Unicode
လက်နက်ကိုယ်စီ ကိုင်ဆောင်ထားသော စစ်သည်ခြောက်ဦးခန့်က နန်းဆောင်ရှေ့တစ်လျှောက်တွင် အသင့်စောင့်ဆိုင်းနေကာ ယုဂန်တို့ကို တိုက်ခိုက်ရန် အသင့်ပြင်ဆင်နေသည်။
ယုဂန် ဝသန္တလေးကို ကောက်ချီလိုက်၏။ ဝသန္တက ကြောက်လန့်နေသောကြောင့် ယုဂန်၏လည်ပင်းကို တင်းနေအောင် ပွေ့ဖက်လာသည်။
ထိုအချိန်တွင် ယုဂန်သတိထားမိလိုက်သည်။ စစ်သည်များက ဝသန္တကို ဦးတည်နေခြင်းမဟုတ်ဘဲ ယုဂန်ကိုသာ မျက်ထောင့်နီကြီးများနှင့် စိုက်ကြည့်နေကြခြင်းဖြစ်သည်။ ယုဂန်ကသာ သူတို့၏ပစ်မှတ် ဖြစ်ပုံရသည်။ မင်းယောဇာက ယုဂန်ကို မရမကဖမ်းဆီးခဲ့ရန် အမိန့်ပေးထားပုံရသည်။ ဝသန္တကို ယုဂန်သွားကယ်မှန်းသိသည်နှင့် ဝသန္တကို တည်ကြက်ထားကာ ယုဂန်ကို ဖမ်းဆီးရန်အကြံ ချမှတ်ခဲ့ပုံပေါ်သည်။
စစ်သည်များက ယုဂန်ရှိရာတည့်တည့်ဆီသို့ အားမန်အပြည့်နှင့် ပြေးလွှားလာကြသည်။
ကလေးကို ပစ်မှတ်ထားသည်မဟုတ်မှန်း သိလိုက်သည်မို့ ယုဂန်သည် အနီးရှိသည့် ပီယံမိတ်ဆီ ဝသန္တကို ထိုးပေးလိုက်ကာ
" ပီယံ ကလေးကိုခေါ်"
ဟု ရေးကြီးသုတ်ပျာဆိုသည်။
ပီယံ ဝသန္တကို လွှဲပြောင်းပွေ့ချီလိုက်သည်။ စစ်သည်များက ထင်ထားသည့်အတိုင်း ယုဂန်ရှိရာဘက်ကို ပိုအားစိုက်၍ တိုက်ခိုက်ကာ ယုဂန်ကို အရှင်ဖမ်းဆီးနိုင်ရန် ကြိုးပမ်းနေကြသည်။
ယုဂန်ဘက်မှ နန္ဒနှင့်ဒီပါက ကာကွယ်တိုက်ခိုက်ပေးနေ၏။
ထိုအချိန်တွင် အကျယ်ချုပ်နန်းဆောင်မှ ထွက်ပြေးလာသော သုဒြာမှာ အိမ်ရှေ့စံနန်းဆောင်နားသို့ ရောက်ရှိလာသည်။
သူမသည် နန်းဆောင်နားရောက်ရောက်ချင်း ဖြစ်နေသော တိုက်ပွဲနှင့် တိုက်ပွဲကြားထဲမှ ဝသန္တကို ပွေ့ချီကာ တတ်နိုင်သမျှ ကာကွယ်ပေးနေသော ပီယံ့ကို တွေ့ရလေသည်။
မိခင်တစ်ဦးအနေနှင့် သူမ၏သားတော်ကို သုဒြာအရင်ဆုံးစိုးရိမ်မိသွားသည်။
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...
