စေလိုရာစေ..
(Unicode)
"ဆရာ..ဆေးရုံအုပ်က ရောက်ရင် သူ့ရုံးခန်း လာခဲ့ပါဦးတဲ့"
ဆေးရုံ ဓာတ်လှေကားကနေ ထွက်ထွက်ချင်း သူ့ရဲ့လက်ထောက် နပ်စ်မလေး အမသင်းမွှေးက ဦးစံခေါ်နေကြောင်း အသိလာပေးသည်။
"ဟုတ်ပြီ..မသင်း..ခဏနေ ကျွန်တော်သွားလိုက်ပါ့မယ်"
ဒီရက်အတောတွင်း ဦးစံနဲ့လည်း သိပ်စကားမပြောဖြစ်။ဆေးရုံတစ်ခုတည်းဆိုပေမယ့် အခုတလော အရေးပေါ်လူနာတွေက ဆက်တိုက်ဆိုသလို ဖြစ်နေတော့ ဦးစံဆီ မသွားဖြစ်ပေ။ဒီနေ့တော့ သွားလိုက်ဦးမှာပါ။နို့မို့ဆို "ငါ့တူကနေနိုင်တယ်ကွာ" လို့ အစချီပြီး မနားတမ်း စကားနာ ထိုးတော့မယ့် သူ့ဦးစံ အကြောင်း သူသာအသိဆုံး။
"ေဩာ်..ငါ့တူ ရောက်လာပြီလား..လာ..ထိုင်"
ဦးစံ ရုံးခန်း အလယ်က ဆိုဖာခုံမှာ ဝင်ထိုင်လိုက်တော့ ဦးစံက သူ့အလုပ်စားပွဲကနေ ထလာသည်။
ဦးစံက အဖေ့ရဲ့ညီအငယ်ဆုံး ဖြစ်ပြီး ပိန်ပိန်ရှည်ရှည်နဲ့ ဆံပင်ကို အမြဲတမ်းလှန်တင်ထားတဲ့ အသက်လေးဆယ်အရွယ် လူပျိုကြီးပေါ့။ဦးစံ "မိန်းမမယူသေးဘူးလား" မေးရင် အပူတေွမရှာချင်ဘူး ငါ့တူရာ ဆိုပြီး အရင်လို ဓာတ်ပြားဟောင်းကြီး ဖွင့်ပြနေဦးမည်သာ။
ဦးစံက ရန်ကုန်မှာ အထူးကုဆေးရုံခွဲ လေးခုဖွင့်လှစ်ထားပြီး အေးရိပ်ငြိမ်ဆိုတဲ့ မိဘမဲ့ဂေဟါနဲ့ဘိုးဘွားရိပ်သာကိုလည်း ရန်ကုန်မှာ ဖွင့်လှစ်ထားသည်။ပြောရမယ်ဆိုရင်တော့ ဦးစံက ပရဟိတလည်း့လုပ်ရင်း ဝါသနာပါတဲ့ ဆေးလည်းကုရင်းနဲ့ ဘဝကို ရိုးရှင်းစွာ ဖြတ်သန်းနေသူပင်။
"ဒီလို..ငါ့တူရ..ဒီနေ့ ဦးစံတို့ ဆေးရုံကို စင်ကာပူက ဆရာဝန် တစ်ယောက်..ရောက်လာလိမ့်မယ်..ပထမ သူက ဟိုမှာပဲ လုပ်နေတာ..ဗမာလူမျိုး..ဘွဲ့တွေလည်းယူထားတာမနည်းဘူး..အခုတော့ ဇာတိမှာ ပြန်လုပ်ချင်တယ်ပေါ့ကွာ..အဲ့ဒါ Mr. Thomasက ဦးစံဆေးရုံကို လွှဲပေးလိုက်တယ်လေ"
"အင်း..ကောင်းတာပေါ့ ဦးစံရဲ့..သူ့လို ကျွမ်းကျင်ဆရာဝန်တစ်ယောက် ထပ်ရောက်လာတော့..လူနာတွေအတွက် ပိုအဆင်ပြေသွားတာပေါ့"
YOU ARE READING
စေလိုရာစေ(Completed)
Romanceဘဝတစ်ခုလုံး ပုံအပ်ခဲ့ပြီးပြီမို့.. သူစေလိုရာစေ.. နေဖို့အဆင်သင့်... Main Character-မှော်စက္ခ❤ လေညှင်းသွဲ့ Start date>>16/8/21 End date>>16/3/22
