السلام عليكم
شتل عنبر
بقلمي Wasan Alsaad
البارت٧٠
هي الايام .....
تسير بِنَا من غير هواده
لانعرف الى أين
تميل بِنَا ذات اليمين وذات الشمال
نتخبط ، فنستتقيم ثم نعود نتعثر فنسقط
وتنهار عوالمنا امام اعيننا
فيبزغ ذاك النور من دواخلنا
لنعود ونتشبث بفروع الايام
ونقف من جديد
هذه هي الايام تدور ونحن ندور في فلكها
..................................................
في الحياة احنه نشبه الى حد كبير لاعب ألعاب الخفه بالسيرك
الحياة تشبه الحبل اللي يمشي عليه اللاعب والعصا اللي يتوازن بيها تمثل
دواخلنا مثل ما يحاول يميل مره يمنه مره يسره حتى يتوازن
هيج الانسان بحياته لآزم يكبن خطواته ما يميل على جهة تالي ويترك الثانيه بعدين رجليه وحده تلتف على الاخرى و يسقط على وجه ....
خلف اللي منطلق بسيارة الاجره بتجاه بيته بعد ما اجاه اتصال على محل جاره
ومن جاوب عرف من الصوت الباكي المرتبك اللي يستنجد بيه فسألها
" ها بويه فاطمه شخيركم "
تركها تشرحله بكلمات يتخلخلها صوت بجي
" خالي فدوه الحكنه منذر بطلعه امي نوريه ونهله دخل وشافهن وصارت
مشكله جبيره "
بدون ان يثير فضول اللي يمه وكأنه متلقي خبر عادي جاوبها باقتباض
" جايكم بويه "
بقى طول الطريق يضرب أخماس بأسداس وهو يحاول يتصور شنو اللي جرى بيته
وصل لبداية الفرع ياله صحى من أفكاره واشر لابو التكسي
" هنا عمي يمك الباب الثالث على اليسره ... طلع الاجره ... هاك عمي كروتك
ما عندي صرف اخذها محلل وموهوب "
اتجه لبيته لكه رجال شايب جارهم من كاعد على دجه او مسطبه مبنيه يم بابهم
سلم عليه رد الشايب السلام
وقبل لا يتحرك خلف وكفه الشايب بصوته
" عمي من رخصتك دا اكولك كلمتين ، احنه هنا عوائل مثقفه ومحترمه سنين متجاورين محد سمع صوت بيت الثاني وأنتم صارلكم سنه وكم شهر ما شفته منكم
اذيه ، بس اللي صار اليوم عيب بحقكم والله اني بكل صراحه ردت أتدخل
واكسر عوجيتي على راس ابنك ، يعني معقوله هيج صارت الدنيه
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
