'ရှင်း ဆေးပေးဦး'
'100'
'Shit .. အမြတ်ကြီးစားလိုက်တာ'
'ငါ ကြိုပြောခဲ့သားပဲ။ မင်းဘာသာ ကြိုပြင်မလာခဲ့တာ'
ဖေးရဲ့ ရှင်းနဲ့ ထပ်မငြင်းနေတော့။ သူ့အကိုပေးတဲ့ဝတ်စုံ ဝတ်လာတာမို့ ပေါ့ပေါ့တန်တန် ဆေးမဆောင်ထားမိပေ။
ပိုင်လင်း ဆေးကို ကြိုသောက်ပြီး အဝတ်ကိုလည်း သေချာ ခါသည့်အပြင် အမှုန့်များကင်စင်သွားအောင် ကော်လိုစေးကပ်တဲ့ အမှုန့်ကို ရေအနည်းငယ်ထည့်၍ အလုံးလုပ်လိုက်ပြီး ထပ်လှိမ့်လိုက်သေးသည်။ သူကိုယ်တိုင် ဆေးသောက်ထားပေမယ့် သူ့အကိုဘက်ကို အမှုန့်တွေ လွင့်သွားမှာလည်း စိုးရိမ်တာကြောင့် ဖြစ်သည်။
"ပိုင်လင်းဝတ်စုံက ပထမမင်းသားနဲ့ ဆင်တူပါလား"
"ဟုတ်တယ်နော် .. အဲ့တာဆို ချန်ကျစ်မေက ပထမမင်းသားကို ဇွတ်ဝင်လုံးနေတာများလား"
"ဘယ်လိုလုပ် ဖြစ်နိုင်မှာလည်း ချန်ကျစ်မေလို အရည်အချင်းရှိပြီး အလှဆုံးGer က ကြိုက်တဲ့သူ လက်ညိုးထိုး ရွေးရုံပဲဟာက်ို"
"ဟုတ်တယ် သူ ကုချင်းတီးတာကို ဘယ်သူမှ လိုက်မှီတယ်လို့ မကြားဖူးသေးဘူး"
"ဒါပေမယ့် ဟိုက မင်းသားလေ ချန်ကျစ်မေလို လူမျိုးတွေ အများကြီး ဝိုင်းနေတာ .. ချန်ကျစ်မေဘက်က စပြီး ပိုးပန်းတာ မဟုတ်ဖူးလို့လည်း မပြောနိုင်ဘူး"
"ဒါပေမယ့် တဖက်က ပိုင်လင်းလေ .. ပိုင်လင်းနဲ့ ယှဉ်ရွေးရင် ဘယ်သူသာလဲ အသိသာကြီးပဲဟာ"
ချစ်ကျစ်မေ သူ့ကို မြှောက်ပြောနေကြတာ သဘောတွေကျနေပေမယ့် ပိုင်လင်းဝတ်စုံက မင်းသားနဲ့ ဆင်တူ ဖြစ်လိမ့်မယ်လို့ မထင်မိခဲ့ချေ။ မင်းကြီးကို ကြည့်တော့လည်း နှစ်ထောင်းအားရဖြစ်နေတဲ့ ရုပ်ကြီးနဲ့ မုတ်ဆိတ်မွှေးတောင် ပွတ်နေသေးသည်။ ပိုင်လင်းကလည်း ဘာလို့ ရုပ်မပျက် ထိုင်နေသေးတာလဲ အမှန်ဆို အာနိသင် ပြရတော့မှာလေ။
ချန်ကျစ်မေ မျက်နှာမှာ အမျိုးမျိုး ပြောင်းနေတာမို့ စုန့်ရိရန်က ချန်ကျစ်မေ စိတ်ကောက်နေတယ် ထင်သွားသည်။ "ကျစ်မေ အဲ့တာက ခမည်းတော် စီစဉ်ထားတာ ကိုယ် ဖွင့်တောင်မကြည့်လို့ စုံတွဲဝတ်စုံမှန်း မသိလိုက်ဖူး။ စိတ်မဆိုးပါနဲ့ကွာ .. နော်"
ချန်ကျစ်မေ အပြုံးလေးနဲ့ စိတ်မဆိုးကြောင်း ခေါင်းရမ်းပြလိုက်သည်။ အမြင်မှာတော့ သဘောထားကြီးသူကြီးပေါ့။
YOU ARE READING
The Stranger I love (System)
General Fictionလမ်းမကြီးပေါ်မှာ ကောင်လေးတယောက်က သွေအိုင်ထဲလဲနေသော အသက်မဲ့နေသောခန္ဓာကိုယ်ကို ထွေးပိုက်လျှက် သွေးရူးသွေးတန်းအော်ဟစ်နေသည် ... Qing Yan: "ဖေးရဲ့ မင်းထပါဦး .. ဖေးရဲ့ သတိထားပါဦး မင်း အရမ်းရက်စက်တာပဲ .. ပြောတော့ ငါ့ကို မင်းရဲ့အချိန်တွေ ပေးမယ်ဆို .. ဒီ...
