Unicode
မင်းလွင်
________________
ပီယံသည် အရုဏကို နည်းနည်းလေးမှတောင် အလစ်မပေးနိုင်တော့ချေ။
ယုဂန်အနားတွင်သာ အချိန်ပြည့်နေနေသော အရုဏကို မနက်ကကိစ္စ ဖြစ်ပြီးကတည်းက အလွတ်မပေးနိုင်တော့ဘဲ တောက်လျှောက်စောင့်ကြည့်နေရန် နန္ဒအား တာဝန်ပေးထားခဲ့သည်။
သို့ပါ၍ နန္ဒသည် အရုဏရှိရာ အခန်းထဲတွင် ဝင်ထိုင်နေလျက် နံရံထောင့်တစ်နေရာတွင် ငိုက်မြည်းလျက်ရှိသည်။
နို့သောက်ပြီးသည့် နေမွန်းလွဲချိန်မို့ ဗိုက်ပြည့်နေသော ဣန္ဒီလေးမှာလည်း ပုခက်ထဲတွင် နှစ်နှစ်ခြိုက်ခြိုက် အိပ်ပျော်နေသည်။
ပီယံမှာလည်း မြို့၏အခြေအနေအရပ်ရပ်ကို စီမံနေသည့်အပြင် ယုဂန်၏အသုဘကိုပါ စီစဉ်နေရသည်မို့ မအားမလပ်ဘဲရှိနေသည်။
ထိုအချိန်တွင် ရုတ်တရက် အရုဏသည် ယုဂန်၏ကိုယ်ကို ပွေ့ချီကာ အခန်းတံခါးကို ခြေဖြင့်ကန်ဖွင့်လိုက်သည်။
တံခါးသံကြောင့် သွားရည်တမြားမြားကျကာ အိပ်ငိုက်နေသော နန္ဒသည် ကယောင်ကတမ်းနှင့် နိုးထလာတော့သည်။ ထို့အတူ အခန်းအပြင်တွင် စောင့်ဆိုင်းနေသည့် စောရံဟာလည်း ယုဂန်အလောင်းကို သယ်၍ အပြင်ထွက်လာသော အရုဏကြောင့် လန့်ဖျပ်သွားသည်။
" အရှင့်သား အဘယ်ကိုသွားမလို့ပါလဲ"
စောရံ၏အမေးကို ဂရုမစိုက်ဘဲ အရုဏမှာ ယုဂန်ကိုသယ်၍ တစ်နေရာသို့ ထွက်ခွာသွားသည်။
အရုဏကို ကြည့်ရှုပေးရန် တာဝန်ရှိနေသော နန္ဒမှာ အနောက်မှ ကပျာကယာပြေးလိုက်လာသည်။
" အစ်ကိုတော် ဘယ်သွားမလို့လဲ။ ရပ်ပါဦး။ ယုဂန်ကို ဘယ်ခေါ်သွားမလို့လဲ"
" အရှင့်သား ကျေးဇူးပြုပြီး ပြန်ဖြေပေးပါ"
အနောက်မှ စောရံနှင့် နန္ဒတို့ပြေးလိုက်၍ အမောတကောမေးသည်။
ထိုအခါမှ အရုဏသည် ခြေလှမ်းကိုရပ်ပြီး တစ်ခွန်းတည်းသော စကားကိုဆိုသည်။
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...
