စေလိုရာစေ..
(Unicode)
စက္ခ နေ့လည်တုန်းက အသေးလေးလုပ်ရက်ကို ဒေါသထွက်မိသည့်အပြင် ကိုယ့်စေတနာကို အသိမှတ်မပြုသူကြောင့် အနည်းငယ်တော့ ရင်ထဲနာကျင်ရသည်။ဒါကြောင့် အိမ်ပြန်ရောက်ရောက်ချင်း နေ့လည်စာလည်းထွက်မစားဘဲ ညစာပါအငတ်ခံဖို့ စဥ်းစားပြီးသား။
ဒါပေမယ့် သူ့အဖြစ်က သနားခံချင်ကာမှ အသေးလေးက ပိုပြီးမုန်းသွားမည့်အဖြစ်ကို တွေးမိတော့
ကိုယ့်မှာ ကြာကြာလည်း ဆန္ဒမပြနိုင်။အနားရှိနေသူကို ဒီအတိုင်းလေး ကြည့်နေရင်းတောင် လွမ်းနေရတာ အခုလို အသေးလေးကိုမခေါ်မပြော ဘဲနေဖို့ဆိုတာ စက္ခအတွက် လုံးဝမဖြစ်နိုင်တဲ့ကိစ္စ။
"အသေးလေး"
"......"
ခေါင်းသုတ်ပေးနေသူကို မမြင်ရပေမယ့် ခေါင်းမော့၍ သူတစ်ယောက်တည်းသာ ခေါ်ခွင့်ရှိသည့် နာမ်စားလေးကို ဖွင့်ဟတော့ အာရုံစူးစိုက်နေသူလေးက ပြန်၍ထူးမလာ။
"ငြိမ်ငြိမ်နေ...ငါအချိန်အားနေလို့ မင်းကိုလုပ်ပေးနေတာမဟုတ်ဘူး"
အနေထားက စက္ခက ကုတင်အစွန်းမှာ ထိုင်လျက်ရှိပြီး လေညှင်းက နဖူးပေါ်ဝဲကျနေသည့် လှိုင်းတွန့်ဆံပင်တွေကို စိတ်ရှည်လက်ရှည် ရေသုတ်ပေးပြီးနောက် dryerနဲ့ အခြောက်ခံပေးဖို့ ပြင်နေသည်။စက္ခက အသေးလေးထက် အရပ်ရှည်ပေမယ့် အခုပုံစံက သူ့ကကုတင်ပေါ် ထိုင်နေတာကြောင့် အသေးလေးက သူ့ထက်ခေါင်းတစ်လုံးပိုသာနေသည်။
ရုတ်တရတ် ငြိမ်နေရာကနေ လူဆိုးကောင်ရဲ့လက်တွေက လေညှင်းရဲ့ ခါးသွယ်သွယ်လေးဆီသွယ်ဝိုက်၍ ရင်ခွင်ထဲ ခေါင်းကိုကပ်လာတာကြောင့် နေရင်းထိုင်ရင်း လူက ချွေးစေးတွေပြန်ပြီး ဗိုက်ဆာသလိုလို မာရသွန်ပြေးထားတဲ့သူလို တုန်ရီမောဟိုက်လာသည်။
မကြိုက်ဘူး ဒီအထိအတွေ့တွေကို လေညှင်းတကယ်မနှစ်သက်ဘူး။
"ရ..ရပြီ..ငါသွားတော့မယ်..ထမင်းစားမယ်ဆို မိနွယ်ကိုပြင်ခိုင်းလိုက်..ကြီးလုံးကတော့ ဘုရားဝတ်ပြုနေပြီ"
ပြောပြီးတာနဲ့ ချက်ချင်းလှည့်အထွက် ကုတင်ကနေ ဝုန်းကနဲထရပ်ကာ နောက်ကနေ သန်မာ
တုတ်ခိုင်တဲ့ လက်မောင်းကြီးတွေက တင်းကြပ်စွာ ထပ်မံဖက်တွယ်လာပြန်သည်။
YOU ARE READING
စေလိုရာစေ(Completed)
Romanceဘဝတစ်ခုလုံး ပုံအပ်ခဲ့ပြီးပြီမို့.. သူစေလိုရာစေ.. နေဖို့အဆင်သင့်... Main Character-မှော်စက္ခ❤ လေညှင်းသွဲ့ Start date>>16/8/21 End date>>16/3/22
