//Unicode//
အပိုင်း ၆၀၁- ထွက်ခွာခြင်း
မျက်စိတစ်မှိတ်အချိန်တွင်
နှစ်လကုန်လွန်သွားခဲ့လေပြီ။
ထိုနေ့၌ ကောင်းကင်နှင့်ပင်လယ်ပြာတို့ဆုံစည်းရာ
မိုးကုပ်စက်ဝိုင်းတစ်နေရာတွင် ပင်လယ်ပြာပြာကို
ဖုံးအုပ်လို့လာနေသည့် အနက်ရောင်အဝိုင်းသဏ္ဍာန်ရှိ
အပြောက်ကြီးတစ်ခုရှိနေလေပြီး ဘယ်အချိန်က
ရောက်လာမှန်းလဲလည်း မရှင်းလင်းပေ။
နီးကပ်လာပါက ၎င်းမှာအမှန်တော့ မီတာတစ်ထောင်
အကွာအဝေးထိကွဲဲပြားခြင်းမရှိတစ်ဆက်တည်း
ရှိနေသည့် ငါးမန်းအုပ်ကြီးတစ်ခုမှန်း
မြင်တွေ့နိုင်ပေလိမ့်မည်။ ငါးမန်းတစ်ကောင်ချင်းစီက
ကြမ်းကြုတ်ခက်ထန်ဟန်ရှိပြီး အကြမ်းဖျင်း
တွက်ချက်မှုအရ အနည်းဆုံးအကောင်ရေ
တစ်သောင်းမျှရှိလေသည်။
ဤငါးမန်းအုပ်ကြီးက ကျွန်းလေးအနီးရှိ
အကြီးမားဆုံးသောရေနတ်ဆိုးသားရဲဂိုဏ်းမှ
ဖြစ်၏။ သန္ဓေပြောင်းအကောင်များအပြင်
၎င်းတို့အများစုက အဆင့်(၆)နတ်ဆိုးသားရဲများ
ဖြစ်သည်။ ၎င်းတို့၏သွားက အလွန်ထက်မြိနေပြီး
အုပ်လိုက်ဝိုင်းဝန်းတိုက်ခိုက်ခြင်းကိုခံရမည်ဆိုလျှင်
ကျိုင်းကောင်များ အုပ်လိုက်ဖြတ်ပျံသွားခြင်းနှင့်
တူပေလိမ့်မည်။ သာမာန်ကျွန်းအသေးစားလေးဆို
နစ်မြုပ်သွားလောက်သည်။ သို့ပေမဲ့ ထိုအဖြစ်မျိုးမှာ
ပင်လယ်ပိုင်နက်တွင် ဖြစ်လေ့ဖြစ်ထရှိသော
အရာမျိုးဖြစ်သဖြင့် ကျင့်ကြံသူများက၎င်းကို
သားရဲလှိုင်းဟုခေါ်ကြလေသည်။
ထိုအခိုက်အတံ့တွင် ဤငါးမန်းအုပ်ကြီး၌
တူညီသောပန်းတိုင်ရှိနေသည်။
သူတို့ပစ်မှတ်မှာ ရှေ့ရှိကျွန်းငယ်လေးဖြစ်၏။
ကျွန်းငယ်လေးပေါ်မှာဆွဲဆောင်အားပြင်းသည့်
တစ်စုံတစ်ရာပေါ်ထွက်လာပုံပေါ်ပြီး ၎င်းတို့မှာ
ကျွန်းငယ်လေးသို့အရင်ရောက်ရန် တိုက်ခိုက်ရင်း
အလွန်လျင်မြန်စွာရွေ့လျားနေကြသည်။ တစ်နာရီပင်
မကြာသေးခင်တွင် ၎င်းတို့ကကျွန်းငယ်လေးနှင့်
မီတာတစ်ထောင်ခန့်ပင်မကွာတော့ချေ။
YOU ARE READING
The Legendary Master's Wife [မြန်မာဘာသာပြန်]
FantasyOriginal Author - Yin Ya English Translators - Exiled Rebels Scanlations [From Chapter(591)- (731)End] If you want to read from Chapter(1), please check my reading list, The Legendary Master's Wife. Cover Photo- Crd to Original Artist.
![The Legendary Master's Wife [မြန်မာဘာသာပြန်]](https://img.wattpad.com/cover/281869063-64-k232531.jpg)