السلام عليكم
شتل عنبر
بقلمي Wasan Alsaad
البارت ١٠٨
........................
سير علينة الهوى
وجفل بقايا الشوق
وكلمة هلا ومرحبا بس لحبيبي اتلوك
" زامل سعيد فتاح "
....................................
لحظة إحساسك بالفقد اصعب من لحظة الفقد نفسه
ظل ايهاب مرعوب ومذهول وهو يشوف النيران المشتعله بكل مكان
وأجساد متفحمة وأجسام تتكاون ويه النار وناس تركض من كل صوب اللي يريد ينقذ نفسه او اهله ويخلص اخاف تطك مره ثانيه
واللي يركض مثل ايهاب باتجاه موقع التفجير ما هامه النار خوفاً وبحثاً عن اعزازه
الشرطه فرضت طوَّق امني وكامت تطلع بالناس حتى الدفاع المدني يشوفون شغلهم
وهو يترجى واللي بصفه واللي وراه كلهم يترجون بالشرطي بس ندخل ندور اهلنا
وهو يجاوبهم
" عمي والله حاس بيكم ولله يعينكم بس غير نخلي الاطفاء يشوفون شغلهم ما يصير هيج وان شاء الله اهلكم سالمين
رحمه لأهلكم تفرقوا ما بينه حيل بمصيبه ثانيه تجمعكم مو بصالحكم يجي واحد ما يخاف من الله ويفجر روحه بنصكم
رحمه لأهلكم ابتعدوا حتى نشوف شغلنا .."
تطشروا كلمن يريد يلكاله صرفه
طلع ايهاب تلفونه وللمرة الألف يتصل مره على امه ومره على زينب ماكو رد غير الرقم خارج نطاق التغطيه
من شدة ما باله مدهوش رجليه رجعته لمكان سيارته وهو ماحاس على روحه اللي صارت بالتلفون وبدكاته
رفع راسه للسما اللي بدات الوان الأفق تتغير وتداخلت صفرة الشمس البرتقالية بارجوانيه السماء
لترسم لوحه غروب ووداع لأرواح بريئه رحلت عن عالمنا من غير وداع
رفع راسه للسماء
" ربي لا تفجعني مروتك الهي "....
بالجانب الاخر كانت التكسي اللي بيها نهلة وزينب
خارجه من منطقة العشار لكنهم سمعوا صوت الانفجار واضح جدا وشافوا تسارع سيارات الشرطة والدفاع المدني والإسعاف وتزاحم السيارات اللي تريد تدخل منطقه العشار بس الشرطة غلقت المداخل
وبدات السيارات تبحث عن مخارج فصار ازدحام بالسايدين
YOU ARE READING
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
