••Stay With Me?••[COMPLETED]

+50+

Тоглолт дуусан тэд тайзны араар орох мөчид сая нэг тайвшралыг мэдэрсэн би хэсэг зүрхээ даран суулаа. Хүмүүс ч эмх замбараатай нь аргагүй нэг нэгээрээ гаран стадионыг хоосруулж байх ч би нэг их санаа зоволгүй суусаар л байсан юм. Тэр тоглолтоо үзүүлж өөрийгөө хэр мундагийг мэдрүүлэх гэсэн бололтой тэр нь ч санаснаар нь болж байх шиг байна.

Би энэ заалыг орхих хэрэгтэйгээ мэдэх тул сандлаасаа босон гарах хаалганы зүг зүглэтэл ахин нэг хамгаалагч бололтой залуу над дээр ирэн нэг тийш дагуулж явахыг хүслээ. Түүнд хэн ингэж даалгасныг хэнээс ч илүү сайн мэдэж байсан тул хэлснээр нь явсаар тайзны ард ирчихсэн байв. Хэт хурц гэрэлд орсон би нүдээ анин хэсэг зогсоход хэн нэгэн миний мөрнөөс зууран авах нь мэдрэгдлээ.

"Би одоо завтай"

"Тэхён?"

"Яасан нүд чинь өвдөө юу?"

"Гэрэлд гарсан чинь…… завтай гэнээ?"

"Тийм ээ хаа нэг тийшээ явцгаая!"

"Ядардаггүй юм уу?"

"Зүгээр ээ"

"Тасалбар дээр 2 өдрийн тоглолт гэсэн байсан маргаашдаа бэлдсэн чинь дээр байх"

"Илүү зүйлд санаа зовох хэрэггүй"

?: Тэхёнаа зургаа авхуулцгаая

Тэхён: Минжэ хамт явцгаая

Тэр намайг дагуулан урт коридороор явсаар нэг өрөөнд орж ирэхэд саяны тайзыг эзэгнэн байсан залуус хөлсөө хатаан зогсож байлаа. Тэд намайг харан гайхсан царай гаргахад Тэхён "Ким Минжэ гэдэг манай найз байгаа юм" гэхэд Жимин намайг мэдэх тул хамгийн түрүүнд ирэн гар бариад "Ахин уулзсандаа таатай байна" гэсэн ч цаанаа л нэг зэвүүн инээн цаашлах нь миний сонирхлыг татаад явчихав. Бүгд л гар сунган надтай гар барьсны эцэст тэд зургаа авхуулахаар болж жижигхэн буйдан дээр бүгд шавааралдан суун царайлаг төрхөө гаргаж байлаа.

Яахав гоё л юм тэд бүгд хоорондоо дотно дээрээс нь хамт амьдардаг. Харин би хэзээ ч ийм олуулаа байж үзээгүй. Ер нь бол найзуудтай байж үзээгүй л юмдаа. Энд ирсэнээсээ хойш их олон зүйлд атаархаж байх чинь ээ. Түүний ертөнц надад тохирохгүй бололтой.