شتل عنبر

البارت الاول

السلام عليكم ورحمه الله

بِسْم الله الرحمن الرحيم

شتل. عنبر

بقلمي.Wasan Alsaad

الفصل الاول / خلف. وناصر اول شتلات العنبر
....،.................................................

قرية العرده / منتصف الأربعينات

هبت نسمات الصبح متشابگه( متحاضنه ) ويه بروده. مي. الهور
وتوها اول. خيوط. الشمس. تطر ( تنفذ ، تخلل) السما

فكيت عيني على. صوت. غنه العصافير ودكة. الهاون وأبوي يحضر. بالكهوه بيده.
كبال مضيف الكصب.
طلعت. من. دار. ( غرفه ) الطين. المبنيه بيد ابوي. والمسكوفه. بجذوع النخل.
بيتنا الوحيد بين بيوت السلف. مبني من طين. دارين وحده بصف الثانيه. ومطبخ صغير. بطرف. الحوش.
اللي عباره عن. تراب. ما. مصبوب.
ويحيط بيتنا. سياج من. بواري كصب. يسمونه الخص والمضيف بره البيت
خلاف ألبيوت. الباقيه. كلها صرايف. من الكصب

لفحتني ريحه. الخبز وامي. متحزمه بعباتها وتخبز. هي. وأختي. وفيه. الرابعه بتسلسل. خواتي. السته
وصلت. يمها. وهي تهلي. وتمرحب
" يا هلا. بهالصباح. ... يمه. "

وانا محتار. ادور بين الخبز الحار. المفروش على. السفرة. اللي مسويتها امي من خوص. النخل
ادور على حنايتي ( خبزة صغيرة )

" يمه. وينها حنايتي. لا تكولين. هيله كلتها. بعلي الفحل. املص ركبتها "

ردت. اختي وفيه.

" خايب. خليف. شمالك. كول يا الله رد الصباح على امي تركض على بطنك
تطمن محد. جاسها حنايتك ذيج هي بعدها. لواجة عجين ( شنكة )
هزت بيدها وكملت .... عود. صكد يمه. خليف. يفلح بالمدرسة. ويتعلم القرايه والكتابه. هذا انطيه. يطوش بالزرع. يسرح. بالغنم. مو. يتعلم. ويصير. أفندي "

غمتها امي.
". جمعناج بالله ليش يمه ما يصير. واذا يعرف كل هاي السوالف.. هذني من الزينات وابني. زلمه من ظهر زلمه. ماهو. مجفي. على وجه ونايم للظهاري. ... وهو بالأصل. هذا حوله ( سنته) السابع. تاخر سنه.
بس عمج. ضمد. كال. لابوج يدخل هو. وناصر. السنه. احسن. ... هاگ يمه. اكلها. والحنايه الثانيه. ادهنها. دهن حر. وارش عليها شكر. "

حبيت.( بوست) راسها. وهي كاعده. بالكاع تروي. بالعجين (. تشنكه .. تشكله الى. قطع. متساويه. وتلوثه بالطحين) لايمه كافي. اطلع اشوف. ابوي. والحك على. عمي عبد. لا يطلع للصيد. ويخليني
بس يمه لاتنسين. تسوين حنايه لناصر. اليوم. اكيد يجي ويه عمي. ضمد ..."