Unicode
အပိုင်း ၆၃၄- လွတ်မြောက်ခြင်း(၁)
ထိုင်စောင့်ရသည့်နေ့ရက်များက ကုန်ဖို့ခက်သည်။
ယူရှောင်းမိုသည် အမျိုးသား၏စကားကို
နားထောင်၍ အခွင့်ကောင်းစောင့်နေသည်။
သို့သော် သူလှုပ်ရှားချင်တယ်ဆိုရင်တောင်မှ
နယ်မြေက တုံ့ပြန်မှုလုံးဝမရှိသဖြင့်
သူ့မှော်အိတ်လေးကိုပဲ ဖွင့်လို့ရသည်။
ယခင်တုန်းက မှော်အိတ်လေးအခိုးခံရမှာ
စိုးသည့်အတွက်ကြောင့် ပစ္စည်းအများစုကို
နယ်မြေထဲပဲထားခဲ့သည်။ ယခုအချိန်မှာတောင်
သူ့မှော်အိတ်လေးထဲမှာ ဘာမှများများစားစား
မရှိပေ။ သို့ပေမဲ့လို့ အိတ်ထဲမှာ စိတ်စွမ်းအင်ရေ
နှစ်ပုလင်းနှင့် မှော်ဆေးလုံးပုလင်းများရှိသေးသည့်
အတွက် ၎င်းကအပြည့်အဝတော့မမှန်ပေ။
ဒုတိယစမ်းသပ်ချက် မစတင်ခင်က
ထုတ်ယူထားသော ဝိဉာဉ်ဖြည့်တင်းဆေးလုံးနှင့် စွမ်းအင်ဖြည့်တင်းဆေးလုံးတို့ကို နယ်မြေထဲ
ပြန်မထည့်ထားပေ။ ထိုအစား မှော်အိတ်လေးထဲ
ပစ်ထည့်လိုက်ခဲ့တာဖြစ်သည်။ စိတ်စွမ်းအင်ရေ
နှစ်ပုလင်းကိုတော့ သူ့အတွက် လွယ်ကူစေဖို့
အဓိကထားပြင်ထားခြင်းပင်၊ သို့ပေမဲ့
ယခုတော့ အသုံးဝင်လာလေပြီ။
ဤနေရာမှာ ရက်အတော်များများပိတ်ထားခံရ
ပြီးနောက် ယူရှောင်းမို ဘေးခန်းကလူနဲ့
ခင်နေပြီဖြစ်ပြီး သူ့နာမည်က ဟယ့်သုံ့ဟုခေါ်ကာ
ထုံထျန်းနန်းတော်မှာ အကျဉ်းချခံထားရတာ
နှစ်ငါးရာနီးပါးရှိပြီဆိုတာ သိရသည်။
သို့သော်လည်း သူ့ရဲ့ခါးသီးသောအတွေ့အကြုံက
ယူရှောင်းမိုနှင့်ကွဲပြားလေသည်၊ ဘာကြောင့်ဆို
သူက စမ်းသပ်ချက်မှာ ညီညီမျှမျှ၊ ပေါ်ပေါ်တင်တင်နဲ့
ဒုတိယနေရာရခဲ့ပြီး နောက်မှာ ထုံထျန်းနန်းတော်ကို
ဝင်ခဲ့တာကြောင့်ဖြစ်သည်။
ထိုအချိန်တုန်းက အခြားသူများကဲ့သို့ပင် သူလည်း
ထုံထျန်းနန်းတော်အတွက် စိတ်ထက်သန်ပြင်းပြမှုများ
အပြည့်ရှိခဲ့လေ၏၊ သို့သော် သူ့ရဲ့ရိုသေ
လေးစားမှုများ ကွဲကြေသွားရန်သိပ်မကြာလိုက်ဘဲ
သုံးလတောင်မပြည့်သေးခင်မှာ ဤနေရာရှိ
အကျဉ်းသားများထဲမှတစ်ယောက် ဖြစ်လာခဲ့တော့
သည်။
YOU ARE READING
The Legendary Master's Wife [မြန်မာဘာသာပြန်]
FantasyOriginal Author - Yin Ya English Translators - Exiled Rebels Scanlations [From Chapter(591)- (731)End] If you want to read from Chapter(1), please check my reading list, The Legendary Master's Wife. Cover Photo- Crd to Original Artist.
![The Legendary Master's Wife [မြန်မာဘာသာပြန်]](https://img.wattpad.com/cover/281869063-64-k232531.jpg)