စေလိုရာစေ...
(Unicode)
"အဟား..ဟင်းတွေက စုံလှချည်လားဟေ့..ကြည့်ရတာ ဦးစံကြောင့် အပင်ပန်းခံပြီး ချက်ထားကြတာထင်တယ်.."
ကနုတ်ပန်းကို အနုစိတ်လှပသေသပ်အောင် ထွင်းထားတဲ့ ကျွန်းစားပွဲဝိုင်းအလယ်မှာ မြန်မာဟင်းအစုံအလင်။အရံဟင်း လေးငါးခွက်လည်းပါသလို မြန်မာ့ရိုးရာ ငပိ တို့စရာအစုံကလည်း မပါမဖြစ်။
အားလုံး ခုံမှာ ဝိုင်းထိုင်လိုက်တော့ အနေထားက ဦးစံဘေးနားမှာ လေညှင်း ၊သူ့အနားမှာတော့ လူဆိုးကောင် ပြီးတော့ ကြီးလုံးနဲ့ ကိုထွန်း။မိနွယ်ကတော့ လိုအပ်တာတွေ ထည့်ပေးဖို့ သူတို့ပြီးမှ စားမည်ဆိုသောကြောင့် သူတို့ငါးယောက်အရင်စားဖို့ ပြင်လိုက်သည်။
"မိနွယ်..မြီးရှည်ကို အရည်လေး နွေးပြီး ယူခဲ့လိုက်တော့..သေချာကိုင်နော်..အပူလောင်နေမယ်"
"ဟုတ်..ကိုလေးစက္ခ"
ခဏနေတော့ မြေပန်းကန်လုံးခပ်ကြီးကြီးကို အဖုံးအုပ်ထားပြီး စားပွဲအလယ်တွင် ချကာ အဖုံးဖွင့်လိုက်တော့ စားချင်စဖွယ် အငွေ့တထောင်းထောင်းထနေသည့် မြေအိုးမြီးရှည်က
စားပွဲမှာထိုင်နေသူအားလုံးကို ဆွဲဆောင်နေသည်။မုန်ညှင်းစိမ်း ပဲပင်ပေါက် အသားလုံးတို့က နီရဲရဲ အရည်တွင် ပနံသင့်စွာ နေရာယူ ထားသောကြောင့် အမြင်နဲ့တင် အရသာပြီးပြည့်စုံလောက်ပေသည်။
ွဦးစံက ပထမဆုံး ပန်းကန်လုံးသေးဖြင့်
အရင်ထည့်၍ မြည်းကြည့်လိုက်ပြီး..
"ဟာ..ကောင်းတယ်ဟေ့..မောင်စက္ခက ဒါတွေလည်း လုပ်တတ်တာပဲလား..သား..လေညှင်း စားကြည့်ပါဦးကွ..တကယ် အရသာက လျှာလည်လောက်တယ်.."
စားနေတာ တဝက်ကျိုးသည်အထိ လက်နဲ့မထိ
သည့် တူဖြစ်သူကြောင့် ထည့်စားဖို့ ပြောရသည်။မဟုတ်ရင် ဟိုကလေးက အမြင်အာရုံမရှိတော့ သူ့ချစ်သူထံက အကဲဖြတ် ပြောလာမယ့် အသံကိုပဲ နားစွင့်နေတာ သားလေညှင်းမှအပ ကျန်တဲ့သူအားလုံး ရိပ်မိသည်။
"ဘယ်လိုနေလဲ..အသေးလေး..မောင်မချက်တတ်ချက်တတ်နဲ့ ချက်ထားတာ အဆင်ပြေရဲ့လား..ပြောပါဦး..မောင့်ကို"
YOU ARE READING
စေလိုရာစေ(Completed)
Romanceဘဝတစ်ခုလုံး ပုံအပ်ခဲ့ပြီးပြီမို့.. သူစေလိုရာစေ.. နေဖို့အဆင်သင့်... Main Character-မှော်စက္ခ❤ လေညှင်းသွဲ့ Start date>>16/8/21 End date>>16/3/22
