Unicode
ဒေါဝံမြို့တွင် အန္တရာယ်ကျရောက်လေပြီ
________________
" အားလုံး မြေပေါ်ကိုတက်ကြ"
အရုဏ၏အမိန့်သံဆုံးသည်နှင့် နဂါးမင်းသားအဏ္ဏမှ ဦးဆောင်၍ ဂူတံခါးကိုဖွင့်ကာ ယခင်နည်းလမ်းအတိုင်း မြေပေါ်သို့ အလျင်အမြန်ပြေးတက်ကြသည်။
မြေပေါ်သို့ရောက်လေသော် အရုဏ၊ အဏ္ဏနှင့် ရေဝတီတို့သည် လူအသွင်ပြန်လည်ဖန်ဆင်းလိုက်သည်။
မရှေးမနှောင်းပင် သူတို့၏ဘေးပတ်လည်တစ်လျှောက် အဲမောင်းအချွန်များက သူတို့ကို ဦးတည်ရွယ်လာသည်။
အဲမောင်းကိုင်ဆောင်ထားသော စစ်သည်များက သူတို့ဘေးတွင် အယောက်တစ်ရာမျှရှိသည်။ ယင်းစစ်သည်များထံတွင် အနက်ရောင်အငွေ့များလှိုက်နေသောကြောင့် မှော်နက်ဖြင့်ပြုစားခံထားကြောင်း၊ မှော်နက်ဖြင့် စွမ်းအားအတိုးခံထားရကြောင်း သိရှိနိုင်သည်။
ထို့နောက်တွင်မူ သစ်ပင်ကြီးတစ်ပင်၏အကိုင်းပေါ် ခြေချိတ်ထိုင်နေသည့် စုန်းမကိဏီနှင့် ယင်းသစ်ပင်ဘေးရှိ တိုက်ဆင်ပေါ်တွင် အခန့်သားထိုင်နေသော မင်းယောဇာကို တွေ့ရသည်။
မင်းယောဇာက ခနဲ့တဲ့တဲ့ရယ်သည်။
" ငလျင်လှုပ်တော့ မြေထဲက အကောင်ပလောင်တွေ မြေပေါ်တက်လာရတာပဲ မဟုတ်လား"
အရုဏ လက်သီးကိုကျစ်ကျစ်ပါအောင် ဆုပ်လိုက်မိသည်။ မင်းယောဇာ ဒေါဝံသို့ တစ်ချိန်ချိန် ရောက်ရှိလာမည်မှန်း ခန့်မှန်းမိသော်လည်း ယခုလို မြို့ကို ရုတ်တရက်ဖောက်ခွဲရင်း ရောက်လာမည်ဟု မထင်မှတ်ထားခဲ့ပေ။
စဉ်းစားနေရင်းမှာတင် ကျယ်လောင်လွန်းသော ပေါက်ကွဲသံကြီးနှင့်အတူ မြေကြီးတို့ တုန်ခါသွားပြန်သည်။
မင်းယောဇာက တစ်မြို့လုံးကို ဖောက်ခွဲ၍ မြေလှန်ပစ်ရန် ကြံစည်ထားပုံပေါ်သည်။
" ဒီမှာ ဟေ့ကောင်၊ ဒီမှာရှိနေတဲ့လူတွေအတွင်း မင်းရဲ့ဘိုးအေထက် ဆယ်ဆလောက် ပိုအသက်ကြီးတဲ့လူတွေပါတယ်။ အကြီးတွေကို ရိုရိုသေသေစကားပြောရမှန်း မင်းအမိက မသင်ထားဘူးလား"
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...
