စေလိုရာစေ...
(Unicode)
မှော်စက္ခ အိမ်မှာ သူရောက်နေတာ တစ်လရှိသွားပြီ။အခုချိန်ထိ ထွက်ပြေးဖို့ လမ်းစရှာခဲ့ပေမယ့် ဉာဏ်ပြေးတဲ့ လူဆိုးကောင်က သူ့အိမ်အတွင်းက လွဲလို့ အပြင်ကို ခြေတစ်လှမ်းရွေ့လို့မရ။
အိမ်ထဲမှာလည်း အခန်းပေါင်းမရေတွက်နိုင်အောင်ရှိသည့်အထဲက ထမင်းစားခန်း စာကြည့်ခန်းနဲ့ အိပ်ခန်းသာ ဝင်လို့ရသည်။ကျန်သည့် အခန်းတွေက မျက်နှာစကန်ဖတ် စနစ်နဲ့ ထိန်းချုပ်ထားသည်။
အိမ်က နေရာတော်တော်များများကို မှန်နဲ့သာ အလှဆင်ထားပြီး သူတို့အိပ်ခန်း မျက်နှာကြတ်ကလည်း လိုရင်လိုသလို မှန်အကြည်ပုံစံ ပြောင်းလဲနိုင်သည်။
ပြီးတော့ ထူးခြားတာက လေညှင်း ရောက်နေတဲ့နေရာက လူနေအိမ်ခြေမရှိတဲ့ တောအုပ်မကျတကျ နေရာတစ်ခု။အပြင်ဘက် ဝရန်တာ လေးကနေ ပတ်ဝန်းကျင်ကို ငေးကြည့်ရင် စိမ်းစိမ်းစိုစို သစ်ပင်ကြီးအချို့နဲ့ လေတိုက်တိုင်း ပါလာတဲ့ ပန်းအနံ့ စိမ်းရွေရွေလေးက စိတ်ကို အေးချမ်းစေသည်။သို့ပေမယ့် သူမအေးချမ်းနိုင်။
ဒီနေရာလေးက လေညှင်းရဲ့ စိတ်ကူးထဲက အိမ်လေးဖြစ်ပေမယ့် မချစ်မနှစ်သက်သူနဲ့ အတူတူနေရတဲ့ ဒုက္ခက ဝဋ်ခံနေရသလိုပဲ။
လေညှင်းမကြိုက်တဲ့ ခြိမ်းခြောက်စကားတွေ မလွန်ဆန်နိုင်ခဲ့တဲ့ အထိအတွေ့တွေ့ လူဆိုးကောင်အတွက် နိဗ္ဗာန် သူ့အတွက်ကတော့ အရှင်လတ်လတ်ကျတဲ့ ငရဲပဲ။တစ်လတိတိ အမေနဲ့ဦးလေးဆီက အဆက်သွယ်မရသလို လေညှင်းလည်း ဖုန်းမရှိတာကြောင့် ဆက်သွယ်လို့မရ။
အခုချိန်ဆို မေမေ သူ့ကို စိတ်ပူနေမလား ဒါမှမဟုတ် မိဘစကားနားမထောင်တဲ့ သားမိုက်ဆိုပြီး စိတ်နာနေပြီလား။မေမေ့ကို အကြောင်းစုံ ရှင်းပြချင်တယ်။အခုလောလောဆယ်တော့ မဖြစ်နိုင်သေးသည်မို့။
"အသေးလေး..အပြင်ခဏ ထွက်ခဲ့ဦး"
အခန်းအပြင်က လူဆိုးကောင်ရဲ့ ခေါ်သံကြားရပြီးနောက် လေညှင်း အခန်းအပြင် ထွက်လာတော့ လူဆိုးကောင်က ဘယ်ရောက်သွားလဲမသိ။
လူကိုခေါ်ပြီးတော့ ခြေလှမ်းကျဲကြီးတွေနဲ့ ရှေ့က လျောက်သွားေတာ အရိပ်တောင်မတွေ့ရတော့။ဒါ သူအရပ်ရှည်တိုင်း လူကို သက်သက်နှိမ်တာ။
YOU ARE READING
စေလိုရာစေ(Completed)
Romanceဘဝတစ်ခုလုံး ပုံအပ်ခဲ့ပြီးပြီမို့.. သူစေလိုရာစေ.. နေဖို့အဆင်သင့်... Main Character-မှော်စက္ခ❤ လေညှင်းသွဲ့ Start date>>16/8/21 End date>>16/3/22
