပြင်ကလူတွေကို အရင်ရှင်း ။
ယန္တရားမျှော်စင်ပေါ်က မြှားသမားတွေက ခံတပ်တံတိုင်းပေါ်က မြှားတပ်ပစ်ဖို့ အရေးမသာအောင် ကာပစ်ပေးထား"
တိကျတဲ့ အမိန့်သံအဆုံးမှာပိုင်လင်းကိုယ်တိုင်က တံတိုင်းပေါ်ကို ဘာကြိုး ဘာလှေကားမှ မသုံးပဲ ထောင့် တနေရာကနေ နံရံတစ်ဖက် တချက်ကို ကန်ကာ ပေါ့ပါးစွာ တက်သွားသည်။ စုန့်စစ်သည်များက လေးစားအားကျရသလို ကျင်းစစ်သည်များကလည်း အံအားသင့်နေကြသည်။ ပိုင်လင်းရဲ့ လျှင်ချက်က မြှားနဲ့တောင် ပစ်ချဖို့ အချိန်မရလိုက်ပေ။
အေးစက်ခြင်းများအတိနဲ့ နတ်ဆိုးတစ်ကောင်ကဲ့သို့ ပိုင်လင်းတိုက်ခိုက်ထိုးဖောက်သွားရာ တံတိုင်းတစ်လျှောက်မှာ ခရမ်းရောင် လျှပ်စီးများ တလက်လက်နဲ့ ထွက်လာနေသည်။ ရန်သူများ၏ နာကျင်စွာ အော်ဟစ်သံများ၊ ခုခံသံများက စုန့်စစ်တပ်ကို စိတ်လှုပ်ရှားစေသည်။ အားတက်စေသည်။
YOU ARE READING
The Stranger I love (System)
General Fictionလမ်းမကြီးပေါ်မှာ ကောင်လေးတယောက်က သွေအိုင်ထဲလဲနေသော အသက်မဲ့နေသောခန္ဓာကိုယ်ကို ထွေးပိုက်လျှက် သွေးရူးသွေးတန်းအော်ဟစ်နေသည် ... Qing Yan: "ဖေးရဲ့ မင်းထပါဦး .. ဖေးရဲ့ သတိထားပါဦး မင်း အရမ်းရက်စက်တာပဲ .. ပြောတော့ ငါ့ကို မင်းရဲ့အချိန်တွေ ပေးမယ်ဆို .. ဒီ...
