Trigger Warning ⚠️: This chapter contains blood, violence, death and dying .
Unicode
အချိန်ကူးသန်းပေါက်တံခါး ပွင့်ဟလာခြင်း
______________
နတ်စစ်သည်များ ရောက်ရှိလာလေပြီ။
ထိုသူတို့ရောက်ရှိလာသည်ကိုမြင်သော် အတိတ်ဘဝမှ မင်းယောဇာမှာ စိုးထင့်သွားဟန်ရှိသည့်တိုင် နှုတ်ခမ်းကို မထီမဲ့မြင်မဲ့သည်။ သူက လောကကြီးအား အရွဲ့တိုက်သည့်ဟန်ဖြင့် ခပ်ဟဟရယ်လျက် ကောင်းကင်ယံကို မော့ကြည့်ပြီး လက်ညှိုးထိုးပြသည်။
" ဒီအချိန်မှတော့ ဘယ်သူမှ မတားဆီးနိုင်တော့ဘူး။ သိပ်မကြာခင်မှာတင် အချိန်တံခါးပွင့်ဟလာတော့မယ်"
နီမြန်းနေသော ကောင်းကင်တွင် တိမ်တိုက်များက လျင်မြန်လွန်းစွာသော အရှိန်နှင့် မနားတမ်းလည်ပတ်နေသည်။ လေတိုက်ခတ်နှုန်းက ကြမ်းတမ်းလွန်းသဖြင့် ဘေးပတ်ဝန်းကျင်ရှိ ပြိုပျက်သော အဆောက်အအုံအစအနများပင် လေထဲပျံဝဲကာ အိမ်ခေါင်မိုးများလည်း လန်၍ ပျံထွက်ကုန်ကြသည်။
အခြေမခိုင်သော သစ်ပင်အချို့ လဲကျကုန်၏။ ထိုကြားထဲမှ ထပ်ပြီး မဟာပထဝီမြေကြီး တသိမ့်သိမ့်တုန်ယင်ကာ မကောင်းဆိုးဝါးအော်သံဟု ထင်မြင်ရသော ဆွဲဆွဲငင်ငင် ညည်းညူသံကြီးဟာလည်း မြေကြီးထံမှလည်းကောင်း၊ ကောင်းကင်ယံမှလည်းကောင်း ပြိုင်တူထွက်ပေါ်လာခဲ့သည်။
နတ်စစ်သည်များသည် သူတို့၏လက်နက်များကို အသင့်အနေအထားပြင်ဆင်လိုက်ကြ၏။ ထိုအခါ အသူရာများဟာလည်း တိုက်ခိုက်တော့မည့်အနေအထားသို့ ပြောင်းလဲသွားကြသည်။
အခြေအနေဟာ ရုတ်ချည်းတင်းမာလာပြန်သည်။
" တယ်!"
" ဒီပြိတ္တာတွေကို သူတို့ဘုံ သူတို့နေရာဆီ ပြန်ပို့လိုက်ကြစမ်း!"
မာထန်သော၊ ကျယ်လောင်သော၊ သန်မာသော ကြွေးကြော်သံများနှင့်အတူ နတ်စစ်သည်များဟာ အသူရာနတ်တို့ဆီ တဟုန်ထိုး ပျံဆင်းလာကြသည်။
အသူရာနတ်များဟာလည်း သားရဲကောင်ကြီးများသဖွယ် ဟစ်ကြွေးလျက် နတ်များဆီ ပြေးဝင်၍ ထိပ်တိုက်တွေ့ဆုံသည်။
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...
