//Unicode//
အပိုင်း ၆၂၅- ပြစ်မျိုးခုနစ်ဖြာသားရဲများ
စာအုပ်ငါးရာက ယူရှောင်းမိုအား စွမ်းအင်ကျောက်တုံး
ငါးသိန်းခန့်ကုန်သွားစေသည်။ အမှန်တော့ ဒီဈေးက
နည်းနည်းများသည်၊ ဘာလို့ဆို စာအုပ်တစ်အုပ်ကို
ပျမ်းမျှအားဖြင့် စွမ်းအင်ကျောက်တုံးတစ်ထောင်
ဝန်းကျင် ကျသင့်တာကြောင့်ပင်။ သို့ပေမဲ့လည်း
စာအုပ်များကို ကြာရှည်အထားခံစေရန်
စာအုပ်ဆိုင်က သာမန်မဟုတ်သောပစ္စည်းများ
အသုံးပြုထားရသည်ပင်။
ပုံမှန်အားဖြင့် ယူရှောင်းမိုမှာ ဘယ်လို
ဈေးကြီးကြောင်း တစ်ခါလောက်တော့ ငြီးတွားဦးမည်
ဖြစ်သည်၊ သို့သော် ယနေ့တွင်တော့ စိတ်မပါချေ။
သူ့စိတ်တစ်ခုလုံး လင်းရှောင်ဝယ်သည့်စာအုပ်များနှင့်
ပြည့်နှက်နေသည်။ ၎င်းက သူ့စိတ်အခြေအနေအား
လုံးဝဥဿုံပျက်စီးစေသည်။
ဖုန်းလေ့စာအုပ်ဆိုင်မှအပြန်တွင် ရှောင်ယောင်
တက္ကသိုလ်သို့ သူတို့တန်းမဝင်ခဲ့ပေ။ စာအုပ်
ကောင်းများရွေးချယ်ရန်အတွက်
စာအုပ်ဆိုင်တွင် နှစ်နာရီ၊ သုံးနာရီခန့်ကြာခဲ့ရာ
သူတို့ပြန်ချိန်တွင် ကောင်းကင်ကမှောင်နေပြီဖြစ်ပြီး
မြို့တော်ကြီးက မီးရောင်များဖြင့်လင်းထိန်နေသည်။
အပြင်မှာကြာကြာနေဖို့ အစီအစဉ်မရှိသဖြင့်
ယူရှောင်းမိုက တစ်ညတည်းခိုရန်နေရာရှာလိုက်သည်။
ည၌ လင်းရှောင်က အဝါရောင်စာအုပ်ဆယ်အုပ်ကို
ရုတ်တရက် ထတောင်းလေသည်။
ယူရှောင်းမိုက အလွန်အမင်းကြီးမားသော
တုံ့ပြန်မှုကြီးဖြင့် အိပ်ရာအတွင်းပိုင်းသို့
ကျုံ့ဝင်သွားသည်။
"ခင်ဗျားဘာလုပ်မလို့လဲ?!"
လင်းရှောင် "......"
စက္ကန့်အနည်းငယ်ကြာပြီးနောက် သူတုံ့ပြန်တာ
နည်းနည်းများသွားမှန်းကို ယူရှောင်းမိုတွေ့ရှိလိုက်၏။
လင်းရှောင်၏မည်းမှောင်နေသောအကြည့်အား
တွေ့လိုက်ရချိန်တွင် သူ့ကိုယ်သူအခါတစ်ရာလောက်
ရိုက်ချင်သွားတော့သည်။
သူတော်တော်တုံးတာပဲ.. ဒါက အားသုံးဖို့အတွက်
ဆင်ခြေတစ်ခုပေးနေတာပဲမဟုတ်ဘူးလား?
YOU ARE READING
The Legendary Master's Wife [မြန်မာဘာသာပြန်]
FantasyOriginal Author - Yin Ya English Translators - Exiled Rebels Scanlations [From Chapter(591)- (731)End] If you want to read from Chapter(1), please check my reading list, The Legendary Master's Wife. Cover Photo- Crd to Original Artist.
![The Legendary Master's Wife [မြန်မာဘာသာပြန်]](https://img.wattpad.com/cover/281869063-64-k232531.jpg)