စေလိုရာစေ..(Unicode)
"အနွေးထည်မလိုဘူး....မင်းရဲ့ အနွေးဓာတ်လေးသာ မောင့်ကိုမျှပေးရင် လုံလောက်ပြီ"
ပြောလည်းပြော လက်ကိုဆွဲချ၍ ရင်ဘတ်ပေါ်မှောက်ရက်လေး လဲကျလာတဲ့ ကိုယ်လုံးသေးသေးလေးကို တယုတယထွေးပိုက်လိုက်
သသည်။ကြွက်သားအပြည့်လက်မောင်းတစ်ဖက်က ခေါင်းအောက်ထိုးပေးလါပြီး လက်တစ်ဖက်က လေညှင်းရဲ့ ခေါင်းလုံးလုံးလေးက ဆံပင်လေးတွေကို ပွတ်သပ်ပြီး သူ့ရင်ခွင်အနား ဆွဲကပ်သည်။လေညှင်းထက် ခေါင်းတစ်လုံးမြင့်နေသူထံမှ ဝင်သက်ထွက်သက်နွေးနွေးက နဖူးပေါ်ရိုက်ခတ်လျက်။အရင်က လူဆိုးကောင်အတင်းအကျပ် အနိုင်ယူတုန်းကသာ အခုလို နီးနီးကပ်ကပ်နေခဲ့ဖူးတာ။အခုလို အသားချင်းထိကပ်ပြီး တစ်ဖက်သူရဲ့ ပုံမှန်ထက်ပိုမြန်နေတဲ့ နှလုံးခုန်သံကိုပါ ကြားနေရတဲ့အခါ စိတ်ထဲမှာတမျိုးပဲ။မနှစ်မြို့တာလည်း မဟုတ်သလို သဘောကျတာလည်း မဟုတ်ပြန်။ဒီအတိုင်း ကိုယ့်ကို တစ်စုံတစ်ယောက်က အပြည့်အဝကာကွယ်ပေးထါးသလိုမျိုး လုံခြုံနွေးထွေးမှုကို ခံစားလာရတာ။
တကယ်ပဲ ဦးစံပြောသလိုများ ငါဥပေက္ခာပြုထားခဲ့တဲ့ မင်းရဲ့မေတ္တာတရားက စစ်မှန်နေခဲ့တာလား။
"အသေးလေး"
"ဟင်"
"ကြားရလား..မင်းတစ်ယောက်တည်းအတွက် lmitedခုန်နေတဲ့ မောင့်ရင်ခုန်သံတွေကို"
"မကြားပါဘူး..သိလည်းမသိချင်ဘူး..မင်းဆက်ပြောနေမယ်ဆို ငါအခန်းထဲက ထွက်သွားလိုက်တော့မှာ..ငြိမ်ငြိမ်လေးနေပြီး အိပ်တော့"
"ဟုတ်ပါပြီ မောင်တိတ်တိတ်လေးနေပါ့မယ်..တစ်ယောက်တည်းတော့ မထားခဲ့ပါနဲ့"
လေညှင်း ကျိတ်ပြုံးမိသွားသည်၊အခု လူဆိုးကောင်ဖြစ်နေတဲ့ ပုံစံက အရွယ်မရောက်သေးတဲ့ ကလေးတစ်ယောက် နေမကောင်းလို့ သူ့မိခင်အနားကပ်ပြီး ဂျီကျနေသလိုပဲ။သူ့အနားကနေ လေညှင်းထွက်သွားမှာစိုးနေတာ။မင်းက ဒီလိုလည်း ကလေးဆန်တတ်သေးတာလား အဟက်။
မနက်လင်းတော့ အိပ်ပျော်နေသူကို အဖျားတိုင်းကြည့်တော့ အဖျားကျသွားပြီမို့ စိတ်အေးသွားသည်။ထို့နောက် ကိုယ်လက်သန့်စင်ပြီး ဘုရားသောက်တော်ရေလဲ ဆွမ်းကပ်ပြီး ဘုရားဝတ်ပြုဖို့ပြင်လိုက်သည်။
YOU ARE READING
စေလိုရာစေ(Completed)
Romanceဘဝတစ်ခုလုံး ပုံအပ်ခဲ့ပြီးပြီမို့.. သူစေလိုရာစေ.. နေဖို့အဆင်သင့်... Main Character-မှော်စက္ခ❤ လေညှင်းသွဲ့ Start date>>16/8/21 End date>>16/3/22