شتل عنبر

البارت ٦٦

شتل  عنبر

بقلمي Wasan Alsaad

البارت  ٦٦

"يُقال أحياناً أن  الانسان  حيوان  كاسر إلا أن
في هذا  القول  إهانة للحيوانات لا داعي  لها
فالحيوانات لا تبلغ  مبلغ  البشر في  القسوة  أبداً
وهي لا تتفنن في  قسوتها  تفنن الانسان "

دوستويفسكي

................،.....

حشرجت  الصوت   الحزين  الباكي   اللي  اختلطت  مع  الكلمات  المتسألة  المعاتبة
اللي  صدرت من خلف   لناصر   جعلت  الدنيا  بعين  ناصر   اضيگ  من   زرف الابرة

محتار  شلون   يبرر وبيش  يواسيه   وهو  لاول  مرة   يشوف   بعينه  انهيار  خلف  

كان  مدنك وبصوت    خافت  حزين      صدر   منه   سوال   لخلف 

" منين  عرفت  اذا  من  ابو  نضال   هو  اللي گلي   لا تبلغه  هسه 
وانا حسبتها  فوك  سجنك  وضميك    أزيد   عليك   هي  هاي  بشاره
واكدر  أبشرك  يا  اخوي  ،  هذا  الخبر   الموت  اهون  منه  "

هز  خلف  راسه  وهو  يغمض  عيونه   بقوه  كأنه  يريد 
يخفي  صوره   اجت  امام  عينه   و جر  حسره  وجعها  ما  يحسه
فقط  الاب  الفاقد 

"  اه  يا  اخوي  كلتها    الموت  اهون  يا  ناصر  ،  الموت  اهون من   العيشه  خلاف  منصور  ،
رد  مسح   دموعه الحاره  .. استغفر  الله  ربي وأتوب  اليه   ،  انا  لله  وانا  اليه  راجعون  "

واسترسل   بالكلام  

" كبل  اسبوع     اجاني  الحرس  گلي   زيارة   الك   كلبي  كبل  رجليه  ركضوا
كل  ظني  انت  جنت   احيا  وأموت   باليوم    الف مرة  وانا  افكر  بيكم وباخباركم 

وصلت   للقاعه  ما  شفتك   عيوني  ما ميزت  احد لان جنت  متاكد  ماكو احد  غيرك  يجيني 
وردت  ارد  واكول  للحرس متوهم  .... بس  وكفني   صوت  اعرفه  وهو  ينادي  عليه  ابو  منصور
خلف   التفت   ولان اشوف كدامي   واحد  من  العمال   اللي  بالوكالة وياه   اثنين   من  التجار 

وره  السلام  وانا مستغرب  جيتهم  لهنا  وبهيج وكت  طلعوا  مطلوبين  فلوس  اليه   وما  عارفين   مجان  الكم
ويردون  يبرون  ذمتهم  
بين  الحجي  واحد منهم كال   
"  الله  يصبرك  حجي  والله انت  انسان  مومن  واجهت  هاي   المصيبه   بصلابتك   والف رحمه  على روحه ما يستاهل  هاي  الموته  زين  الشباب   جان  "
لساني  احسه صار  اثكل من  الجبل  اريد  اساله  منو  وشنو  ما اكدر 
بس من   صوتهم  الناصي   وتلفتهم   عكلي  فهمها  بس گلبي  ما رضا  يصدكها 

الى  ان   كالها    العامل  وهو  يبجي   الله  يرحمك  منصور  خير   ومؤدب  من  صغر  سنه
وهو  بينه  بالسوك محد  شكى  منه   يعاين  لوجهي  اللي ما  ادري 
شلون  صارت  تلاميحه   ويكلي  حكك عمي    يسود  وجهك 
من  ينذكر   كدامك   الله يلوم  اللي  يلومك  ويصبرك