Unicode
အပိုင်း ၆၃၈- ဖျက်ဆီးခြင်း
မူလစွမ်းအင်သည် ဝိဉာဉ်၏အသက်သွေးကြော
ဖြစ်ကာ သက်ရှိအရာအားလုံး၏
အသက်စွမ်းအားဟုလည်း ဆိုလို့ရသည်။ ၎င်း
ယိုစိမ့်ပြီးနောက် ကျောက်စင်မြင့်အနီးရှိ
ပေါင်းပင်များသည် ရူးသွပ်စွာကြီးထွားလာကြ၏။
အသက်စွမ်းအားယိုစိမ့်မှုအနည်းငယ်လေးကပင်
သက်ရှိအရာများကို ကြီးထွားစေဖို့လုံလောက်နေပြီ
ဖြစ်သည်။ ရပ်တန့်သွားခြင်းမရှိသော
အသက်စွမ်းအားစီးကြောင်းတစ်ခုဆိုလျှင်
အကျိုးဆက်များကို ကောင်းကောင်းပုံဖော်ကြည့်လို့
ရပေသည်။
သက်လတ်ပိုင်းအရွယ်လူကြီးမှာ အချိန်မီ
မပိတ်နိုင်ချေ။ မူလစွမ်းအင်၏ထိန်းချုပ်မှုဖြင့်
ပေါင်းမြက်ပင်များ၏ကြီးထွားလာမှုမှာ
အင်မတန် ရူးသွပ်ဖွယ်ကောင်းလှသည်။ စက္ကန့်
ဘယ်လောက်မှမရှိခင်မှာ ပေါင်းမြက်ပင်တွေက
ကောင်းကင်ကို ဖောက်ထွက်တော့မည့်အလား
ဆယ်မီတာကျော်အထိ ရှည်လျားလာကြသည်။
မမျှော်လင့်ထားသောအဖြစ်အပျက်များကြောင့်
ယူရှောင်းမိုလည်း အံ့အားသင့်သွားသည်၊
သို့ပေမဲ့၎င်းက သူ့အတွက်
အကာအကွယ်ကောင်းတစ်ခု ဖန်တီးပေးသည်။
ပေါင်းမြက်ပင်တွေထဲ ဝှစ်ခနဲဝင်သွားသည့်အခါ
ထုံထျန်းနန်းတော်မှဝတ်ရုံဖြူလူမှာ သူ့ကို
ချက်ချင်း မျက်ခြေပြတ်သွားလေတော့သည်။
"ငါ့အမိန့်ကိုထုတ်ပြန်စမ်း။ သူ့ကို ဖမ်းမိတာနဲ့
ချက်ချင်းသတ်ပစ်။ ပြီးရင် ဝိဉာဉ်ဆွဲထုတ်လာခဲ့"
သက်လတ်ပိုင်းအရွယ်လူကြီးမှာ ကျယ်လောင်စွာ
ပြောဆိုရင်းဖြင့် ဒေါသများပေါက်ကွဲလာတော့သည်။
မူလစွမ်းအင်များဆက်လက်ယိုစိမ့်မှုမှ တားဆီးရန်
သူ့အနေဖြင့် ကျောက်စင်မြင့်ကိုခွာလို့မရချေ။
ဒီရလဒ်က ယူရှောင်းမိုလိုချင်တာနှင့်ကွက်တိပင်။
သက်လတ်ပိုင်းလူကြီးကသာ ပါးစပ်မစောင့်ဘဲ
အမှန်တရားကိုပြောမပြခဲ့ပါလျှင် ကျောက်စင်မြင့်မှာ
ထိုသို့သောလုပ်ငန်းမျိုးရှိမယ်မှန်း သိခဲ့မှာမဟုတ်ပေ။
သူက မူလစွမ်းအားကိုထိုမျှအရေးထားပေရာ
၎င်းတို့ထဲကတစ်ခုကို ခွဲခြေပစ်လိုက်သရွေ့
သူတို့ကို ထိတ်ပျာသွားစေဖို့လုံလောက်သင့်ပေသည်။
YOU ARE READING
The Legendary Master's Wife [မြန်မာဘာသာပြန်]
FantasyOriginal Author - Yin Ya English Translators - Exiled Rebels Scanlations [From Chapter(591)- (731)End] If you want to read from Chapter(1), please check my reading list, The Legendary Master's Wife. Cover Photo- Crd to Original Artist.
![The Legendary Master's Wife [မြန်မာဘာသာပြန်]](https://img.wattpad.com/cover/281869063-64-k232531.jpg)